قومی اسمبلی : اعلی تعلیمی اداروں میں داخلہ منشیات ٹیسٹ سے مشروط : انسد اد منشیات سمیت متعددبل پیش 2منظور
اشاعت کی تاریخ: 14th, May 2025 GMT
اسلام آباد (وقائع نگار+ نوائے وقت رپورٹ) تعلیمی اداروں میں منشیات کے استعمال کی روک تھام کیلئے قومی اسمبلی میں انسداد منشیات (ترمیمی) بل 2020ء پیش کردیا گیا جس کے تحت اعلیٰ تعلیمی اداروں میں داخلہ منشیات ٹیسٹ سے مشروط ہوگا۔ ایوان میں اس کے علاوہ بھی متعدد بل پیش کئے گئے جن میں سے 2 منظور ہوئے۔ ذرائع کے مطابق بل ’’سہر کامران‘‘ کی جانب سے پیش کیا گیا۔ بل کے تحت طلبہ میں منشیات کے استعمال کو جرم قرار دینے کی تجویز دی گئی ہے۔ منشیات کے استعمال پر طلبہ کے خلاف تعلیمی و قانونی کارروائی کی جاسکے گی۔ سکول، کالج اور یونیورسٹی میں منشیات سے متعلق آگاہی مہم چلائی جائے گی۔ بل کے تحت تعلیمی اداروں کی انتظامیہ پر مشتبہ طلبہ کے والدین کو اطلاع دینا لازم ہو گا۔ منشیات کے خلاف شعور اجاگر کرنے کے لیے نصاب میں تبدیلی کی تجویز دی گئی ہے۔ مجوزہ قانون کے تحت منشیات فروشوں کے خلاف سخت کارروائی ہوگی۔بل کی شقوں کے مطابق منشیات سے متاثرہ طلبہ کی کونسلنگ اور بحالی کا بھی انتظام کیا جائے گا، قومی اسمبلی کے اجلاس میں متعدد پرائیویٹ ممبر بل پیش کیے گئے تمام بل متعلقہ کمیٹیوں کے سپرد کر دیئے گئے قومی اسمبلی کا اجلاس اسپیکر سردار ایاز صادق کی صدارت میں منعقد ہوا اجلاس میں ملک میں موٹرویز اور قومی شاہراہوں کی حفاظتی باڑ کی خستہ حالی سے متعلق توجہ دلاؤ نوٹس آسیہ ناز تنولی نے پیش کیا اور کہا کہ باڑ کی مرمت کب تک دوبارہ ہو جائے گی اس پر پارلیمانی سیکرٹری گل اصغر خان نے کہا کہ ایم ٹو اور ایم نائن کے کچھ علاقے باقی ہیں، اجلاس میں مختلف پرائیویٹ ممبر بل پیش کیے گئے شازیہ مری نے انتخابات ترمیمی بل پیش کیا علی قاسم گیلانی نے تجارتی تنظیمات ترمیمی بل پیش کیا رانا ارادت شریف نے پارلیمانی بجٹ آفس بل پیش کیا شرمیلا فاروقی نے دارالحکومت اسلام آباد کی علاقائی حدود کے بزرگ شہریوں کا ترمیمی بل پیش کیا شاہدہ رحمانی نے صنعتی تعلقات ترمیمی بل پیش کیامبین عارف نے ایکسپورٹ ڈویلپمنٹ فنڈ ترمیمی بل پیش کیا معین عامر پیرزادہ نے المصدق ادارہ برائے اعلی تعلیم بل پیش کیا،اسامہ میلہ نے دیوانی ملازمین ترمیمی بل پیش کیا۔اسامہ میلہ نے ٹریڈ ڈویلپمنٹ اتھارٹی پاکستان ترمیمی بل پیش کیارانا ارادت شریف نے راول بین الاقوامی یونیورسٹی اسلام آباد بل پیش کیاآغا رفیع اللہ نے پاکستان جنرل کاسمیٹکس تنسیخی بل پیش کیا تمام بل متعلقہ قائمہ کمیٹیوں کے سپرد کر دیئے گئے۔ قومی اسمبلی کے اجلاس میں بین الاقوامی امتحانات بورڈ کے قیام کا بل اور گھرکی ادارہ برائے سائنس و ٹیکنالوجی بل منظور کر لیئے گئے۔ زہرا ودود فاطمی نے واہ ادارہ برائے جدید علوم واہ کینٹ بل پیش کیا بل متعلقہ قائمہ کمیٹی کے سپرد کردیا گیا ، اجلاس میں جمال احسن خان نے کہا کہ ایئر فورس کے شاہینوں نے دشمن کو منہ توڑ جواب دیا،بھارت کو ساری دنیا میں رسوا ذلیل کرکے رکھ دیا ہے،پاکستان میں پوری قوم ایک بن کے کھڑی ہوگئی ہے،میری حویلی کو پولیس نے گھیرے میں لیا، پارٹی کے ورکرز کو ہراساں کیا گیا ہمیں بھی پاکستان زندہ باد ریلی نکالنے کی اجازت دی جائے، اجلاس میں انتخابی ووٹر فہرستوں میں خواتین کی مجموعی آبادی کے مقابلے میں خواتین ووٹرز کی کم تعداد سے متعلق توجہ دلاؤ نوٹس عالیہ کامران نے پیش کیا اور کہا کہ ایسے کون سے اقدامات کئے جا رہے ہیں جس سے تمام خواتین ووٹرز لسٹ کے اندر آجائیں،وزیر پارلیمانی امور طارق فضل چوہدری نے توجہ دلاؤ نوٹس پر جواب دیتے ہوئے کہا کہ الیکشن کمیشن نے اقدامات اٹھائے ہیں،الیکشن کمیشن نے وہ تمام اقدامات اٹھائے ہیں جس سے زیادہ سے زیادہ رجسٹریشن ہو رہی ہے، پاکستان پیپلز پارٹی کے رکن قومی اسمبلی عبدالقادر پٹیل نے کہا ہے کہ مودی اپنی فیس قومی اسمبلی اجلاس میں اظہار خیال کرتے ہوئے رکن قومی اسمبلی عبدالقادر پٹیل نے کہا کہ مودی اپنی سیاسی شہرت کیلئے لاشیں مانگتا ہے عبدالقادر پٹیل کا کہنا تھا کہ مودی لاشوں پر سیاست کرتا ہے مودی کسی بھی سازش تک جا سکتا ہے ہمیں ہر وقت چوکنا رہنا ہوگا ۔
.ذریعہ: Nawaiwaqt
کلیدی لفظ: ترمیمی بل پیش کیا تعلیمی اداروں قومی اسمبلی منشیات کے اجلاس میں کے تحت
پڑھیں:
27ویں آئینی ترمیم بل پر سینیٹ اور قومی اسمبلی کی مشترکہ پارلیمانی کمیٹی کا اجلاس جاری
سینیٹ وقومی اسمبلی کی قانون و انصاف کی مشترکہ پارلیمانی کمیٹیوں کے اجلاس میں 27ویں آئینی ترمیم کے مجوزہ بل پر مزید غور کیا جائے گا۔
تفصیلات کے مطابق گزشتہ روز27ویں ترمیم ایکٹ 2025 کا بل وفاقی کابینہ سے منظوری کے چند گھنٹے بعد سینیٹ میں پیش کیا گیا، جس پر اپوزیشن نے مجوزہ تبدیلیوں کی رفتار اور دائرہ کار پر شور شرابہ کیا۔
اس بل میں وفاقی آئینی عدالت کے قیام، ہائی کورٹ کے ججوں کی تقرری کے عمل میں تبدیلی، صوبائی کابینہ کے حجم میں اضافہ، اور فوجی قیادت کے ڈھانچے میں اصلاحات کی تجاویز شامل ہیں۔
سینیٹ کی قائمہ کمیٹی برائے قانون و انصاف کے چیئرمین سینیٹر فاروق ایچ نائیک اور قومی اسمبلی کی قائمہ کمیٹی کے سربراہ چوہدری محمود بشیر ورک آج کے اجلاس کی مشترکہ صدارت کر رہے ہیں۔
قائمہ کمیٹیوں کے اجلاس میں ہائی کورٹ کے ججوں کی منتقلی کے طریقہ کار کو بھی حتمی شکل دیے جانے کا امکان ہے جو جوڈیشل کمیشن آف پاکستان (جے سی پی) کے ذریعے انجام پائے گا اور ممکنہ طور پر اس میں منتقل ہونے والے ججوں کی رضامندی درکار نہیں ہوگی۔
گزشتہ روز سینیٹ اجلاس کے دوران ہی کمیٹیوں نے بل پر غور کے لیے ایک ان کیمرہ مشترکہ اجلاس بھی منعقد کیا، تاہم پاکستان تحریکِ انصاف کے ارکان، جمعیت علمائے اسلام (ف) کی ایم این اے عالیہ کامران اور سینیٹر کامران مرتضیٰ نے اجلاس کا بائیکاٹ کیا۔
قائمہ کمیٹیوں نے مجوزہ بل کا تقریباً 80 فیصد حصہ منظور کر لیا، جس میں عدالتی اصلاحات پیکیج کی زیادہ تر شقیں شامل تھیں۔
تاہم، آئین کے آرٹیکل 243 (مسلح افواج کی کمان) کے تحت فیلڈ مارشل کے عہدے کی حیثیت پر غور و خوض آج کے اجلاس تک ملتوی کر دیا گیا تھا۔
A joint meeting of the Senate and National Assembly Committees on Law & Justice, co-chaired by Senator Farooq H. Naek and Chaudhry Mahmood Bashir Virk, MNA, was held to consider the Constitution (Twenty-Seventh Amendment) Bill, 2025. Deliberations to continue tomorrow. pic.twitter.com/TtDpFHMJms
— ꜱᴇɴᴀᴛᴇ ᴏꜰ ᴘᴀᴋɪꜱᴛᴀɴ ???????? (@SenatePakistan) November 8, 2025
ظہران ممدانی کی تاریخی جیت، ٹرمپ نے یوٹرن لے کر ہتھیار ڈال دیے