پاک فوج جغرافیائی سرحدوں کی محافظ ‘ مجید نظامی نظریاتی سر حدوں کے سپہ سالار : کرنل ندیم قادری
اشاعت کی تاریخ: 13th, May 2025 GMT
لاہور (سپیشل کارسپانڈنٹ) تحریک پاکستان کے رہنما اخبار روزنامہ نوائے وقت گروپ نے بھارت کا تکبر خاک میں ملانے پر پاک افواج اور غیور پاکستانی قوم کو خراج تحسین پیش کرنے کے لئے ’’فتح مبارک‘‘ کا جشن منایا۔ مجید نظامی ہال میں نوائے وقت گروپ کے چیف آپریٹنگ آفیسر لیفٹیننٹ کرنل (ر) سید احمد ندیم قادری، تمغہ امتیاز نے تمام شعبوں کے سربراہان اور کارکنوں سے مل کر معرکہ حق کی شاندار کامیابی کا کیک کاٹا۔ پاک افواج کی کامیابیوں کے تذکرہ پر ہال تالیوں سے گونجتا رہا۔ لیفٹیننٹ کرنل (ر) سید احمد ندیم قادری نے کہا پاک افواج نے بھارتی جارحیت کے خلاف آپریشن’’ معرکہ حق ‘‘ کا آغاز کیا تو نوائے وقت آہنی دیوار بن کر پاک افواج کے شانہ بشانہ کھڑا ہوا۔ پاک افواج کے آرمی چیف جغرافیائی سرحدوں کے محافظ ہیں تو مجید نظامی اور ان کی اکلوتی صاحبزادی رمیزہ مجید نظامی نظریاتی سرحدوں کی سپہ سالار ہیں۔ پاک افواج کی طرف سے بھارت کو دن کی روشنی میں شکست فاش دینے کی خوشی میں کیک کاٹنے کی تقریب میں سینئر ساتھیوں انچارج ایڈیٹوریل سعید آسی ، چیف نیوز ایڈیٹر و کالم نویس دلاور چودھری، ڈائریکٹر مارکیٹنگ بلال محمود، آئی ٹی ہیڈ قیصر ندیم، ہیڈ آف اکاؤنٹس اینڈ آپریشنز شعیب اسلم، سپیشل کارسپانڈنٹس فیصل ادریس بٹ و خاور عباس سندھو، ہیڈ آف اکاؤنٹس شاہد انجم تارڑ، ایڈیٹر پھول شعیب مرزا، سینئر منیجر مارکیٹنگ عامر ادریس و عثمان مسعود، منیجرز سرکولیشن عابد نذیر سندھو و صغیر امجد، فہمید ولسن جانسن، ایچ آر سٹاف محمد مشتاق و محمد سلیم، آپریشن کوآرڈینیٹر حافظ عبدالباسط، حاجی محمد امین، محمد عباس سمیت سٹاف کی بڑی تعداد شریک ہوئی۔ لیفٹیننٹ کرنل (ر) ندیم قادری نے کہا پہلگام واقعہ کے بعد چھ اور سات مئی کی رات بھارت نے رات کی تاریکی میں حملہ کر کے بیگناہ شہریوں جن میں بچے اور خواتین شامل ہیں شہیدکر دئیے۔ مسلح افواج نے دفاع کرتے ہوئے بھارت کے تین رافیل سمیت پانچ جہاز مار گرائے۔ بھارت نے حواس باختہ ہو کر ڈرونز سے حملہ کر دیا اور 84 ڈرونز پاکستان بھجوائے جو پاک افواج نے کامیابی سے اہداف پر پہنچنے سے پہلے تباہ کر دئیے۔ بھارت اس ہزیمت پر اپنے ہو ش و حواس کھو بیٹھا اور 9مئی کی صبح ایک بار پھر میزائلوں سے حملہ کر دیا۔ جس کے بعدآرمی چیف جنرل سید عاصم منیر نے دس مئی کو نماز فجر کے بعد ’’آپریشن بنیان مرصوص ‘‘ کا حکم دیا۔ پاک افواج اور پاک فضائیہ نے بھارت میں فوجی تنصیبات کو کامیابی سے نشانہ بنایا، یہ حملہ اتنا تابڑ توڑ تھا کہ بھارت بوکھلا گیا اور امریکہ کو مصالحت کے لئے منتیں ترلے شروع کر دئیے۔ پاکستانی فوج نے چار دن دفاع کیا اور صرف ایک بار حملہ کیا جس میں اپنی طاقت کا صرف 10 فیصد استعمال کیا اور بھارت کے چھکے چھوٹ گئے اور جنگ لڑنے سے ہاتھ کھڑے کر دئیے۔ بھارت کا اس مختصر جنگ میں 83 ارب ڈالر کا نقصان ہوا، جس کے بعد شکست خوردہ بھارتی فوج کی ترجمان کرنل صوفیہ قریشی میڈیا کے سامنے آئیں اور کہا کہ بھارت مزید تناؤ نہیں چاہتا۔ امریکہ جو پہلے کہہ رہا تھا کہ اس کا پاکستان اور بھارت کی جنگ سے کوئی تعلق نہیں وہ فوری مصالحت کے لیے کود پڑا اور یوں بھارتی درخواست پر جنگ بندی ہو گئی۔کرنل (ر) ندیم قادری نے کہا کہ بدروحنین سے خیبر تک فاتح خیبر کے وارث سادات گھرانے کے چشم و چراغ سید عاصم منیر کی شیر کی طرح چنگھاڑتی قیادت نے پاکستان کی جنگی برتری کی دھاک بٹھا دی ہے اور بھارت جیسے کئی گنا بڑے دشمن کو ناک رگڑنے پر مجبور کر دیا ہے۔ کرنل (ر) ندیم قادری نے کہا کہ اسلامی جمہوریہ پاکستان کے قیام کی تحریک سے لے کر، دوقومی نظریہ، استحکام پاکستان اور دشمن بھارت سے جنگ تک ہر اہم موقع پر نوائے وقت نے ریاست کے تحفظ میں اہم کردار ادا کیا۔ پاک افواج جب بھی میدان جنگ میں آئیں تو بانی نوائے وقت حمید نظامی، معمار نوائے وقت و آبروئے صحافت مجید نظامی سے لے کر ان کی اکلوتی صاحبزادی منیجنگ ڈائریکٹر و ایڈیٹر رمیزہ مجید نظامی نے تحفظ پاکستان کے لئے حکومت پاکستان، افواج پاکستان سمیت قومی سلامتی کے ہر ادارے اور قوم کے ساتھ مل کرکلیدی کردار ادا کیا ہے۔ مسلح افواج جغرافیائی سرحدوں کی محافظ ہے تو رمیزہ مجید نظامی کی قیادت میں نوائے وقت نظریاتی سرحدوں کا محافظ ہے۔ انہوں نے کہا کہ جس دن سپہ سالار جنرل عاصم منیر جوانوں کا حوصلہ بڑھانے کے لئے ٹینک پر کھڑے ہوئے تو امام صحافت مجید نظامی کا وہ تاریخی جملہ یاد آیا جب انہوں نے کہا تھا کہ اگر وہ بھارت گئے تو ٹینک پر بیٹھ کر جائیں گے۔ ہمارے دوستوں آئرن برادر چین، ترکی، آذربائیجان اور دیگر نے جس طرح پاکستان کا ساتھ دیا وہ قابل فخر ہے۔ انہوں نے کہ پاک افواج نے اپنی صلاحیتوں کا دنیا بھر میں لوہا منوایا، ہماری فوج دنیا کی بہترین فوج ہے جسے دنیا تسلیم کر رہی ہے۔ بطور قوم اب ہماری ذمہ داری ہے کہ ہم اپنی خامیوں کو دور کر کے دنیا کی بہترین قوم بن کر دکھائیں، قوم سے انہیں بڑی امیدیں وابستہ ہیں۔ آئیں ہم آج سے عہد کریں کہ ہم گلیوں، سڑکوں، عوامی مقامات پر کوڑا نہیں پھینکیں گے۔ کیونکہ صفائی نصف ایمان ہے، ٹریفک قوانین کی پیروی کریں گے، ملاوٹ نہیں کریں گے، خوش اخلاقی کا مظاہرہ کریں گے، لڑائی جھگڑے میں نہیں پڑیں گے، آپس میں اتحاد، اتفاق سے رہیں گے، بدیانتی اور دھوکہ بازی نہیں کریں گے، ایک دوسرے کا احترام کریں گے، اپنی زندگی اسلام کے مطابق گزاریں گے۔ کرنل ندیم قادری نے آخر میں نیوز روم ، ایڈیٹوریل، مارکیٹنگ، رپورٹنگ، پریس سمیت دیگر تمام شعبوں کی شاندار کارکردگی پر سٹاف کو مبارکباد دی۔کرنل (ر) ندیم قادری نے بھارتی جارحیت پر منہ توڑ جواب دینے میں شاندار صلاحیتوں کا مظاہرہ کرنے والے افسروں و جوانوں کو خراج تحسین پیش کیا۔ خاص طور پر پاک فضائیہ کے پائلٹ کامران مسیح کی پیشہ ورانہ صلاحیت اور بہادری کو سراہا۔
.ذریعہ: Nawaiwaqt
کلیدی لفظ: ندیم قادری نے کہا پاک افواج نوائے وقت نے بھارت افواج نے کریں گے کر دئیے کہا کہ کے لئے
پڑھیں:
ریاست کیخلاف مسلح کارروائی یا تشدد بغاوت سمجھی جائے گا،اسلامی نظریاتی کونسل
data-id="863a0a8" data-element_type="widget" data-widget_type="theme-post-content.default">
اسلام آباد(مانیٹرنگ ڈیسک)اسلامی نظریاتی کونسل نے کہا ہے کہ ریاست کے خلاف مسلح کارروائی یا تشدد بغاوت سمجھی جائے گی۔محرم الحرام میں امن عامہ کے حوالے سے اسلامی نظریاتی کونسل نے ضابطہ اخلاق جاری کردیا، جس پر تمام مسالک کے علما کے دستخط بھی موجود ہیں۔ضابطہ اخلاق میں کہا گیا ہے کہ تمام شہریوں پر فرض ہے کہ آئین کی بالادستی تسلیم کریں۔ ریاست کے خلاف مسلح کارروائی اور تشدد کو بغاوت سمجھا جائے گا۔ اسلامی نظریاتی کونسل کے مطابق کسی فرد کو یہ اختیار نہیں کہ وہ حکومتی،سیکورٹی فورسز سمیت کسی فرد کو کافر قرار دے۔ متفقہ اعلامیے میں
مزید کہا گیا ہے کہ لسانی تعصب،فرقہ واریت کی تحریکوں کا حصہ بنے سے گریز کیا جائے۔محرم الحرام کے حوالے سے بنائے گئے ضابطہ اخلاق کے اعلامیے میں مزید کہا گیا ہے کہ انتہا پسندی،فرقہ واریت اور تشدد کو فروغ دینے والوں کے خلاف سخت اقدامات کیے جائیں گے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی