کراچی: آج سورج تباہی مچائے گا، گرمی 40 ڈگری محسوس ہونے کا امکان
اشاعت کی تاریخ: 11th, May 2025 GMT
کراچی میں آج موسم شدید گرم اور مرطوب رہے گا۔ محکمہ موسمیات کے مطابق شہر میں زیادہ سے زیادہ درجہ حرارت 36 ڈگری سینٹی گریڈ تک جا سکتا ہے، تاہم دن کے اوقات میں گرمی کی شدت 40 ڈگری سینٹی گریڈ سے زائد محسوس کی جائے گی۔
محکمہ موسمیات کا کہنا ہے کہ اس وقت شہر کا مطلع صاف ہے اور تیز دھوپ کے باعث موسم نہایت گرم اور مرطوب ہو چکا ہے۔ موجودہ درجہ حرارت 32 ڈگری سینٹی گریڈ ریکارڈ کیا گیا ہے، جب کہ گرمی کی شدت 36 ڈگری سینٹی گریڈ تک محسوس کی جا رہی ہے۔
ادھر مغربی سمت سے 15 کلومیٹر فی گھنٹہ کی رفتار سے ہوائیں چل رہی ہیں، اور ہوا میں نمی کا تناسب 55 فیصد ہے۔ ماہرین موسمیات نے شہریوں کو بلا ضرورت دھوپ میں نکلنے سے گریز اور پانی کا زیادہ استعمال کرنے کی ہدایت کی ہے تاکہ ہیٹ اسٹروک سے بچا جا سکے۔
Post Views: 2.ذریعہ: Daily Mumtaz
کلیدی لفظ: ڈگری سینٹی گریڈ
پڑھیں:
بلوچستان: بیشتر اضلاع میں موسم گرم اور خشک رہنے کا امکان
---فائل فوٹوصوبہ بلوچستان کے دارالخلافہ کوئٹہ اور گرد و نواح میں مطلع صاف اور موسم خشک اور معتدل رہنے کا امکان ہے۔
محکمۂ موسمیات کے مطابق بلوچستان کے شمالی علاقوں میں بھی موسم خشک، خنک اور جنوبی و وسطی علاقوں میں گرم رہنے کا امکان ہے۔
محکمۂ موسمیات کا کہنا ہے کہ آج صوبے کے بیشتر اضلاع میں موسم گرم اور خشک رہنے کا امکان ہے۔
محکمہ موسمیات نے شہرِ قائد کراچی کے مضافات میں آج کہیں کہیں آندھی اور گرج چمک کے ساتھ بارش کا امکان ظاہر کیا ہے۔
آج دوپہر میں بارکھان، کوہلو، قلعہ عبداللّٰہ، قلعہ سیف اللّٰہ، نوشکی، ہرنائی میں بھی بارش متوقع ہے۔
محکمہ موسمیات کے مطابق ژوب، موسیٰ خیل، خضدار، قلات، خاران، لسبیلہ، اواران، کیچ، پنجگور اور گردونواح میں بھی بارش کی توقع کی جا رہی ہے۔
قومی اسمبلی میں بھارتی اقدامات کیخلاف مذمتی قرارداد متفقہ طور پر منظور