پاک فضائیہ کے عقاب جھپٹے اور آناً فاناً 3 رافیل طیاروں سمیت 5 بھارتی طیاروں کو مار گرایا، وزیراعظم شہباز شریف
اشاعت کی تاریخ: 7th, May 2025 GMT
وزیراعظم شہباز شریف : فوٹو فائل
بھارت کے 5 طیارے گرانے پر وزیر اعظم شہباز شریف نے پاک فضائیہ کو سلام پیش کرتے ہوئے، قوم کو مبارکباد دی۔
قومی اسمبلی میں خطاب کرتے ہوئے وزیراعظم شہباز شریف نے کہا کہ بھارت کو اپنے رافیل طیاروں پر بہت ناز تھا، پاک فضائیہ کے عقاب جھپٹے اور آناً فاناً 3 رافیل طیاروں سمیت 5 بھارتی طیاروں کو مار گرایا۔
وزیراعظم نے کہا کہ کل کیے گئے حملے میں بھارت کے 80 جہاز شریک تھے، ہم نے احتیاط سے کام لیا ورنہ بھارت کے 5 کے بجائے 10 طیارے گرتے، جو کہتے تھے پاکستانی روایتی جنگ میں پیچھے ہے، کل رات ان کا ہوش ٹھکانے آگیا۔
سیکیورٹی ذرائع کا کہنا ہے کہ پاکستانی افواج کی کارروائیوں سے بھارتی فوج کے قدم اکھڑ چکے ہیں۔
اپنے خطاب کے دوران وزیراعظم نے اپوزیشن کو بھی بات چیت کی پیشکش کرتے ہوئے کہا کہ اپوزیشن کے ساتھیوں سے اپنے چیمبر میں ملنے کو تیار ہوں، اس موقع پر دنیا کو پیغام دینا چاہیے کہ ہم سب ایک ہیں۔
شہباز شریف نے کہا کہ پاک فوج نے بھارت کے مکروہ حملے کا جواب دے کر اس تاریکی رات کو چاند رات بنا دیا، بی ایل اے اور ٹی ٹی پی کے بھارت کے ساتھ تانے بانے ملتے ہیں۔
وزیراعظم نے کہا کہ بھارت نے اس دوست ملک کے سفیر کو بلا کر ڈیمارش کیا جس نے ہماری پیش کش کی حمایت کی، بھارت کو جعفر ایکسپریس پر حملے کی مذمت کی توفیق نہیں ہوئی، بھارت میں جعفر ایکسپریس واقعے پر مذاق اڑایا گیا۔
شہباز شریف نے کہا کہ 24 کروڑ عوام کو مبارکباد دیتا ہوں کہ ہماری فوج 24 گھنٹے تیار تھی، بھارت نے جو طیارے خریدے تھے ان پر اس کو بہت ناز تھا، چند دن پہلے بھارت کے رافیل طیارے اڑے ہماری ایئر فورس نے ان کی کمیونی کیشن لاک کر دی۔
.ذریعہ: Jang News
کلیدی لفظ: شہباز شریف نے نے کہا کہ بھارت کے
پڑھیں:
ہتک عزت دعویٰ‘ شہباز شریف کے بیان پر جرح مکمل ‘تحریری حکم جاری
لاہور(خبرنگار)ایڈیشنل سیشن جج یلماز غنی نے بانی پی ٹی آئی عمران خان کیخلاف دائر وزیراعظم شہباز شریف کے 10 ارب مالیت کے ہتک عزت کے دعویٰ کیس کی گذشتہ سماعت کا تحریری حکم جاری کردیا، تحریری حکم کے مطابق وزیراعظم شہباز شریف کے بیان پر جرح مکمل ہوچکی ہے، عدالت نے بقیہ گواہان پر جرح کیلئے فریقین کو 27 ستمبر کو طلب کرلیا۔
لاہور ہائیکورٹ میں چیف جسٹس کی عدالت میں چوہے کی انٹری، سائلین خوفزدہ