مقدس اوراق کے حامل اخبارات میں پیکنگ پر پابندی عائد کر دی گئی
اشاعت کی تاریخ: 13th, May 2025 GMT
محکمہ داخلہ پنجاب نے دفعہ 144 کے تحت 90 روز کیلئے پابندی عائد کی ہے۔ اخبارات اور عام صفحات پر مقدس الفاظ اور آیات دی جاتی ہیں۔ مختلف اشیاء کی پیکنگ کیلئے اخبارات اور کاغذات کا استعمال کیا جاتا ہے۔ اسلام ٹائمز۔ مقدس اوراق اور الفاظ کے تقدس کو برقرار رکھنے کیلئے پنجاب بھر میں دفعہ 144 نافذ ہے، اب مقدس الفاظ کے حامل اخبارات و کاغذات کو پیکنگ کیلئے استعمال کرنے پر بھی پابندی عائد کر دی گئی ہے۔ سیکرٹری داخلہ پنجاب نے مقدس الفاظ کے حامل اخبارات و کاغذات کو پیکنگ کیلئے استعمال کرنے پر پابندی عائد کر دی ہے۔ محکمہ داخلہ پنجاب نے دفعہ 144 کے تحت 90 روز کیلئے پابندی عائد کی ہے۔ اخبارات اور عام صفحات پر مقدس الفاظ اور آیات دی جاتی ہیں۔ مختلف اشیاء کی پیکنگ کیلئے اخبارات اور کاغذات کا استعمال کیا جاتا ہے۔ دینی اعتبار سے یہ حساس نوعیت کا معاملہ ہے، جو امن وامان کی صورتحال بھی خراب کرسکتا ہے۔ اس بے ادبی کو روکنے کیلئے دفعہ 144 نافذ کرنے کا فیصلہ کیا گیا۔ مقدس الفاظ اور آیات والے کاغذات اور اخبارات کو پیکنگ کیلئے استعمال پر پابندی عائد کر دی گئی ہے۔ عوام الناس کی آگاہی کیلئے حکمنامے کو سرکاری گزٹ، اخبارات و ذرائع ابلاغ کے ذریعے وسیع تر تشہیرکا بھی حکم دیا گیا ہے۔
.ذریعہ: Islam Times
کلیدی لفظ: پابندی عائد کر دی اخبارات اور پیکنگ کیلئے مقدس الفاظ
پڑھیں:
انجمن طلبہ اسلام کے مرکزی صدر فیصل قیوم ماگرے کی وفد کے ہمراہ سید آفتاب عظیم بخاری سے ملاقات
ملاقات کے دوران اے ٹی آئی کے مرکزی صدر کا کہنا تھا کہ پاکستان میں بہتر جمہوری روایات وکلچر کے فروغ کیلئے ''طلبہ یونین'' پر عائد پابندی ختم کرکے طلبہ کو اپنے جمہوری حق کیلئے ''ایس او پیز'' کے ساتھ یونین کے الیکشن کروانے کی اجازت دی جائے، تمام سیاسی ومذہبی جماعتوں پر تعلیمی اداروں میں مداخلت پر پابندی لگا کر صرف طلبہ کو تعلیمی اداروں میں مثبت سرگرمیوں کی اجازت دی جائے۔ اسلام ٹائمز۔ انجمن طلبہ اسلام کے مرکزی صدرفیصل قیوم ماگرے نے کہا ہے کہ پاکستان میں جمہوریت کے فروغ کیلئے سیاسی جماعتوں کا پہلا ایجنڈا مضبوط ومستحکم پاکستان ہونا چاہیے۔ تعلیمی نظام اور اداروں میں مثبت سرگرمیوں کے فروغ کیلئے ''طلبہ یونین'' پر عائد پابندی ختم کی جائے، پاکستان کے تمام مسائل وبحرانوں کا واحد حل قانون و آئین کی بالادستی قائم کرنے میں ہے۔ ملک وقوم کے درمیان بداعتمادی ونفرت پیدا کرنے والے کردار بے نقاب کرنا وقت کی سب سے اہم ضرورت ہے، ریاست جب ماں کا کردار ادا کریگی تو قوم اس کے گرد محبت سے اکٹھی ہوجائے گی۔ ان خیالات کا اظہار پاکستان فلاح پارٹی کے سینئر وائس چیئرمین سید آفتاب عظیم بخاری نے انجمن طلبہ اسلام کے مرکزی صدر فیصل قیوم ماگرے کی قیادت میں ملنے والے ذمہ داران سے ملاقات کے دوران اظہار خیال کرتے ہوئے کیا۔
انہوں نے کہا کہ کسی بھی معاشرے میں ظلم وجبر زور زبردستی فسطائیت کا رویہ ہوگا تو نفرتوں کو تقویت ملے گی جو کہ ملک وقوم کیلئے انتہائی نقصان دہ ہوتا ہے۔ ملک وقوم کے دشمن کا ایجنڈا انتشار و افتراق ہے، ہمیں بحیثیت قوم مکمل اتحاد واتفاق سے ملک کے خلاف ہونیوالی ہر سازش کو ناکام بنانے کیلئے اپنا کردار ادا کرنا ہوگا، پاکستان کی بہتری تعمیر وترقی، خوشحالی، استحکام و فلاح ہمار اپہلا اور آخری ''ایجنڈا'' ہونا چاہیے کیوں کہ یہ وطن کسی خاص گروہ، طبقے، قوم و نسل کا نہیں بلکہ ہم سب کے آباو اجداد کی محنت وقربانیوں کا ثمر ہے، ہمیں اپنے آباو اجداد کی وراثت کو ازحد جان عزیز رکھنا ہے۔
اُنہوں نے مزید کہا کہ پاکستان میں بہتر جمہوری روایات وکلچر کے فروغ کیلئے ''طلبہ یونین'' پر عائد پابندی ختم کرکے طلبہ کو اپنے جمہوری حق کیلئے ''ایس او پیز'' کے ساتھ یونین کے الیکشن کروانے کی اجازت دی جائے، تمام سیاسی ومذہبی جماعتوں پر تعلیمی اداروں میں مداخلت پر پابندی لگا کر صرف طلبہ کو تعلیمی اداروں میں مثبت سرگرمیوں کی اجازت اور انتخابات کروانے میں حکومت کو اپنا کردار ادا کرنا چاہیے، اس موقع پر مرکزی نائب صدر اے ٹی آئی محمد عرفان ساہمل، ناظم پنجاب ملک عمیر اعوان، سابق صدر اے ٹی آئی معظم شہزاد ساہی، ناظم جامعہ زرعیہ حیدر علی چدھڑ، ملک ساجد اظہر و دیگر ذمہ داران بھی موجود تھے۔
پیپلزپارٹی نے فیصل راٹھور کو وزیراعظم آزاد کشمیر کیلئے نامزد کردیا