الجزائر کے سفیر کا غزہ میں امداد کی فراہمی روکنے پر اعتراض
اشاعت کی تاریخ: 14th, May 2025 GMT
الجزائر کے نمائندے نے سلامتی کونسل میں خطاب کرتے ہوئے کہا کہ اسرائیل بین الاقوامی عدالت کے احکام کی خلاف ورزی کرتے ہوئے غزہ میں امداد کی فراہمی روک رہا ہے۔ اسلام ٹائمز۔ الجزائر کے نمائندے نے سلامتی کونسل میں خطاب کرتے ہوئے کہا کہ اسرائیل بین الاقوامی عدالت کے احکام کی خلاف ورزی کرتے ہوئے غزہ میں امداد کی فراہمی روک رہا ہے۔ فارس نیوز کے مطابق، اقوام متحدہ میں الجزائر کے نمائندے عمار بن جامع نے منگل کی شام غزہ میں انسانی امداد کی فراہمی کا مطالبہ کیا۔ بن جامع نے سلامتی کونسل کے اجلاس میں غزہ کی صورتحال پر بات کرتے ہوئے کہا کہ اسرائیل بین الاقوامی قوانین کی کھلی خلاف ورزی کرتے ہوئے اور بین الاقوامی عدالت کے احکام کے خلاف، غزہ تک امداد کی رسائی روک رہا ہے۔ الجزیرہ نے ان کے حوالے سے رپورٹ کیا کہ اسرائیلی قابضین نے غزہ میں دو ملین سے زیادہ فلسطینیوں کو بھوک کا شکار کرنے والے ایک نظامی جرم کا ارتکاب کیا ہے۔ اس الجزائر کے سفارتکار نے مزید کہا کہ جو کچھ غزہ میں ہو رہا ہے، وہ اسرائیلی رژیم کا گھناونا چہرہ دنیا کے سامنے لا رہا ہے۔
.
ذریعہ
ذریعہ: Islam Times
کلیدی لفظ: امداد کی فراہمی بین الاقوامی الجزائر کے کرتے ہوئے رہا ہے کہا کہ
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی