بھارت کا ٹیبل پرآنا پاکستان کی بہت بڑی کامیابی ہے: بلاول بھٹو
اشاعت کی تاریخ: 10th, May 2025 GMT
اسلام آباد :چیئرمین پاکستان پیپلزپارٹی بلاول بھٹو زرداری نے کہا ہے کہ بھارت کا ٹیبل پرآنا پاکستان کی بہت بڑی کامیابی ہے۔
نجی ٹی وی سے گفتگو کرتے ہوئے بلاول بھٹو زرداری کا کہنا تھا کہ پاکستان کے عوام ،افواج،ایئرفورس کومبارکباد دیتا ہوں،پاکستان کی افواج نےتاریخی مقابلہ کیا ہے، دنیا کی تاریخ میں کسی نے رافیل طیارے نہیں گرائے تھے، پاکستان ایئرفورس نے بھارت کےپانچ جہازگرائے۔
انہوں نے کہا کہ پاکستان کےمنہ توڑجواب کی وجہ سے بھارت پیچھے ہٹا، پاک،بھارت مذاکرات کا واحد حل بات چیت ہی ہے، بھارت کا ٹیبل پرآنا پاکستان کی بہت بڑی کامیابی ہے، پاکستان میں دہشت گردی میں بھارت ملوث ہے، بھارت کے خلاف ہماری چارج شیٹ بہت لمبی ہے، بھارت کوپرانےمعاہدوں پرعمل درآمد کرنا ہوگا، بھارت کہتا کچھ اورکرتا کچھ اورہے۔
چیئرمین پاکستان پیپلزپارٹی کا کہنا تھا کہ پاک، بھارت دونوں ایٹمی ملک ہے، بھارت سیزفائرمعاہدے کی خلاف ورزی کررہا ہے، بات چیت کےآغازسےبھارت کی نیت کا پتا چلے گا، پاکستان کی نیت صاف ہے۔
بلاول بھٹو نے کہا کہ سیزفائرہونا پاکستان کی بہت بڑی کامیابی ہے، سیزفائرکی وجہ سے بھارت کو پیچھے ہٹنا پڑا، سندھ طاس معاہدہ یکطرفہ طورپرمعطل نہیں کیا جاسکتا، بھارت کوسندھ طاس معاہدے پرعمل درآمد کرنا چاہیے، امید ہے جب ڈائیلاگ شروع ہوں گےتوسندھ طاس معاہدےپربھی بات ہوگی۔
ان کا مزید کہنا تھا کہ ایسا لائحہ عمل طے کرنا ہوگا، آئندہ کوئی دہشت گردی کا واقعہ ہو توایک دوسرے پرحملہ نہیں کریں گے، ایک ایسا فورم بن سکتا ہےجس میں ہم دہشت گردی کا مقابلہ کرسکتےہیں،پاکستان اوربھارت کوٹیبل پربیٹھ کرایسا لائحہ عمل بنانا ہوگا۔
ذریعہ: Daily Mumtaz
کلیدی لفظ: بلاول بھٹو
پڑھیں:
بھارت نے سندھ طاس معاہدہ نہ مانا تو پاکستان جنگ کرے گا، بلاول بھٹو
پاکستان پیپلز پارٹی کے چیئرمین بلاول بھٹو زرداری نے کہا کہ جھوٹ کی بنیاد پر ایران کی نیوکلیئر سائٹس پر امریکی حملوں کی مذمت کرتے ہیں، بھارت نے سندھ طاس معاہدہ نہ مانا تو پاکستان جنگ کرے گا۔
بجٹ پر بحث کے دوران قومی اسمبلی میں اظہار خیال کرتے ہوئے ان کا کہنا تھا کہ اسرائیل نے جھوٹ کی بنیاد پہ ایران پہ حملہ کیا ہے، ہم اس حملہ کی مذمت کرتے ہیں۔
انہوں نے کہا کہ سائنسدانوں اور صحافیوں کو بھی ٹارگٹ کیا گیا، سختی سے اس حملہ کی مذمت کرتے ہیں۔
بلاول بھٹو نے کہا کہ کل امریکہ نے ایران کے نیوکلیئر سائٹس پر حملہ کیا، ہم امریکی حملوں کی مذمت کرتے ہیں۔
ان کا کہنا تھا کہ اکتوبر سے ہم نے نسل کشی دیکھی، پہلے وہ فلسطین پھر وہ یمن کے لئے آئے اور اب ایران کے لئے آئے ہیں، ہمارے خطے میں ایک نیتن یاہو کی سستی کاپی ہے۔
بلاول بھٹو نے کہا کہ ہم نے سستی کاپی کو جنگ، سفارتکاری اور بیانئے کے میدان بھی ہروا دیا، ہم سب نے دیکھا کہ سابق وزیراعظم نے کہا میں کیا کروں ، آپ کیا چاہتے ہو میں بھارت کے ساتھ جنگ چھیڑ دوں۔
انہوں نے کہا کہ اس دفعہ جب کشمیر پر حملہ ہوا پاکستان پر حملہ ہوا تو پاکستان جھکا نہیں، پچھلی حکومت کا ردعمل تھا کشمیر ہائی وے کو سری نگر ہائی وے کہہ دیں، اس حکومت نے بھارت کے چھ جہاز گرائے، خان صاحب کی حکومت کے بعد بھارت کہتا تھا کشمیر ہمارا اندرونی معاملہ بن چکا ہے، اب کشمیر بین الاقوامی معاملہ بن چکا ہے۔
بلاول بھٹو کی تقریر کے دوران اقبال آفریدی نے نعرے لگائے جب کہ چیئرمین پیپلز پارٹی نے اپنی تقریر جاری رکھتے ہوئے کہا کہ بھارت کے لئے دو ہی آپشن ہے یا سندھ طاس معاہدہ مان لے، اگر وہ نہیں مانتے تو پاکستان جنگ کرے گا، بھارت ہار چکا اور پاکستان جیت چکا۔
انہوں نے کہا کہ ماضی میں ایک سیاسی جماعت نے آئی ایم ایف پروگرام کو نقصان پہنچانے کی کوشش کی، اس دفعہ بھارت نے کوشش کی وہ ناکام رہا، اقوام متحدہ میں بھی پاکستان جیت چکا ہے بھارت ہار چکا ہے، انڈین لابی اور اسرائیل لابی نے پوری کوشش کی کہ پاکستان کو بدنام کرے، ہر محاذ پر ایک بار پھر بھارت ہارا پاکستان جیتا۔
ان کا کہنا تھا کہ بھارت کی بھرپور کوشش تھی کہ لڑائی کے نتیجے میں پاکستان کو پھر گرے لسٹ کیا جائے، بھارت کی تمام کوششیں ناکام رہیں، بہت ضروری ہے کہ دونوں ممالک کے درمیان امن قائم کیا جائے، ہم بھارت کے عوام کا مقدمہ بھی لڑ رہے ہیں۔
بلاول بھٹو نے کہا کہ پاکستان اور بھارت کے عوام کا فائدہ صرف اور صرف امن کے سلسلے میں ہوسکتا ہے، حکومت کی پالیسیز کے نتیجے میں بہت بہتری آئی ہے، ہماری پارٹی بجٹ کو سپورٹ کرے گی، دفاعی بجٹ میں 20 فیصد اضافہ ہوا ہے، بھارت آج تک کہہ رہا ہے یہ سیز فائر نہیں، اس صورت میں پاکستان نے جنگ کی تیاری کرنی ہے۔
انہوں نے کہا کہ بی آئی ایس پی پروگرام کے بجٹ میں اضافے کی تعریف کرتا ہوں، وزیراعظم اور ان کی ٹیم کا شکر گزار ہوں، ہم نے ہمیشہ کہا ہے کہ محنت کش پر ٹیکس زیادہ ہے، پیپلز پارٹی نے تنخواہوں اور پنشن میں تاریخی اضافہ کیا تھا۔
ان کا کہنا تھا کہ ہم ایسی کوشش کریں کہ بھارت کو امن کی طرف آنے مجبور کریں، پاکستانی عوام معاشی فرنٹ پر جنگ لڑی رہی ہے، مہنگائی کم ہونے پر وزیر خزانہ کی کوششوں کو سراہتے ہیں۔
بلاول بھٹو نے کہا کہ میں چاہتا ہوں کہ نان کمبیٹ بجٹ میں کمی ہوں لیکن غیر معمولی حالات میں غیر معمولی فیصلے لینے کرتے ہیں، بھارتی بیانات کے مطابق جنگ رکی نہیں بلکہ وقفہ آیا ہے۔
چیئرمین پیپلز پارٹی نے کہا کہ 16 سے بیس گھنٹے کی لوڈشیڈنگ ہوتی ہے، سولر پر ٹیکس کو کم کیا گیا ہے، پیپلز پارٹی سے بات چیت کے بعد سولر پر ٹیکس کو دس فیصد سے کم کرکے 10 فیصد کیا گیا ہے، پیپلز پارٹی کابینہ میں موجود نہیں لیکن ہم قوم کے نمائندے ہیں۔
انہوں نے کہا کہ تنقید کرنا اپوزیشن کا حق ہوتا ہے، ہم مثبت تجاویز حکومت کے سامنے لا سکتے ہیں، ہر چیز پر ان کا ایک مطالبہ ہے، وہ صرف کہتے ہیں قیدی کو رہا کرو، باقیوں کا یہ مطالبہ نہیں ہے۔
ان کا کہنا تھا کہ عوام کے مسائل کو بھی اٹھائیں، بھارت نے جو اعلان کیا، اس پر ہمیں احتجاج کرنا چاہئے اور اس کو چیلنج کرنا چاہئے، ایک دوسری لابی ہے جو ہر مسئلہ کا حل ڈیم بنانے کو سمجھتا ہے، حکومت نے بجٹ میں غیر متنازع ڈیموں کے لئے جو فنڈنگ رکھی ہے ان کو سپورٹ کرتا ہوں۔
Tagsپاکستان
’ماحولیاتی خطرات سے نمٹنے کے لیے ریکارڈ بجٹ مختص‘، مریم اورنگزیب کا دعویٰ