کردستان ورکرز پارٹی کا مسلح جدوجہد ختم کرنے کا اعلان، وزیر اعظم شہبازشریف کا خیرمقدم
اشاعت کی تاریخ: 12th, May 2025 GMT
وزیرِ اعظم شہباز شریف نے کردستان ورکرز پارٹی المعروف پی کے کے کی تحلیل کے اعلان کا خیرمقدم کرتے ہوئے اسے ایک اہم قدم قرار دیا ہے جو ترکیہ میں پائیدار امن اور دہشت گردی سے پاک مستقبل کی طرف پیش رفت کی علامت ہے۔
سماجی رابطے کی ویب سائٹ ایکس پر اپنے ایک بیان میں شہباز شریف نے کہا ہے کہ یہ تاریخی پیش رفت ترک قیادت، خصوصاً صدر رجب طیب اردوان اور ترک قوم کے غیرمتزلزل عزم کی عکاس ہے، جو مفاہمت، اتحاد اور استحکام کی راہ پر گامزن ہیں۔
Pakistan welcomes the announcement of PKK’s dissolution, a significant step toward lasting peace and a terror-free Turkiye.
— Shehbaz Sharif (@CMShehbaz) May 12, 2025
’یہ تاریخی پیش رفت میرے پیارے بھائی صدر رجب طیب اردگان کی قیادت میں ترک قیادت کے غیر متزلزل عزم کی عکاسی کرتی ہے۔۔۔ترک قوم، مفاہمت، اتحاد اور استحکام کی طرف اپنی پیش قدمی جاری رکھے گی۔‘
وزیر اعظم شہباز شریف نے مزید کہا کہ پاکستان اور ترکی دہشت گردی کی تمام اقسام کے خاتمے کے لیے اپنے مشترکہ عزم پر قائم رہیں گے۔
یہ بھی پڑھیں:ترکیہ، کرد علیحدگی پسند رہنما عبد اللہ اوجلان نے ہتھیار ڈال دیے
واضح رہے کہکردستان ورکرز پارٹی یعنی عسکریت پسند گروپ پی کے کے نے، جو کہ 4 دہائیوں سے زائد عرصے سے ترک ریاست کے ساتھ خونریز تنازعہ میں ملوث رہی ہے، اپنی مسلح جدوجہد کے خاتمے کا اعلان کرتے ہوئے پارٹی کو تحلیل کرنے کا فیصلہ کیا ہے۔
پی کے کے کا یہ اہم فیصلہ نیٹو کے رکن ترکیہ کے سیاسی اور اقتصادی استحکام کو فروغ دے سکتا ہے اور ہمسایہ ملک عراق اور شام میں بھی کشیدگی کم کرنے کے لیے اقدامات کی حوصلہ افزائی کر سکتا ہے، جہاں کرد افواج امریکی افواج کی اتحادی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایکس پی کے کے خیرمقدم شہباز شریف وزیر اعظمذریعہ: WE News
کلیدی لفظ: ایکس پی کے کے شہباز شریف شہباز شریف پی کے کے
پڑھیں:
سیاسی، معاشی استحکام سے ملک کی سمت درست ہوئی، اتحادیوں نے قومی سوچ کا مظاہرہ کیا، شہباز شریف: 27ویں ترمیم پر تعاون حکومتی، اتحادی سینیٹرز کا شکریہ
اسلام آباد (اے پی پی + نوائے وقت رپورٹ) وزیراعظم محمد شہباز شریف نے ستائیسویں آئینی ترمیم کی منظوری کے عمل میں تعاون پر حکومتی و اتحادی جماعتوں کے سینیٹرز کا شکریہ ادا کرتے ہوئے کہا ہے کہ تمام اتحادی جماعتوں نے قومی سوچ کا مظاہرہ کیا ، سیاسی و معاشی استحکام کی بدولت ملک کی سمت درست ہوئی، ترقی و خوشحالی کیلئے سب کو مل کر کام کرنا ہے۔ ان خیالات کا اظہار انہوں نے حکومتی اور اتحادی جماعتوں کے سینیٹرز کے اعزاز میں عشائیہ سے خطاب میں کیا۔ وزیراعظم نے حکومتی اور اتحادی جماعتوں کے سینیٹرز کا خیر مقدم کیا اور 27ویں آئینی ترمیم کی منظوری کے عمل میں ان کے تعاون پر شکریہ ادا کیا۔ انہوں نے کہا کہ وہ صدر زرداری اور تمام اتحادی جماعتوں کے سربراہوں کے مشکور ہیں، اتحادی جماعتوں نے اس قومی سوچ کا بھرپور ساتھ دیا۔ وفاق کی مضبوطی، ملک کے وسیع مفاد، صوبوں کے درمیان ہم آہنگی بڑھانے اور گورننس کو بہتر کرنے کے لئے 27ویں آئینی ترمیم کیلئے ہم سب نے مل کر کوشش کی۔ اس حکومت میں حاصل کئے گئے تمام سنگ میل حکومت اور اتحادی جماعتوں کے باہمی تعاون کا نتیجہ ہیں، پاکستان کی سفارتی کامیابیاں اور دنیا میں نام تمام اتحادی جماعتوں کے مابین ہم آہنگی اور باہمی اتحاد کا عکاس ہیں، ہم سب کی مشترکہ کوششوں کی بدولت پاکستان کو شاندار مقام حاصل ہوا ہے۔ وزیر اعظم نے کہا کہ ملکی معاشی صورتحال میں بتدریج بہتری ہو رہی ہے، اللہ کے فضل و کرم سے ملک میں سیاسی و معاشی استحکام کی بدولت ملک کی سمت درست ہوئی۔ ذرائع کے مطابق وزیراعظم نے سینٹ میں 27 ویں آئینی ترمیم کے حق میں ووٹ دینے کی درخواست کی۔
کراچی: ہنگامہ آرائی کیس ، لیاقت محسود کی ضمانت منظور