بھارت کو تاریخی شکست، پاکستان عالمی سطح پر سرخرو ہوا: پیپلز پارٹی
اشاعت کی تاریخ: 13th, May 2025 GMT
اسلام آباد ( ڈیلی پاکستان آن لائن ) پاکستان پیپلز پارٹی کے رہنماو¿ں نے کہا ہے کہ بھارت کو تاریخی شکست دی، پاکستان عالمی سطح پر سرخرو ہوا، کشمیر ہمارا کور ایشو ہے اور ہمیشہ رہے گا، بھارت سے بات چیت میں سندھ طاس معاہدہ بھی شامل ہے۔
نجی ٹی وی دنیا نیوز کے مطابق پی پی رہنما نیئر بخاری اور ندیم افضل چن کے ہمراہ پریس کانفرنس کرتے ہوئے شیری رحمان کا کہنا تھا کہ ہندوستان نے تین دن جارحیت کی، جواب میں ہم نے طیارے گرائے، ڈرون گرائے، صدر ٹرمپ نے جنگ بندی میں مدد کی، دوست ممالک نے بھی آواز اٹھائی، ہم بات چیت پر یقین رکھتے ہیں۔
انہوں نے کہا کہ پیپلزپارٹی کا بیانیہ پاکستان کا بیانیہ ہے، بھارت کا آبی جارحیت کرنا کوئی قانون نہیں، بھارت نے نہتے اورمظلوم پاکستانی شہریوں پر رات میں حملہ کیا، پاک فضائیہ نے مشکل حالات میں اپنی صلاحیت منوائی، بھارت کو تاریخی شکست دی۔
ان کا کہنا تھا کہ بھارتی میڈیا نے فلم کا منظرکھینچا جس کا حقیقت سے کوئی تعلق نہیں تھا، پاکستانی میڈیا نے ذمہ داری کا مظاہرہ کیا، بھارتی اور پاکستانی میڈیا میں زمین آسمان کا فرق ہے، ہمیشہ معصوم شہری جنگ کی قیمت ادا کرتے ہیں، اس وقت مودی سرکاربوکھلائی ہوئی ہے۔
شیری رحمان نے کہا کہ وزیراعظم شہبازشریف نے بھی مشکل وقت میں پاکستان کو سرخرو کیا، بلاول بھٹو نے بیانیے کی جنگ کا محاذ سنبھالا اوراہم ذمہ داری نبھائی، دنیا میں اس وقت بیانیے کی جنگ چل رہی ہے، عالمی سطح پر بھی پاکستان کی جیت ہوئی، پوری قوم کو مبارکباد پیش کرتی ہوں، پاکستان پیپلزپارٹی یوم تشکر منانے میں قوم کے ساتھ ہے۔
انہوں نے استفسار کیا کہ کیا سمجھوتہ ایکسپریس سانحہ میں کچھ نکلا؟ کیا ہم بھی جعفرایکسپریس واقعہ کو جواز بناتے ہوئے جنگ کرتے؟ بھارت پہلگام واقعہ کی آزاد تحقیقات سے بھی بھاگ رہا ہے، جب کوئی آزادانہ تحقیقات سے بھاگے تواس کے دل میں چورہوتا ہے، بھارت حقائق پر پردہ ڈال رہا ہے، ان تمام معاملات میں بھارت دہشت گرد ہے۔
شیری رحمان نے واضح کیا کہ ہم جنگ بالکل نہیں چاہتے، پاکستان نے کبھی جنگ کیلئے ہتھیار نہیں اٹھائے، یہ جنگ ہم پر مسلط کی گئی جس کو ہم نے گھنٹوں میں جیت لیا، ہم نے بھارت کو سرخ لکیر کراس نہیں کرنے دی۔
اس موقع پر نیئر بخاری نے کہا کہ بھارت سندھ طاس معاہدے کو یکطرفہ معطل نہیں کر سکتا، ہمیں اپنے ملکی معاملات پر بھی توجہ دینی چاہئے، موجودہ حکومت نے مو¿ثر کردار ادا کیا، چیئرمین پیپلزپارٹی بلاول بھٹو نے بھی عالمی سطح پر بہترین کردارادا کیا۔ان کا کہنا تھا کہ بھارت نے1965ء میں بھی پاکستان پر رات کے اندھیرے میں حملہ کیا، بھارت کے1965ءمیں بھی سارے خواب اورسوچ چکنا چور ہوئے تھے، اب بھی افواج پاکستان نے بھرپورطریقے سے دفاع کیا۔
نیئر بخاری نے میزائل ٹیکنالوجی کا کریڈٹ بینظیر بھٹو کو دیتے ہوئے کہا کہ ہم خطے میں امن چاہتے ہیں، کشمیر کے مسئلے کو ہندوستان ہمیشہ اگنور کرتا رہا، ایسے موقع پر تمام سیاسی جماعتوں کا ایک مو¿قف ہونا ضروری ہے، وزیراعظم نے تمام جماعتوں کے رہنماو¿ں سے رابطہ کیا۔
دوران پریس کانفرنس پیپلزپارٹی کے سینئر رہنما ندیم افضل چن نے کہا کہ کل مودی کی شکست خوردہ تقریر سب نے دیکھ لی، ہمارے ملک میں عوام اورسیاسی جماعتوں میں تقسیم کی جارہی تھی، ہندوستان کے خلاف جنگ میں ساراملک افواج کے پیچھے کھڑا ہوگیا۔انہوں نے کہا کہ پاکستان دہشت گردوں کا سہولت کار نہیں ہے، ہماری افواج نے سرفخر سے بلند کیا، سیاسی قوتوں کو بھی چاہئے پاکستان کا سرفخر سے بلند کریں اور مل بیٹھیں۔
پاک بھارت کشیدگی میں پاکستان کا ساتھ کیوں دیا؟ بھارتی تاجروں کا ترکیہ کے سیبوں کا بائیکاٹ
مزید :.ذریعہ: Daily Pakistan
کلیدی لفظ: عالمی سطح پر نے کہا کہ کہ بھارت بھارت کو
پڑھیں:
فیک کاونٹرز اور خواتین کو بطورِ جنگی ہتھیار استعمال کرنا۔۔۔ بھارت کی اخلاقی شکست
اسلام ٹائمز: اب وقت آچکا ہے کہ پاکستان محض "اظہارِ تشویش" سے آگے بڑھے۔ اقوام متحدہ، عالمی عدالت انصاف، انسانی حقوق کی تنظیمیں اور ترقی یافتہ ممالک کو چاہیئے کہ وہ اس مسئلے کو صرف سفارتی نزاکت کے طور پر نہ لیں، بلکہ انسانی وقار، عالمی امن اور انصاف کے تناظر میں دیکھیں۔ یہ ادراک ساری دنیا کو ہونا چاہیئے کہ آزادی کا خواب صرف کشمیریوں کا نہیں بلکہ ہر انسان کا خواب ہے۔ جب ایک خطہ غلام ہوتا ہے تو دراصل پوری انسانیت شرمندہ ہوتی ہے۔ ظلم کیخلاف خاموشی، انصاف کے جنازے میں خاموش شرکت کے مترادف ہے۔ کب تک کشمیری شہید ہوتے رہیں گے۔؟ کب تک معصوم بچوں کی آنکھوں میں بندوقوں کی سنگینیں جھانکتی رہیں گی؟ اور کب تک کشمیریوں کے خلاف خواتین اور فیک کاونٹرز کو جنگی ہتھیار کے طور پر استعمال کیا جاتا رہے گا۔؟ آخر ظلم پر خاموشی کی بھی کوئی حد ہوتی ہے۔ تحریر: ڈاکٹر نذر حافی
سپورٹ کشمیر انٹرنیشنل فورم
فروری 1991ء کی ایک سرد رات، بھارتی فوج نے کپواڑہ ضلع کے دو گاؤں، کننن اور پوشپورہ، کا محاصرہ کیا۔ رات بھر جاری رہنے والی کارروائی میں درجنوں خواتین کی اجتماعی عصمت دری کی گئی، جن میں نوعمر لڑکیاں، حاملہ خواتین اور بزرگ خواتین بھی شامل تھیں۔ یہ واقعہ "Kunan‑Poshpora mass rape" کے نام سے انسانی حقوق کی تاریخ کا سیاہ ترین باب بن گیا۔ سوال یہ ہے کہ بھارت کے خلاف بیداری کب آئے گی۔؟ یہ سوال ہر اُس مہاجر کا ہے، جس کا تعلق مقبوضہ کشمیر سے ہے۔ دنیا کا المیّہ یہ ہے کہ دنیا والے ظلم کو دیکھتے ہیں، لیکن بیدار نہیں ہوتے۔ 1990ء سے 1992ء کے درمیانی عرصے میں کشمیری خواتین پر ہونے والے مظالم ایک الگ ہی سطح پر جا پہنچے۔ بی ایس ایف افسر کی اہلیہ کو اغوا، زیادتی اور قتل کا نشانہ بنایا گیا۔ اسی طرح ایک نرس، گرِجا ٹیکو اور ایک ہندو خاتون، بابلی رائنا کو جنسی تشدد کے بعد سفاکی سے قتل کیا گیا۔ ان واقعات کا مقصد صرف خواتین کو نشانہ بنانا نہیں بلکہ پوری کشمیری قوم کو اجتماعی سزا دینا تھا۔
مقبوضہ کشمیر میں بھارت کے غاصبانہ قبضے کو ستتر برس ہوچکے ہیں، لیکن ایل او سی کے دونوں طرف منقسم خاندانوں کو آپس میں ملانے اور جوڑنے کے بجائے مزید دوریاں پیدا کر دی گئی ہیں۔ پانچ اگست 2019ء کو نریندر مودی حکومت نے بھارتی آئین کے آرٹیکل 370 اور 35A کو منسوخ کرکے مقبوضہ وادی کی خصوصی حیثیت کو ختم کیا کہ دونوں طرف کے کشمیریوں کے درمیان رشتوں اور ناطوں کو بحال کرنے، دوطرفہ تجارت کو فروغ دینے اور خطّے کا امن بحال کرنے کے بجائے، غصب، ظلم، نفرت اور دشمنی کے ایک نئے باب کا آغاز کیا گیا۔ افسوس کی بات ہے کہ ہندوستانی قیادت یہ فراموش کرچکی ہے کہ آزادی صرف کشمیریوں کا ایک سیاسی یا جغرافیائی مطالبہ نہیں، بلکہ یہ ہر انسان کی فطرت کا تقاضا ہے۔ آزادی کی قدر وہی جان سکتا ہے، جو خود غلامی کے دور سے گزرا ہو۔ ہندوستان بھی کشمیریوں کی طرح تاجِ برطانیہ کی غلامی کا مزہ چکھ چکا ہے، لہذا ہمارے ہندوستانی برادران کو کشمیریوں کی تحریکِ آزادی کو سمجھنے کی شعوری کوشش کرنی چاہیئے۔
بھارت جو خود کو دنیا کی سب سے بڑی جمہوریت کہتا ہے، وہ کشمیریوں کے ساتھ انتہائی غیر جمہوری برتاو کر رہا ہے۔ مقبوضہ کشمیر میں نئی مردم شماری، نشستوں کی حد بندی، ڈومیسائل قانون، 56 ہزار ایکڑ زمین پر فوجی قبضہ اور 50 لاکھ ہندوؤں کو کشمیر کا شہری بنانا، یہ سب اس بات کا ثبوت ہیں کہ بھارت کشمیریوں کی شناخت کو مٹانے کے درپے ہے۔ اس موقع پر ہندوستانیوں کو چاہیئے کہ وہ کشمیریوں کے اس درد کو محسوس کریں۔ کشمیری دہائیوں سے صرف جسمانی ہی نہیں، فکری اور معاشی قید میں بھی زندگی گزار رہے ہیں۔ ان کی مزاحمت محض بھارتی ظلم کے خلاف نہیں بلکہ غلامی کے ہر تصور کے خلاف ہے۔ کیا ہندوستانی دانشور یہ نہیں جانتے کہ جو قوم مرنے کے لیے تیار ہو جائے، اسے کوئی غلام نہیں بنا سکتا۔ کشمیری عوام برسوں سے شہادتیں دے رہے ہیں، وہ مرنے سے نہیں ڈرتے، بلکہ غلامی میں جینے کو عار سمجھتے ہیں۔ ظلم کے خلاف خاموشی، ظلم کی سب سے بڑی حمایت ہے اور یہی خاموشی آج ہر باشعور ہندوستانی کے ضمیر پر سب سے بڑا سوالیہ نشان بن چکی ہے۔
مقبوضہ کشمیر میں قابض بھارتی حکومت نے "rehabilitation policy" کے تحت جن مہاجر کشمیریوں کو واپس مقبوضہ کشمیر بلایا، تو ان کے ساتھ آنے والی کئی خواتین کو سماجی اور قانونی طور پر بار بار انتقام کا نشانہ بنایا گیا۔ ان خواتین کے شوہروں اور بچوں کی موجودگی کے باوجود انہیں غیر ملکی قرار دے کر حراست میں رکھا گیا یا جبری طور پر ملک بدر کر دیا گیا۔ اپریل 2025ء میں پہلگام میں قابض فورسز کی طرف سے ہونے والے ایک خود ساختہ حملے کے بعد مقبوضہ کشمیر میں رہائش پذیر کئی خواتین کو بغیر کسی قانونی کارروائی کے پاکستان واپس بھیج دیا گیا۔ یہ تمام واقعات اس بات کی گواہی دیتے ہیں کہ مقبوضہ کشمیر میں خواتین کو بطور جنگی ہتھیار استعمال کیا جا رہا ہے۔ ان کی عصمتیں، شناختیں اور زندگیاں اس کالے سیاسی کھیل کا حصہ بنائی گئی ہیں، جس کا مقصد کشمیری قوم کو نہ صرف جسمانی بلکہ نفسیاتی اور ثقافتی طور پر بھی شکست دینا ہے۔ ظلم کی یہ داستانیں عالمی ضمیر پر ایک سوالیہ نشان ہیں، جس کا جواب ہم سب نے خدا کو دینا ہے۔
دوسری طرف صرف سال 2025ء کے دوران اب تک جعلی مقابلوں میں کم از کم سات بے گناہ کشمیری نوجوان شہید کیے جا چکے ہیں۔ اپریل میں بارامولا میں دو، جولائی میں سری نگر میں تین اور اگست میں جموں میں محمد پرویز نامی نوجوان جعلی مقابلے میں قتل کیا گیا۔ الطاف لالی کی شہادت تو ایک کھلی دہشت گردی تھی، جسے دنیا نے دیکھا، مگر آنکھیں موند لیں۔ یہ واقعات کشمیر میں جاری اس ستم رسیدہ تاریخ کا تسلسل ہیں، جس کے دوران 1989ء سے اب تک 7347 کشمیری جعلی مقابلوں اور حراست میں قتل کا نشانہ بن چکے ہیں۔ ہر کشمیری شہید اپنے پیچھے یہ پیغام چھوڑ کر جا رہا ہے کہ اگر میری موت سے قوم جاگتی ہے تو مجھے مرنے دو۔ آج کشمیر کی سرزمین میں یہی پیغام گونج رہا ہے، یہی وہ پیغام ہے کہ جو اس تحریک کا ایندھن ہے۔
اب وقت آچکا ہے کہ پاکستان محض "اظہارِ تشویش" سے آگے بڑھے۔ اقوام متحدہ، عالمی عدالت انصاف، انسانی حقوق کی تنظیمیں اور ترقی یافتہ ممالک کو چاہیئے کہ وہ اس مسئلے کو صرف سفارتی نزاکت کے طور پر نہ لیں، بلکہ انسانی وقار، عالمی امن اور انصاف کے تناظر میں دیکھیں۔ یہ ادراک ساری دنیا کو ہونا چاہیئے کہ آزادی کا خواب صرف کشمیریوں کا نہیں بلکہ ہر انسان کا خواب ہے۔ جب ایک خطہ غلام ہوتا ہے تو دراصل پوری انسانیت شرمندہ ہوتی ہے۔ ظلم کے خلاف خاموشی، انصاف کے جنازے میں خاموش شرکت کے مترادف ہے۔ کب تک کشمیری شہید ہوتے رہیں گے۔؟ کب تک معصوم بچوں کی آنکھوں میں بندوقوں کی سنگینیں جھانکتی رہیں گی؟ اور کب تک کشمیریوں کے خلاف خواتین اور فیک کاونٹرز کو جنگی ہتھیار کے طور پر استعمال کیا جاتا رہے گا۔؟ آخر ظلم پر خاموشی کی بھی کوئی حد ہوتی ہے۔
کشمیر یوں سے اظہار یکجہتی کیلئے 5اگست کو 1منٹ کی خاموشی اختیار کرنے کا فیصلہ،پی ٹی آئی احتجاج کیلئے کوئی اور دن رکھتی تو اچھا ہوتا، امیر مقام