بھارتی جارحیت کے تناظر میں شہری دفاع اور عوامی آگاہی کے لیے اہم فیصلے
اشاعت کی تاریخ: 8th, May 2025 GMT
سیکریٹری داخلہ پنجاب نور الامین مینگل کی زیرِ صدارت پنجاب بھر کے کمشنرز اور آر پی اوز کا اجلاس منعقد ہوا جس میں پنجاب بھر میں ڈویژنل انٹیلیجنس کمیٹیوں کے اجلاس فوری بلانے کی ہدایت کی گئی۔
سیکریٹری داخلہ پنجاب نے ہدایت کی کہ اضلاع میں جاری کردہ ڈرون پروٹوکول پر عملدرآمد کیا جائے اور متعلقہ علاقہ محفوظ بنا کر بم ڈسپوزیبل اسکواڈ سے کلئیر کروائے جائیں۔
یہ بھی پڑھیے: بھارت کی جانب سے پاکستان بھیجے جانے والے اسرائیلی ساختہ ہیروپ ڈرونز کیا ہیں؟
انہوں نے کہا کہ کسی بھی حملے یا ہنگامی صورتحال میں سائرن کا استعمال کریں، سول ڈیفنس عوامی دفاع کی مشقیں بڑھائیں اور شہریوں کو آگاہی دی جائے، ایمرجنسی صورتحال میں جاری کردہ ایس او پیز پر من وعن عملدرآمد یقینی بنایا جائے۔
سیکریٹری داخلہ پنجاب نے احکامات جاری کرتے ہوئے کہا کہ سوشل میڈیا پر جعلی خبروں اور جھوٹی اطلاعات کی جانچ اور روک تھام کی جائے، عوامی دفاع کے لیے سول ڈیفنس اور ریسکیو 1122 فیلڈ میں موجود رہیں، اہم تنصیبات اور حساس مقامات کی سکیورٹی بڑھائی جائے۔
یہ بھی پڑھیے: لاہورمیں فوجی تنصیب پر ڈرون حملہ ہوا، انڈیا کی طرف سے ڈرونز بھیجنے کا عمل جاری ہے،جنہیں تباہ کیاجارہا ہے، آئی ایس پی آر
انہوں نے ہدایت کی کہ ڈویژنل اور ضلعی انتظامیہ ہر وقت مکمل طور پر ریڈ الرٹ رہے، عوامی رابطہ کمیٹیوں کو فوری طور پر فعال کیا جائے اور تمام ادارے قانون نافذ کرنے والے اداروں کی نقل و حرکت میں معاونت کریں۔
اجلاس میں شہریوں سے درخواست کی گئی کہ وہ کسی مشکوک چیز یا دھماکا خیز مواد کی اطلاع محکمہ داخلہ کے واٹس ایپ نمبر 03334002653 پر دیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بارود بھارت پاک بھارت کشیدگی حملے ڈرونز سول ڈیفینس.ذریعہ: WE News
کلیدی لفظ: بھارت پاک بھارت کشیدگی حملے سول ڈیفینس
پڑھیں:
کشمیر بنے گا پاکستان، محکمہ داخلہ پنجاب میں یوم استحصال کشمیر پر تقریب
محکمہ داخلہ پنجاب ’’کشمیر بنے گا پاکستان‘‘ کے نعروں سے گونج اٹھا۔ محکمہ داخلہ پنجاب کے افسران نے ہاتھوں میں پاکستان اور آزاد کشمیر کے پرچم اٹھا رکھے تھے۔ سیکرٹری داخلہ پنجاب ڈاکٹر احمد جاوید قاضی نے اپنی گفتگو میں کہا کہ جموں و کشمیر پر بھارت کے غیرقانونی قبضے کیخلاف پوری قوم متحد ہے۔ اسلام ٹائمز۔ ’’کشمیر بنے گا پاکستان‘‘ محکمہ داخلہ پنجاب میں یوم استحصال کشمیر پر تقریب کا انعقاد کیا گیا۔ اس موقع پر ایک منٹ کی خاموشی بھی اختیار کی گئی۔ تفصیلات کے مطابق محکمہ داخلہ پنجاب میں یوم استحصال کشمیر کی مناسبت سے خصوصی تقریب کا انعقاد کیا گیا۔ سیکرٹری داخلہ پنجاب ڈاکٹر احمد جاوید قاضی کی قیادت میں افسران و عملے نے اہلیان کشمیر سے یکجہتی کا اظہار کیا اور بھارت کے 5 اگست 2019 کے یک طرفہ اور غیر قانونی اقدام کی شدید مذمت کی گئی۔ اہلیان کشمیر سے اظہاریکجہتی کیلئے ایک منٹ کی خاموشی بھی اختیار کی گئی جس کے بعد کشمیر کی موجودہ صورتحال پر اظہار خیال اور اہلیان کشمیر کی امداد کیلئے پاکستان کے مضبوط عزم کا اعادہ کیا گیا۔
اس موقع پر محکمہ داخلہ پنجاب ’’کشمیر بنے گا پاکستان‘‘ کے نعروں سے گونج اٹھا۔ محکمہ داخلہ پنجاب کے افسران نے ہاتھوں میں پاکستان اور آزاد کشمیر کے پرچم اٹھا رکھے تھے۔ سیکرٹری داخلہ پنجاب ڈاکٹر احمد جاوید قاضی نے اپنی گفتگو میں کہا کہ جموں و کشمیر پر بھارت کے غیرقانونی قبضے کیخلاف پوری قوم متحد ہے۔ مقبوضہ جموں و کشمیر کی خصوصی آئینی حیثیت ختم کرکے کشمیریوں سے ان کے بنیادی حقوق چھینے گئے۔مسئلہ کشمیر کا حل اقوام متحدہ کی منظور شدہ قراردادوں کے مطابق استصواب رائے میں ہے۔ یاد رہے کہ محکمہ داخلہ پنجاب کی تمام فیلڈ فارمیشنز میں بھی اہلیان جموں و کشمیر سے اظہار یکجہتی کیلئے تقاریب کا انعقاد کیا گیا۔
بلوچستان: ایک اور سفاکانہ واردات، پسند کی شادی پر 7 سال بعد میاں بیوی قتل