بھارت کی ایک اور بڑی شکست ، آئی ایم ایف نے دوسری قسط کی منظوری دے دی
اشاعت کی تاریخ: 9th, May 2025 GMT
لاہور(ڈیلی پاکستان آن لائن)آئی ایم ایف نے پاکستان کو بڑی خوشخبری سناتے ہوئے 7 ارب ڈالر کے قرض پروگرام کے تحت ایک ارب ڈالر کی اگلی قسط جاری کرنے کی منظوری دیدی ۔تفصیلات کے مطابق آئی ایم ایف ایگزیکٹو بورڈ کا واشنگٹن میں اجلاس ہوا جس دوران آئی ایم ایف نے پاکستان کے اقتصادی جائزے کی منظوری دی ۔یاد رہے کہ پاکستان ور آئی ایم ایف کے درمیان سٹاف لیول معاہدہ 25 مارچ کو طے پایا تھا، 7 ارب ڈالر کے قرض پروگرام کے تحت 1 ارب ڈالر پہلے ہی مل چکے ہیں، 7 ارب ڈالر کی اگلی قسط ملنے سے جاری کردہ رقم 2 ارب ڈالر ہو جائے گی۔
پاکستان بھارت کو کب اور کیسے جواب دے گا؟
واضح رہے کہ بھارت نے آئی ایم ایف پر اثر انداز ہونے کی کوشش کی تھی اور کہا تھا کہ پاکستان کو قرض نہ دیا جائے
مزید :.ذریعہ: Daily Pakistan
کلیدی لفظ: ا ئی ایم ایف ارب ڈالر
پڑھیں:
بھارت سے مسلسل چوتھی شکست، پاکستانی بولرز ناکام، دبئی میں گرما گرمی کا ماحول، انڈین کھلاڑیوں نے پھر ہاتھ نہ ملایا
دبئی(نیوز ڈیسک)بھارت سے مسلسل چوتھی شکست،پاکستانی بولرز ناکام،دبئی میں گرما گرمی کا ماحول، انڈین کھلاڑیوں نے پھر ہاتھ نہ ملایا، اوپنر فخر زمان مشکوک کیچ پر آوٹ قرار پائے، امپائر نے شک کا فائدہ بولر کو دیا ، فائنل کی ریس میں رہنے کیلئے منگل کو سری لنکا کو شکست دینا ہوگی ، اگلا میچ جمعرات کو بنگلہ دیش سے ہوگا۔پاکستانی بالرز 172رنز کا دفاع نہ کرسکے۔ایشیا کپ کرکٹ ٹورنامنٹ میں بڑے اسکور کے باوجود پاکستانی بولنگ ہدف کا دفاع کرنے میں ناکام رہی اور بھارت نے پاکستان کے خلاف سپر فور کا میچ چھ وکٹ سے جیت لیا اور لگاتار چوتھی کامیابی حاصل سات گیند پہلے حاصل کرلی۔پاکستانی ٹیم آٹھویں بار بھارت کے خلاف پہلے بیٹنگ کرتے ہوئے میچ ہارگئی۔ابھیشیک شرما اور شمبن گل کے بر ق رفتار اسٹروک پلے کے سامنے پاکستانی بولر بند نہ باندھ سکے اوپنرز نے میچ کو یک طرفہ بنادیا۔پاکستانی ٹیم کو فائنل کی ریس میں رہنے کے لئے منگل کو ابوظبی میں سری لنکا کو شکست دینا ہوگی اگلا اور آخری میچ جمعرات کو بنگلہ دیش کے خلاف ہوگا۔دبئی اسٹیڈیم میں میچ گرما گرمی والے ماحول میں کھیلا گیا۔شاہین آفریدی اور حارث روف سے بھارتی اوپنرز الجھتے رہے لیکن وکٹ نہ مل سکی تلک ورما 30ور ہاردیک پانڈیا13رنز کے ساتھ ناٹ آوٹ رہے۔بھارت کی105رنز پر پہلی وکٹ فہیم اشرف کو ملی جب شمبن گل28گیندوں پر8چوکوں کی مدد سے47رنز بناکر بولڈ ہوئے۔ایک رن کے اضافے کے بعد حارث روف نے سوریا کمار یادیو کو صفر پر کیچ آوٹ کرادیا۔ابھیشیک شرما39گیندوں پر74رنز بناکر ابرار احمد کا شکار بنے ان کی اننگز میں پانچ چھکے اور چھ چوکے شامل تھے۔ابرار احمد نے42رنز دے کر ایک وکٹ حاصل کی۔سنجو سیمسن کو 13رنز پر حارث روف نے بولڈ کیا۔حارث نے26رنز دے کر دو وکٹ حاصل کئے۔ابھیشیک شرما اور شمبن گل نے اپنی ٹیم کو تیز آغاز فراہم کیا۔بھارتی ٹیم نے پہلی گیند چھکا مارا اور پچاس نز28گیندوں پر مکمل کئے۔پاور پلے کے چھ اوور ز میں69رنز بنے۔صاحبزادہ فرحا ن نے40رنز پر ابھیشیک کا کیچ ڈراپ کردیا۔انہوں نے پچاس رنز24گیندوں پر مکمل کئے۔ٹیم کے مجموعی 100رنز8.4اوورز میں بنے۔صائم کے تین اوورز میں35اور ابرار کےدو اوورز میں28رنز بنے۔بھارت نے ٹاس جیت کر پہلے بولنگ کا انتخاب کیا اور مقررہ اوورز میں پانچ وکٹ پر171رنز بنائےیہ پاکستان کا بھارت کے خلاف سب سے بڑا اسکور ہے۔
Post Views: 1
کراچی: بیوی کے قتل کا کیس، شوہر اور اس کا ساتھی جسمانی ریمانڈ پر پولیس کے حوالے