اسلام قبول کرنے والے کورین گلوکار کم داؤد کا پاکستان سے اظہارِ یکجہتی
اشاعت کی تاریخ: 7th, May 2025 GMT
حال ہی میں اسلام قبول کرنے والے کورین گلوکار کم داؤد نے بھارت کی جانب سے بزدلانہ حملے کے بعد پاکستان سے اظہارِ یکجہتی کی ہے۔
جنوبی کوریا سے تعلق رکھنے والے معروف گلوکار کم داؤد نے حالیہ پاک بھارت کشیدگی پر اظہار رائے کرتے ہوئے پاکستان کے ساتھ یکجہتی کا اظہار کیا ہے۔
انہوں نے انسٹاگرام پر پاکستان کے خوبصورت مقامات پر اپنے دورے کی یادگار ویڈیو شیئر کی جس کے کیپشن میں انہوں نے لکھا کہ ’ہمیشہ پاکستان کے لیے دعاگو ہوں‘۔
View this post on InstagramA post shared by Daud Kim (@jaehan9192)
یاد رہے کہ اسلام قبول کرنے والے جنوبی کوریائی گلوکار کم داؤد کا یہ بیان ایسے وقت میں سامنے آیا ہے جب رات کی تاریکی میں بھارتی فوج نے آزاد کشمیر کے علاقوں، کوٹلی، مظفر آباد اور پنجاب کے مرید کے، احمد پور شرقیہ میں شہری آبادی کو نشانہ بناتے ہوئے بزدلانہ حملے کیے۔
بھارت کی جانب سے بزدلانہ حملے کے نتیجے میں اب تک 26 پاکستانی شہید اور 43 زخمی ہو چکے ہیں جن میں ایک 8 سالہ بچہ بھی شامل ہے۔
پاک فوج نے ان حملوں کا منہ توڑ جواب دیتے ہوئے بھارت کے 5 جنگی طیارے، ڈرون، ایک انفنٹری بریگیڈ ہیڈ کوارٹر اور 6 مہار یونٹس کے بٹالین ہیڈ کوارٹرز کو تباہ کر دیا۔ پاک فوج نے بھارت کو منہ توڑ جواب دیتے ہوئے 5 جہاز اور 7 ڈرونز مار گرائے۔
.ذریعہ: Express News
پڑھیں:
جسٹس محسن اختر کیانی کا پٹوار خانوں میں بدعنوانی پر برہمی کا اظہار
اسلام آباد ہائیکورٹ کے جسٹس محسن اختر کیانی نے پٹوار خانوں میں بدعنوانی پر برہمی کا اظہار کرتے ہوئے ریمارکس دیے ہیں کہ سب جانتے ہیں اداروں میں پیسے کیسے بٹورے جاتے ہیں، کیا ڈپٹی کمشنر کو یہ معلوم نہیں کہ ان کے دفتر میں کون کرپٹ ہے۔
پٹواریوں کی خالی آسامیوں پر بھرتیوں سے متعلق کیس کی سماعت کے دوران عدالت میں پٹوار خانوں میں کرپشن اور رشوت ستانی سے متعلق رپورٹ جمع کرائی گئی۔ رپورٹ میں انکشاف کیا گیا کہ کئی پٹواریوں نے ذاتی منشی رکھے ہوئے ہیں اور رشوت کے عوض کام کیا جاتا ہے۔
یہ بھی پڑھیں: 5 ماہ کے تنازعات کے بعد جسٹس سرفراز ڈوگر اسلام آباد ہائیکورٹ کے چیف جسٹس بن گئے
جسٹس محسن کیانی نے رپورٹ پر ردعمل دیتے ہوئے کہا کہ رپورٹ میں سب کچھ واضح ہے، صورتحال اس حد تک پہنچ چکی ہے کہ اگر ان کا اختیار ہوتا تو یہ رشوت کو بھی قانونی حیثیت دے دیتے۔ انہوں نے مزید کہا کہ عدالت نے ایک مقدمے میں قیمت کے تعین کا حکم دیا تھا جس پر تاحال عملدرآمد نہیں ہوا۔
انہوں نے استفسار کیا کہ چیف کمشنراورڈپٹی کمشنرعدالتی احکامات پرعمل کیوں نہیں کروا رہے، ڈپٹی کمشنر خود اس نظام کا حصہ ہیں اورانہیں بخوبی علم ہے کہ کیا ہو رہا ہے۔
مزید پڑھیں: اسلام آباد ہائیکورٹ کا توہین مذہب کے مقدمات کی تحقیقات کے لیے کمیشن تشکیل دینے کا حکم
جسٹس محسن کیانینے وارننگ دیتے ہوئے کہا کہ اگر عدالتی احکامات پر عملدرآمد نہ ہوا تو چیف کمشنر اور ڈپٹی کمشنر کو عدالت بلا کر دومنٹ میں قانون سمجھا یا جائے گا۔
اس دوران اسٹیٹ کونسل سے مکالمہ کرتے ہوئے جسٹس کیانی نے کہا کہ اگرعدالتی حکم پرعملدرآمد نہیں ہوتا توچیف کمشنراورڈپٹی کمشنرکو عدالت میں طلب کیا جاسکتا ہے، تاہم یقین دہانی پرعدالت نے فی الوقت سخت حکم جاری کرنے سے گریز کیا اور کیس کی مزید سماعت پیر تک ملتوی کرتے ہوئے عملدرآمد کی ہدایت جاری کردی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد ہائیکورٹ برہمی پٹوارخانوں جسٹس محسن اختر کیانی ڈپٹی کمشنر رشوت ستانی کرپشن کمشنر
سپریم کورٹ نے طلاق یافتہ بیٹی کو پنشن دینے سےمتعلق فیصلہ جاری کر دیا