ایسٹ ویسٹ سینٹر اسلام آباد چیپٹر کے انتخابات، نئی قیادت منتخب
اشاعت کی تاریخ: 14th, May 2025 GMT
ایسٹ ویسٹ سینٹر ایلومنائی ایسوسی ایشن کے اسلام آباد چیپٹر کے سالانہ انتخابات ہفتہ کے روز منعقد ہوئے، جس میں ایلومنائی ممبران نے خفیہ رائے شماری کے ذریعے نئی قیادت کا انتخاب کیا۔
انتخابات کے نتائج کے مطابق افضل خان مندوخیل صدر منتخب ہوئے ہیں، جبکہ فیض پراچہ جنرل سیکریٹری و خزانچی کے طور پر کامیاب قرار پائے ہیں۔ محمد اشرف بلا مقابلہ نائب صدر منتخب ہوئے۔ منتخب ایگزیکٹو کمیٹی کے ارکان میں طاہر امین، شاکر اللہ، عاشفہ ہاشمی اور صنم جونیجو شامل ہیں۔
ایلومنائی ایسوسی ایشن کے ضوابط کے مطابق امیدواروں سے ایک دن قبل نامزدگیاں طلب کی گئیں تھیں۔ انتخابات کا انعقاد شفافیت اور جمہوری روایات کو برقرار رکھتے ہوئے کیا گیا، الیکشن کا عمل سابقہ نائب صدر عثمان رفیق کی رہائش گاہ پر ہوا۔
ایسٹ ویسٹ سینٹر، جو امریکا کی ریاست ہوائی میں واقع ہے، ایشیا، بحرالکاہل اور امریکا کے عوام کے درمیان باہمی تعاون، تعلیم اور مکالمے کے ذریعے بہتر تعلقات اور افہام و تفہیم کو فروغ دیتا ہے۔ اسلام آباد چیپٹر، جو 2005 میں قائم ہوا، ایسٹ ویسٹ سینٹر ایسوسی ا ایشن کا ایک فعال بازو ہے، جو ماحولیاتی تحفظ، قدرتی آفات میں امداد اور تعلیمی سرگرمیوں جیسے سماجی منصوبوں میں بھرپور کردار ادا کرتا ہے۔
ایسٹ ویسٹ سینٹر کے پروگرام میں شرکت کرنے والے اور یونیورسٹی آف ہوائی امریکا سے پڑھنے والے اس ایسوسی ایشن کے ممبر بنتے ہیں، اس ایسوسی ایشن کے دنیا میں 50 چیپٹرز ہیں۔
سبکدوش ہونے والے صدر ابو احمد عاکف سعید، جنرل سیکرٹری ڈاکٹر اسد غفران، بانی صدر ڈاکٹر ارجمند فیصل نے نومنتخب قیادت کا خیرمقدم کیا۔
نئے صدر افضل خان مندوخیل نے اس موقع پر خطاب کرتے ہوئے تمام ارکان کے اعتماد کا شکریہ ادا کیا اور کہا کہ اسلام آباد چیپٹر میں نئی توانائی اور مربوط سرگرمیوں کے ذریعے ہم اپنے ایلومنائی نیٹ ورک کو فعال اور بااثر بنانے کی کوشش کریں گے۔ ہم سب مل کر اسے علم، خدمت اور تعاون کا ایک روشن مرکز بنائیں گے۔
اس موقع پر ممبران سے خطاب کرتے ہوئے نو منتخب جنرل سیکرٹری فیض پراچہ نے کہا کہ ہم اسلام آباد چیپٹر کو متحرک اور بامعنی سرگرمیوں کا مرکز بنائیں گے، جہاں ایسٹ ویسٹ سینٹر کے ایلومنائی اراکین ایک دوسرے سے جڑیں، خیالات اور تجربات کا تبادلہ ہو، اور ایسے منصوبے شروع ہوں جو عالمی اثرات کے ساتھ مقامی سطح پر تبدیلی کا باعث بنیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news افضل خان مندوخیل امریکا انتخابات ایسٹ ویسٹ سینٹر ایلومنائی ایسوسی ایشن ہوائی.ذریعہ: WE News
کلیدی لفظ: افضل خان مندوخیل امریکا انتخابات ایسٹ ویسٹ سینٹر ایلومنائی ایسوسی ایشن ہوائی ایسٹ ویسٹ سینٹر ایسوسی ایشن کے ایسوسی ا
پڑھیں:
کے پی میں پی ٹی آئی کو دوسرا بڑا جھٹکا، بار کونسل الیکشن میں بھی شکست
اسلام آباد(نیوز ڈیسک) پاکستان تحریک انصاف (پی ٹی آئی) کی سینئر قیادت بار کونسل کے انتخابات میں پارٹی کے گڑھ یعنی کے پی کے میں دوسری بڑی شکست پر پریشان ہے۔ خیبر پختونخوا میں سپریم کورٹ بار ایسوسی ایشن کے انتخابات میں شکست کے دو ہفتوں بعد پی ٹی آئی کے حمایت یافتہ وکلاء کو ایک مرتبہ پھر دوسری بڑی شکست کا سامنا کرنا پڑا ہے اور اس مرتبہ صوبائی بار کونسلز کے انتخابات میں عوامی نیشنل پارٹی کے حمایت یافتہ ملگاری وکیلان گروپ نے کامیابی حاصل کی ہے۔ کے پی بار کونسل کے گزشتہ ہفتے ہوئے انتخابات کے نتائج کے مطابق، ملگاری وکیلان کے امیدواروں نے 28؍ میں سے 13؍ نشستیں جیت لی ہیں، جبکہ پی ٹی آئی کے انصاف لائرز فورم (آئی ایل ایف) کو صرف پانچ نشستوں پر ہی کامیابی ملی ہے۔ باقی نشستوں پر جے یو آئی ف، پیپلز پارٹی، جماعت اسلامی، نون لیگ اور آزاد امیدوار کامیاب ہوئے ہیں۔ نام ظاہر نہ کرنے کی شرط پر پی ٹی آئی کے ایک سینئر رہنما نے اس صورتحال کو ’’بہت ہی بڑی بدقسمتی‘‘ قرار دیا۔ انہوں نے کہا کہ اندرونی اختلافات اور کے پی حکومت کی گورننس اور سروس ڈیلیوری کی بجائے سیاست پر توجہ کی وجہ سے خیبر پختونخوا میں پارٹی کو یکے بعد دیگرے شکست نصیب ہو رہی ہے۔ اس بات کا اعتراف کیا جاتا ہے کہ اس شکست کے پی ٹی آئی اور حال ہی میں صوبے کا وزیراعلیٰ منتخب ہونے والے سہیل آفریدی کیلئے سیاسی مضمرات ہوں گے، وزیر اعلیٰ نے نہ صرف سرگرمی کے ساتھ پی ٹی آئی کے حمایت یافتہ امیداروں کے حق میں مہم چلائی بلکہ صوبائی بار ایسوسی ایشنز کے انتخابات سے قبل ساڑھے چار کروڑ روپے کی گرانٹ کا بھی اعلان کیا تھا۔ ان کوششوں کے باوجود، پی ٹی آئی کو اپنے ہی سیاسی گڑھ میں بدترین شکست نصیب ہوئی ہے۔ تازہ ترین دھچکا سپریم کورٹ بار ایسوسی ایشن کے انتخابات میں پی ٹی آئی کے حمایت یافتہ پینل کی ناکامی کے بعد لگا ہے۔ سپریم کورٹ بار کے انتخابات میں پی ٹی آئی صوبہ بھر کے تمام پولنگ اسٹیشنوں پر ہار گئی۔ اُس مقابلے میں، پی ٹی آئی کے پینل کی قیادت سینیٹر حامد خان کر رہے تھے جنہیں ایک بھی کامیابی نہیں ملی، جبکہ وزیر قانون اعظم نذیر تارڑ اور سینئر وکیل احسن بھون کے حمایت یافتہ آزاد امیدواروں نے ملک بھر میں شاندار کامیابی حاصل کی۔ یہ مسلسل انتخابی شکستیں خیبر پختونخوا کی وکلاء برادری میں تحریک انصاف کے اثر و رسوخ میں واضح کمی ظاہر کرتی ہیں۔ ذرائع کے مطابق، جیل میں قید پارٹی کے بانی چیئرمین عمران خان کو تاحال مکمل طور پر یہ اطلاع نہیں دی گئی کہ صوبے میں پارٹی کی مقبولیت کس حد تک گر چکی ہے۔ نومنتخب ارکان میں ’’ملگاری وکیلان‘‘ نے پشاور، مردان، صوابی، کوہاٹ، ڈیرہ اسماعیل خان اور بنّوں میں اہم نشستیں حاصل کیں۔ پہلے سپریم کورٹ بار ایسوسی ایشن اور اب خیبر پختونخوا بار کونسل میں لگاتار شکستوں نے ظاہر کیا ہے کہ پی ٹی آئی کی وکلاء برادری پر گرفت کمزور پڑ چکی ہے اور اس کے روایتی ووٹ بینک میں بھی نمایاں کمی دیکھنے میں آ رہی ہے۔
انصار عباسی
ہم طالبان کو دوبارہ غاروں میں دھکیلنے کی صلاحیت رکھتے ہیں: وزیر دفاع خواجہ آصف