جی ڈی اے کا 18 مئی کو باغ جناح کراچی میں ہونے والا جلسہ عام ملتوی
اشاعت کی تاریخ: 7th, May 2025 GMT
کراچی:
جی ڈی اے نے ملکی حالات کے پیش نظر 18 مئی کو باغ جناح کراچی میں ہونے والا جلسہ عام ملتوی کرنے کا اعلان کردیا۔
گرینڈ ڈیموکریٹک الائنس اور جمعیت علمائے اسلام کا اہم مشاورتی اجلاس آج کراچی میں منعقد ہوا جس میں جی ڈی اے کے چیف کوآرڈینیٹر سید صدرالدین شاہ راشدی، جے یو آئی سندھ کے امیر مولانا عبد القیوم ہالیجوی، مولانا راشد محمود سومرو، جی ڈی اے کے ڈاکٹر صفدر عباسی، سردار عبدالرحیم، سید زین شاہ، مظہر راہوجو، معظم عباسی، مظفر بروہی جبکہ جے یو آئی کے مولانا عبدالکریم عابد، قاری عثمان ، غلام سرور بلیدی، رفیق احمد سومرو، حسین آصفی اور دیگر رہنما شریک ہوئے۔
اجلاس میں پاکستان پر رات کے اندھیرے میں بھارتی بزدلانہ حملے کی شدید الفاظ میں مذمت کی گئی، معصوم شہریوں کی شہادت پر انکے درجات کی بلندی، زخمیوں کی جلد صحتیابی اور پاک فوج کے جوانوں کے عزم و حوصلے میں اضافے کیلئے دعا کی گئی۔
اس موقع پر سید صدرالدین شاہ راشدی اور مولانا راشد محمود سومرو نے کہا کہ ملکی سرحدوں کے حفاظت کے لئے جی ڈی اے اور جے یو آئی کے کارکنان پاک فوج کے شانہ بشانہ ہوں گے حر فورس اور انصار السلام کے کارکنان ملکی سالمیت پر کوئی آنچ نہیں آنے دیں گے۔
رہنماؤں اور کہا کہ ہم سب کے لئے وطن عزیز سب سے زیادہ مقدم ہے ملک ہے تو ہم ہیں لہٰذا ہم جلسے کو ملتوی کرکے پاک فوج کے ساتھ کھڑے ہیں، پوری پاکستانی قوم بزدل بھارتی فوج کے سامنے سیسہ پلائی ہوئی دیوار بن کر کھڑی ہوگی۔
.ذریعہ: Express News
پڑھیں:
بلاول کی امریکا، یورپ کے دورے سے آج وطن واپسی، جناح ٹرمینل ون ٹریفک کیلئے بند
بلاول بھٹو زرداری : فائل فوٹوپاکستان کے اعلیٰ سفارتی وفد کے سربراہ بلاول بھٹو زرداری امریکا اور یورپ کے دورے کے بعد آج رات واپس وطن پہنچیں گے، سیکیورٹی وجوہات کی بنا پر جناح ٹرمینل ون ٹریفک کے لیے بند کر دیا گیا۔
بلاول بھٹو زرداری امریکا، یورپ کے دورے کے بعد آج رات وطن پہنچیں گے، کراچی پہنچنے پر کارکنوں سے خطاب بھی کریں گے، ایئرپورٹ اولڈ ٹرمینل پر پیپلز پارٹی رہنماء اور کارکنان بلاول کا استقبال کریں گے۔
بلاول بھٹو نے کہا کہ بھارت اقوام متحدہ کے چارٹر کے برخلاف پاکستان کے 24 کروڑ افراد کے پانی کے حق پر حملہ کر رہا ہے،
ٹریفک پولیس کا کہنا ہے کہ سیکیورٹی وجوہات کی بنا پر جناح ٹرمینل ون ٹریفک کے لیے بند کر دیا گیا، ماڈل کالونی قبرستان سے آنے والی ٹریفک کو مادام آؤٹ کی طرف بھیجا جا رہا ہے۔
ٹریفک پولیس کے مطابق جناح آؤٹ والی ٹریفک کو مین شارع فیصل کی طرف بھیج رہے ہیں۔
پاکستان پیپلز پارٹی کا کہنا ہے کہ سربراہ پاکستانی سفارتی مشن بلاول بھٹو زرداری نے امریکا، برطانیہ اور یورپی یونین کا اہم دورہ کیا، 11 دنوں میں 3 ممالک، 4 بڑے شہر اور 68 اہم سفارتی ملاقاتیں کیں۔
بلاول بھٹو زرداری نے پاکستان کا مؤقف امن، مسئلہ کشمیر، اور انڈس واٹر ٹریٹی پر مؤثر انداز میں دنیا کے سامنے رکھا۔
ایران اور اسرائیل کی جنگ مسلکی نہیں بلکہ کفر و اسلام کی جنگ ہے، ملی یکجہتی کونسل جنوبی پنجاب