شدید گرمی، سبی اور جیکب آباد آج ملک کے گرم ترین شہر رہے
اشاعت کی تاریخ: 11th, May 2025 GMT
—فائل فوٹو
ملک بھر میں شدید گرمی کی لہر چل پڑی، آج سبی اور جیکب آباد ملک کے گرم ترین شہر رہے۔
محکمۂ موسمیات کے مطابق دونوں شہروں میں 46 ڈگری کی گرمی تھی لیکن 50 ڈگری کی محسوس کی گئی۔
تربت میں 42 ڈگری کی گرمی 48 درجے کی شدت سے محسوس کی گئی جبکہ بہاولپور میں 41 ڈگری کی گرمی 46 ڈگری محسوس کی گئی۔
نواب شاہ میں 42 ڈگری کی گرمی 47، سکھر میں 44 ڈگری کی گرمی 46، پشاور اور تھر میں 40 ڈگری کی گرمی 45 درجے کی شدت سے محسوس کی گئی۔
بدین میں 41 ڈگری کی گرمی 45، ملتان میں 39 ڈگری کی گرمی 44، ٹھٹہ میں 40 ڈگری کی گرمی 43، حیدرآباد میں 41 ڈگری کی گرمی 44 ڈگری کی محسوس کی گئی۔
اسلام آباد، راولپنڈی، لاہور میں 36 ڈگری کی گرمی 41 اور کراچی میں 35 ڈگری کی گرمی 40 ڈگری کی محسوس کی گئی۔
.ذریعہ: Jang News
کلیدی لفظ: محسوس کی گئی ڈگری کی گرمی
پڑھیں:
خیبر پختونخوا اسمبلی، 2 پارٹیوں کے ممبران میں گرما گرمی، الزامات
خیبر پختونخوا اسمبلی میں تحریک انصاف(پی ٹی آئی) اور تحریک انصاف پارلیمنٹرین (پی ٹی آئی پی) کے ممبران کے درمیان گرما گرمی ہوگئی۔
اراکین نے ایک دوسرے کے ساتھ گالم گلوچ کی، ایوان میں شورشرابا ہوا، نیک محمد داوڑ اور اقبال وزیر نے ایک دوسرے پر کرپشن کے الزامات لگائے، دیگر اراکین بھی اپنے ممبران کی سپورٹ میں کھڑے ہوگئے۔
پی ٹی آئی پی کے رکن اقبال وزیر نے کہا کہ میرے حلقے میں محکمہ آبپاشی کا ٹینڈر کہیں اور کھولا گیا، ا یسا صوبے کی تاریخ میں کبھی نہیں ہوا، محکمہ آبپاشی کے وزیر اس کرپشن کا جواب دیں۔
انہوں نے مزید کہا کہ اسپیکر صاحب محکمہ آبپاشی کے ایکسیئن اور دیگر افسران کے خلاف انکوائری کرائیں۔
پی ٹی آئی کے نیک محمد نے جواب دیتے ہوئے کہا کہ گذشتہ حکومت میں اقبال وزیر صوبائی وزیر تھے اس دور کی اور میری وزارت کی بھی انکوائری کرائیں، آپ جب وزیر تھے لمبے بالوں والوں کو لاکر ٹینڈر کھولتے تھے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی