بھارت کے رافیل طیارے پاکستان نےچینی ساختہ طیاروں سےتباہ کیے : امریکی حکام کا دعویٰ
اشاعت کی تاریخ: 9th, May 2025 GMT
نیویارک (اوصاف نیوز)امریکی اعلیٰ حکام نے اس امر کی تصدیق کی ہے کہ پاکستان اور چین کے بنائے ہوئے طیاروں نے بدھ کے روز کم از کم دو بھارتی جنگی طیاروں کو مار گرایا ہے۔
یہ بات امریکہ کے دو اعلیٰ حکام نے بین الاقوامی خبر رساں ادارے ‘ روئٹرز ‘ کو بتایا ہے کہ بھارت کے جنگی طیاروں کے خلاف پاکستان کی اس کامیابی کی تصدیق کرتے ہوئے کہی ہے۔ نیز یہ بھی کہا کہ پاکستان اور چین کے بنائے گئے طیارے کے لیے یہ بڑا سنگ میل ہے جواس نے عبور کیا ہے۔
جب ‘ رائٹرز ‘ کی طرف سے بھارتی فضائیہ کے ترجمان سے اس بارے میں پوچھا گیا کہ تو اس بھارتی ترجمان کا کہنا تھا کہ وہ اس بارے میں کوئی تبصرہ کرنے کی پوزیشن میں ۔
خیال رہے واشنگٹن کو بھی چینی ٹیکنالجی سے تیار کردہ اس طیارے کی کارکردگی کے بارے میں خصوصی دلچسپی تھی کہ وہ اس کی کارکردگی کو قریب سے دیکھے کہ یہ تائیوان یا انڈو پیسفک ایشو پر کسی جنگی موقع پر کیا کر سکتا ہے۔ اس لیے واشنگٹن نے اس کی کاردگی پر گہری نظر رکھی تھی۔
اس بارے میں ایک امریکی ذمہ دار نے اپنا نام ظاہر نہ کرنے کی شرط پر ‘ روئٹرز ‘ سے کہا ۔ اس بات پر ہمیں پورا یقین ہے کہ پاکستان نے چینی ساختہ جے 10 طیارے بدھ کے روز فضا سے فضا میں کاررائیوں کے لیے استعمال کیے ہیں۔جس کے نتیجے میں کم از کم دو بھارتی طیارے مار گرائے ہیں۔ ایک اور امریکی ذمہ دار نے کہا کم از کم ایک فرانسیسی ساختہ رافیل طیارہ ضرور تباہ کیا گیا ہے۔
ان دونوں امریکی حکام کا کہنا تھا ‘ امریکی ساختہ ایف 16 طیارے اس جنگی معرکے میں ہر گز استعمال نہیں کیے گئے ہیں۔’ دوسری جانب نئی دہلی نے اپنے کسی بھی طیارے کے اس جنگی ماھول میں تباہ ہونے کو ابھی تک تسلیم نہیں کیا ہے۔ بلکہ اپنے حملوں کو کامیابی سے کرنے کی اطلاس دی ہے۔
پاکستان کے مختلف علاقوں میں کیے گئے بھارتی حملوں کے بعد امریکہ ،روس اور چین سمیت سبھوں نے تحمل سے کام لینے اور ماحول کو ٹھنڈا کرنے کا کہا ہے۔ کیونکہ یہ انتہائی آبادی کے علاقے میں دو جوہری طاقتوں کا ٹکراؤ خطرناک ہو گا۔
سب سے پہلے مغربی دنیا سے تعلق رکھنےوالے خبر رساں ادارے ‘روئٹرز’ نے مقامی حکام اور ذرائع کے حوالے سے رپورٹ دیتے ہوئےبدھ کے روز کہا تھا کہ پاکستان نے تین بھارتی طیارے گرا دیے ہیں۔ مگر امریکہ کی طرف سے یہ پہلی تصدیق ہے کہ بدھ کے روز پاکستان نے چینی ساختہ جیٹ طیارے استعمال کیے ہیں۔
جیسا کہ جمعرات کے روز پاکستان کے وزیر دفاع خواجہ محمد آصف نے ‘ روئٹرز’ کو بتایا کہ پاکستان نے چینی ساختہ جے-10 کا استعمال کرتے تین رافیل طیاروں کو مار گرایا ہے۔فراسنسی ساختہ رافیل طیارے بھارتی فضائیہ کے پاس جدید ترین طیارے ہیں۔ اس لیے بھارت ان پر بہت بھروسہ کر رہا تھا۔
ادھر پاکستان کا موقف ہے کہ اس نے مجموعی طور پر اس نے فضا سے فضا میں ہونے والی لڑائی میں بھارت کے پانچ طیارے مار گرائے ہیں۔
جمعرات کو جب دیر گئے متنازعہ ریاست جموں و کشمیر کے جموں شہر میں دھماکے ہوئے تو بھارتی فوجی ذرائع کا کہنا تھا انہیں شبہ ہے کہ جھڑپوں کے دوسرے دن پورے خطے میں پاکستانی ڈرون حملے کیے گئے ہیں۔
جبکہ پاکستان نے جمعرات کے روز کہا ہے کہ کہ اس نے رات بھر بھارت سے آنے والے 25 ڈرون مار گرائے ہیں۔ اسی طرح بھارت نے کہا کہ اس نے فضائی دفاع کرتے ہوئے پاکستانی ڈرونز اور فوجی اہداف پر میزائل حملوں کو روک دیا ہے۔
پاک بھارت تنازعہ امریکہ کا مسئلہ نہیں،مداخلت نہیں کرینگے، امریکی نائب صدر جے ڈی وینس
.
ذریعہ
ذریعہ: Daily Ausaf
کلیدی لفظ: کہ پاکستان نے چینی ساختہ کے روز
پڑھیں:
فیفا ورلڈ کپ دیکھنے کیلیے کینیڈا جانیوالے 175 غیر ملکیوں نے سیاسی پناہ مانگ لی
فیفا ورلڈ کپ دیکھنے کے لیے وزٹ ویزہ پر کینیڈا پہنچنے والے درجنوں افراد نے اسائلم کی درخواستیں دائر کر دیں۔
کینیڈا میں ورلڈ کپ کے 13 میچ منعقد ہوئے جن کے لیے حکام نے مجموعی طور پر 26 ہزار سیاحتی ویزے جاری کیے تھے۔ ہزاروں درخواستوں میں سے 50 فیصد سے زائد مسترد کر دی گئی تھیں۔
کینیڈین حکام کے مطابق اب تک 175 افراد سیاسی پناہ کی درخواستیں جمع کرا چکے ہیں جن کا جائزہ امیگریشن اور مہاجرین سے متعلق قوانین کے تحت لیا جائے گا۔
حکام نے یہ واضح نہیں کیا کہ درخواست گزاروں میں کتنے کھلاڑی شامل ہیں، تاہم دستیاب اعداد و شمار کے مطابق گھانا کے 25 جبکہ مصر اور کولمبیا کے 15، 15 شہریوں نے اسائلم کی درخواستیں دی ہیں۔ حکام کا کہنا ہے کہ اس تعداد میں مزید اضافہ بھی ہو سکتا ہے۔
اس سے قبل کینیڈین حکومت خبردار کر چکی تھی کہ فیفا ورلڈ کپ کے لیے جاری کیے گئے سیاحتی ویزے کینیڈا میں مستقل قیام یا سیاسی پناہ حاصل کرنے کا ذریعہ نہیں ہیں اور ہر درخواست کا فیصلہ صرف ملکی قوانین کے مطابق کیا جائے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا