ہر انتخاب سے قبل بھارت کی جانب سے کشیدگی محض اتفاق ہے؟ مس یونیورس ایریکا روبن نے سوالات اٹھا دیے
اشاعت کی تاریخ: 9th, May 2025 GMT
مس یونیورس پاکستان منتخب ہونے والی ماڈل ایریکا روبن نے پاکستان کے جھنڈے کی تصویر پوسٹ کی اور لکھا کہ پاکستان اور بھارت کے درمیان موجودہ صورتحال دل دہلا دینے والی ہے۔
فوٹو اینڈ ویڈیو شیئرنگ ایپ انسٹاگرام پر پوسٹ کرتے ہوئے ان کا کہنا تھا کہ اگرچہ بھارتی حکام دعویٰ کر رہے ہیں کہ ان کے حملے صرف عسکریت پسندوں کے خلاف تھے، لیکن زمینی حقیقت کچھ اور ہی منظر پیش کر رہے ہیں۔
یہ بھی پڑھیں: ’بدلہ تو ابھی باقی ہے‘، بھارتی ڈرونز گرانے پر سوشل میڈیا پر پاک فوج کے حق میں پیغامات
ان کا کہنا تھا کہ رہائشی علاقے ملبے کا ڈھیر بن گئے ہیں، عبادت گاہیں تباہ ہوئیں اور معصوم بچوں کی لاشیں ملبے سے نکالی گئیں۔ ماڈل نے کہا کہ سچائی کو چھپانے کی بھرپور کوشش کی جا رہی ہے۔ بھارت میں بہت سے متبادل ذرائع بند کر دیے گئے ہیں تاکہ صرف ایک سرکاری بیانیہ سامنے آئے۔ لیکن سچ کو دبایا نہیں جا سکتا۔
View this post on Instagram
A post shared by Erica Robin (@ericarobin_official)
ایریکا روبن نے مزید لکھا کہ وہ 26 سال کی ہیں، اور انہوں نے زندگی میں بارہا دیکھا ہے کہ ہر چند سال بعد خاص طور پر انتخابات سے پہلے سرحدی کشیدگی اچانک بڑھا دی جاتی ہے۔
انہوں نے لکھا کہ 1999 میں کارگل جنگ ہوئی جوعام انتخابات سے کچھ پہلے تھی۔ 2016 میں اہم ریاستی انتخابات سے قبل سرجیکل اسٹرائیکس کی گئیں۔ 2019 میں پلوامہ حملہ اور بالا کوٹ اسٹرائیکس کی گئیں جو کہ عام انتخابات سے فوراً پہلے تھیں۔ 2022 میں ریاستی انتخابات کے دوران سرحدی تنازعے کا عروج تھا۔ اور اب 2025 میں ’آپریشن سندور‘ کیا گیا جس میں 26 سے زائد بے گناہ شہری مارے گئے جن میں خواتین، بچے، اور عبادت گاہیں شامل ہیں۔
یہ بھی پڑھیں: پہلگام حملے کی مذمت کرنے پر مشی خان پاکستانی اداکاروں پر کیوں برس پڑیں؟
ان کا مزید کہنا تھا کہ کیا اتنے واقعات کے بعد بھی ہم اسے محض اتفاق کہہ سکتے ہیں؟ کب تک معصوم جانیں سیاسی کھیل کا ایندھن بنتی رہیں گی؟ لوگ آخر کب جاگیں گے؟ کیا واقعی کوئی یہ مان سکتا ہے کہ پاکستان ہر بار بغیر کسی محرک کے حملے کر دیتا ہے؟ اس دعوے میں آخر کتنی حقیقت ہے؟
ایریکا روبن نے کہا کہ مجھے اس بات پر فخر ہے کہ میں ایک ایسے ملک سے ہوں جہاں سچ بولنے کی آزادی ہے، جہاں ہم اختلاف کا حق رکھتے ہیں اور میں اس حق کو استعمال کرتی رہوں گی کیونکہ خاموشی ظلم کی حمایت کے مترادف ہے۔
یہ بھی پڑھیں: جنگ کی حمایت کرنے پر ثانیہ مرزا کو پاکستانیوں کی کڑی تنقید کا سامنا
ان کا کہنا تھا کہ ہمیں اب جنگ نہیں چاہیے۔ ہمیں اپنے لوگوں کی لاشوں پر سیاست نہیں کرنی چاہیے۔ دونوں ممالک کو دشمنی نہیں دوستی اور امن کو فروغ دینا چاہیے۔ سرحدوں پر ہنسی نہیں، ہمدردی ہونی چاہیے۔ آخر میں انہوں نے لکھا کہ خون خرابہ بند کیجیے اور انسانیت کا راستہ اپنایئے۔
واضح رہے کہ ایریکا روبن کراچی سے تعلق رکھنے والی ایک پاکستانی فیشن ماڈل ہیں، وہ ملک کی مسیحی برادری سے ہیں جو مسلسل خواتین کو بااختیار بنانے کی وکالت کرتی نظر آتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایریکا روبن بھارتی ڈرون پاکستان انڈیا جنگ پاکستانی فوج پہلگام حملہ رافیل.ذریعہ: WE News
کلیدی لفظ: ایریکا روبن بھارتی ڈرون پاکستان انڈیا جنگ پاکستانی فوج پہلگام حملہ رافیل ایریکا روبن نے انتخابات سے کہنا تھا کہ لکھا کہ
پڑھیں:
کینٹکی میں یو پی ایس کارگو طیارہ گر کر تباہ، 7 ہلاک 11 زخمی
data-id="863a0a8" data-element_type="widget" data-widget_type="theme-post-content.default">
کینٹکی: امریکا میں یو پی ایس کارگو طیارہ دورانِ پرواز خوفناک حادثے کا شکار ہوگیا جس کے نتیجے میں 7 افراد ہلاک اور 11 زخمی ہوگئے۔
غیر ملکی خبر رساں ادارے کے مطابق کینٹکی کے لوئی ول ایئرپورٹ کے قریب کارگو طیارہ گر کر تباہ ہوا، حادثے میں پائلٹ سمیت 7 ہلاکتیں ہوئیں جبکہ 11 افراد زخمی ہیں۔
امریکی فیڈرل ایوی ایشن کے مطابق 2 لاکھ 80 ہزار گیلن ایندھن لے جانے والا یہ طیارہ لوئی ول ایئرپورٹ سے اڑان بھرنے کے فوراً بعد اچانک نیچے آ گرا اور تباہ ہوگیا۔ حادثے کے نتیجے میں قریبی عمارتوں میں آگ لگ گئی اور علاقے میں دھوئیں کے کالے بادل چھا گئے۔
عینی شاہدین نے بتایا کہ پہلے طیارے کے بائیں بازو میں آگ لگی، دھواں اٹھا، طیارہ تھوڑا سا اوپر گیا اور پھر زور دار دھماکے کے ساتھ زمین پر آ گرا جس سے پورا علاقہ لرز اٹھا۔
حادثے کی اطلاع ملتے ہی فائربریگیڈ اور ایمرجنسی سروسز موقع پر پہنچ گئیں۔ ہلاک ہونے والوں میں عملے کے 3 ارکان اور جائے حادثہ پر موجود 4 افراد شامل ہیں۔ تاہم یو پی ایس انتظامیہ نے اپنے عملے کی حالت کی ابھی تک باضابطہ تصدیق نہیں کی۔
گلگت بلتستان کا 78 واں یوم آزادی آج جوش و جذبے کے ساتھ منایا جا رہا ہے