بھارت نے رافیل کی مارکیٹ گرادی، پاکستان کیلئے جے ایف 10سی بنانے والی کمپنی کے شیئرز آسمان پر پہنچ گئے
اشاعت کی تاریخ: 7th, May 2025 GMT
پاک بھارت کشیدگی کے دوران پاک فوج کی طرف سے نشانے بنانے کے بعد رافیل بنانے والی فرانسیسی کمپنی “ڈسالٹ ایوی ایشن” کے حصص زمین بوس ہوگئے وہیں جے ایف 17 اور جے 10 سی بنانے والی کمپنی کے شیئرز میں زبردست اضافہ ریکارڈ کیا گیا۔پاکستان کی جانب سے گزشتہ شب بھارت کے فرانسیسی ساختہ 4پوائنٹ 5 جنریشن لڑاکا طیارے ’’ڈسالٹ رافیل‘‘ کو مار گرانے کی خبر کے بعد چین کی ایرو اسپیس کمپنی ’’چینگڈو ایئرکرافٹ کارپوریشن ‘‘ کے شیئرز شینزین اسٹاک ایکسچینج میں 11اعشاریہ 85 پوائنٹس بڑھ گئے۔چینگڈو ایئرکرافٹ کارپوریشن ایک معروف چینی ایرو اسپیس ادارہ ہے جو لڑاکا طیارے ڈیزائن اور تیار کرتا ہے۔ یہی ادارہ پاکستان ایئر فورس کے لیے جے10 اور جے ایف17 طیارے تیار کرتا ہے۔پاکستانی وقت کے مطابق صبح 9 بج کر 45 منٹ پر چینی کمپنی کے شیئرز چینی یوان 71اعشاریہ 08 پر پہنچ گئے جس میں یوان 11اعشاریہ 9 یعنی 18 فیصد اضافہ ریکارڈ کیا گیا۔صبح 11 بج کر 45 منٹ پر بھی کمپنی کے حصص سبز زون میں تھے اور یوان 69اعشاریہ 42 پر ٹریڈ ہو رہے تھے، یعنی یوان 10اعشاریہ 19 یا 17اعشاریہ 17 فیصد اضافہ۔اسی دن 11:51 پر، یہ شیئرز یوان 68اعشاریہ 88 پر تھے، جو کہ یوان 9اعشاریہ 65 یا 16اعشاریہ 29 فیصد اضافے کو ظاہر کرتا ہے۔
دوسری طرف فرانس کی دفاعی کمپنی ’’ڈسالٹ ایوی ایشن‘‘ جو رافیل جنگی طیارے بناتی ہے، اسکے شیئرز پیرس اسٹاک ایکسچینج پر شدید مندی کا شکار ہو گئے۔پاکستان ایئر فورس کی جانب سے ایک سے زائد رافیل طیارے مار گرانے کی خبروں نے کمپنی کے شیئرز پر براہ راست منفی اثر ڈالا۔پاکستانی وقت کے مطابق 11:53 پر ڈسالٹ کے حصص میں یورو 5اعشاریہ 40 یعنی 1اعشاریہ 64 فیصد کی کمی دیکھی گئی اور وہ یورو 324 تک گر گئے۔
.
ذریعہ
ذریعہ: Nawaiwaqt
کلیدی لفظ: کمپنی کے شیئرز
پڑھیں:
مزدوروں کیلئے خوشخبری، کم از کم ماہانہ اجرت 45 ہزار روپے مقرر کرنے کی تجویز
ویب ڈیسک :پاکستان انسٹی ٹیوٹ آف ڈیولپمنٹ اکنامکس نےآئندہ مالی سال کے لیے کم از کم ماہانہ اجرت 45 ہزار روپے مقرر کرنے کی سفارش کردی۔
اس حوالے سے پائیڈ نے شواہد پر مبنی فریم ورک تجویز کردیا جس کے تحت مالی سال 2026-27 کے لیے قومی سطح پر کم از کم اجرت 45000 روپے ماہانہ مقرر کرنے کی سفارش کی گئی ہے۔
پائیڈ نے موجودہ کم از کم اجرت 40000 روپے کے مقابلے آئندہ مالی سال کیلئے 12.5 فیصد اضافہ تجویز کیا ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
پائیڈ کی رپورٹ کے مطابق کم از کم اجرت کی پالیسی اب صرف لیبر ڈیپارٹمنٹ تک محدود معاملہ نہیں رہی بلکہ یہ گھریلو قوتِ خرید، غربت کے خدشات ، غیر رسمی روزگار، مقامی طلب، پیداواری ترغیبات اور مجموعی سماجی استحکام پر براہِ راست اثر انداز ہوتی ہے۔
یہ بھی پڑھیں:نئی کاواساکی موٹرسائیکل نےدھوم مچا دی
رپورٹ میں بتایا گیا ہے کہ مالی سال 2026 کے جولائی تا اپریل عرصے میں اوسط افراطِ زر 6.19 فیصد رہی اور اپریل 2026 میں سال بہ سال افراطِ زر 10.9 فیصد تک پہنچ گئی ہے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ