بھارتی جارحیت کیخلاف پوری قوم متحد اور پاک فوج کے شانہ بشانہ ہے، مولانا فضل الرحمان
اشاعت کی تاریخ: 7th, May 2025 GMT
پشاور(ڈیلی پاکستان آن لائن)جمعیت علما اسلام کے سربراہ مولانا فضل الرحمان نے کہا ہے کہ بھارتی جارحیت کیخلاف پوری قوم متحد اور پاک فوج کے شانہ بشانہ ہے۔ایکسپریس نیوز کے مطابق جمعیت علما اسلام کے سربراہ مولانا فضل الرحمان نے بھارتی جارحیت پر اپنا سخت ردعمل جاری کیا ہے۔انہوں نے کہا کہ پاکستان پر بھارت کے بزدلانہ حملوں کی شدید مذمت کرتے ہیں، بھارتی حملہ ہماری خودمختاری کی کھلم کھلا خلاف ورزی ہے ۔
مولانا فضل الرحمان نے کہا کہ بھارت کی طرف سے بلا اشتعال جارحیت کی گئی ہے، جس کے خلاف پاکستانی قوم متحد ہے اور افواج پاکستان کے ساتھ شانہ بشانہ کھڑی ہے۔اُن کا مزید کہنا تھا کہ بھارت نے حملے میں عام شہری معصوم خواتین اور بچوں کو نشانہ بنایا ہے۔واضح رہے کہ بھارت نے ایک روز قبل پاکستان کے 6 مقامات پر 24 حملے کیے تھے جس میں 26 شہری شہید ہوئے، پاک فوج اور فضائیہ نے بھرپور جواب دیتے ہوئے بھارت کے 5 طیارے گرائے، جبکہ ہیڈ کوارٹر اور کئی چیک پوسٹوں کو تباہ کیا ہے۔
انڈیا میں غیر ملکی سرمایہ کاری پر پاک بھارت کشیدگی کا کتنا اثر پڑے گا؟
مزید :.ذریعہ: Daily Pakistan
کلیدی لفظ: مولانا فضل الرحمان کہ بھارت
پڑھیں:
27ویں آئینی ترمیم: فیصل واوڈا کی مولانافضل الرحمن سے ملاقات
data-id="863a0a8" data-element_type="widget" data-widget_type="theme-post-content.default">
اسلام آباد:۔ 27ویں آئینی ترمیم کی منظوری کے لیے سیاسی رابطوں میں تیزی آگئی، سینیٹر فیصل واوڈا نے مولانافضل الرحمن سے ا ن کی رہائش گاہ پر ملاقات کی۔
سینیٹر فیصل واوڈا نے کہاکہ مولانا فضل الرحمن سیاست کا بہت بڑا نام ہے یہ فیصلہ ان کا ہے کہ وہ کس طرف جاتے ہیں، 85سال کہ عمر میں سیاست دان سیاست کرسکتا ہے تو ایک جج یا دیگر سرکاری افسر ساٹھ یا پینسٹھ میں کیوں ریٹائر ہورہا۔ جو بھی ریڈ لائن کراس کرے گا اسے سختی کا سامنا کرنا پڑے گا۔
بدھ کو ملاقات کے بعد میڈیا سے گفتگو کرتے ہوئے سینیٹرفیصل واوڈا نے کہاکہ مولانا فضل الرحمان سے میرا بہت پرانا تعلق ہے ہم مولانا صاحب سے سیاست بھی سیکھنے کی کوشش کرتے ہیں مولانا فضل الرحمن سیاست کا بہت بڑا نام ہے یہ فیصلہ ان کا ہے کہ وہ کس طرف جاتے ہیں، پاکستان کی سیاست میں ہمیشہ مولانا فضل الرحمان کی ضرورت رہتی ہے میں سب کے سامنے ملاقات کے لیے آتا ہوںسب کو معلوم ہے ووٹ کے نمبرز کے حوالے سے کوئی مسئلہ نہیں۔
واوڈا نے مزید کہاکہ آج کی ملاقات میں مولانا نے کوئی اعتراضات عائد نہیں کیے ،ٹرانسفر پوسٹنگ اس 27ویں آئینی ترمیم کی اہم شق ہے 85سال کہ عمر میں سیاست دان سیاست کرسکتا ہے تو ایک جج یا دیگر سرکاری افسر ساٹھ یا پینسٹھ سال میں کیوں ریٹائر ہورہا۔ انہوں نے کہاکہ اب جنگ صرف زمینی فضائی یا بحری نہیں اب مائنڈ سیٹ اور ٹیکنیکل جنگ شروع ہوگئی ہے ٹی ایل پی سے میرے 2018ءسے تعلقات ہیںٹی ایل پی واضح وجہ سے کالعدم ہوئی ہے،جو بھی ریڈ لائن کراس کرے گا اسے سختی کا سامنا کرنا پڑے گا۔
صحافی نے فیصل واوڈا سے سوال کیاکہ آپ 27ویں آئینی ترمیم کے حوالے سے مولانا فضل الرحمان سے ملنے آئے، کیا کوئی تجاویز، کوئی مسودہ بھی لائے، جس پر جواب دیتے ہوئے انہوں نے کہاکہ مسودہ لانا تو حکومت کا کام ہے، میں نے مولانا کے ساتھ اس معاملے پر مفصل گفتگو کی مولانا فضل الرحمان ایک زیرک سیاستدان ہیں انہوں نے اس پر سوچنے اور رائے کی بات کی۔
فیصل واوڈا نے کہاکہ مولانا فضل الرحمان کے ساتھ ایک گہرا تعلق ہے، میں پھر بھی آتا رہوں گا27 ویں ترمیم کے حوالے سے کوئی مشکل نہیں البتہ 33نمبر سے پاس ہونے کی بجائے 50نمبر سے پاس ہوں تو زیادہ بہتر ہے آپ 27ویں کی بجائے 28ویں ترمیم کی بات کریں یہ ہوجائے گی کوئی 18 ویں ترمیم رول بیک نہیں ہورہی، صرف پراپیگنڈا کیا جارہا ہے پیپلز پارٹی آئین اور جمہوریت کی محافظ جماعت ہے اور نظام کی ضامن ہے بلاول بھٹو زرداری، ان کی والدہ، نانا، ماموں سمیت کئی قربانیاں جمہوریت کیلئے ہیں۔
شہر قائد میں زلزلے کے جھٹکے