کائنات اندازہ لگائے گئے وقت سے پہلے ختم ہونے والی ہے، سائنسدانوں کا انکشاف
اشاعت کی تاریخ: 15th, May 2025 GMT
نیدرلینڈ(اوصاف نیوز)کائنات کے خاتمے کی یہ نئی ممکنہ مدت اب بھی انسانی تصور سے باہر ہے مگر یہ تحقیق ہمیں کائناتی ڈھانچوں اور کائنات کے طویل مدتی انجام کے بارے میں نئے نظریات فراہم کرتی ہے۔
نیدرلینڈز کی ریڈبوڈ یونیورسٹی کے محققین کی ایک حالیہ تحقیق سے انکشاف ہوا ہے کہ کائنات اپنے انجام کو اس وقت سے کہیں پہلے پہنچ سکتی ہے جتنا پہلے سائنسدانوں نے اندازہ لگایا تھا۔ یہ تحقیق ”جرنل آف کاسمولوجی اینڈ آسٹروپارٹیکل فزکس“ میں شائع ہوئی ہے۔
ماضی میں خیال کیا جاتا تھا کہ کائنات تقریباً 10110010^{1100} سال تک باقی رہے گی مگر نئی تحقیق کے مطابق یہ مدت محض 107810^{78} سال ہو سکتی ہے، جو کہ اگرچہ انسانی نقطہ نظر سے انتہائی طویل ہے لیکن سائنسی اندازوں کے لحاظ سے بہت مختصر ہے۔
یہ تحقیق مشہور سائنسدان اسٹیفن ہاکنگ کے بلیک ہولز کے بخارات بننے کے نظریے یعنی ”ہاکنگ ریڈی ایشن“ پر مبنی ہے۔ محققین ہینو فالکے، مائیکل وونڈراک، اور والٹر وان سُویلیکم نے اس نظریے کو آگے بڑھاتے ہوئے کہا ہے کہ نہ صرف بلیک ہولز بلکہ تمام بھاری اجسام جیسے وائٹ ڈوارف اور نیوٹران ستارے بھی وقت کے ساتھ ساتھ بخارات بن کر ختم ہو جائیں گے۔ ان کا کہنا ہے کہ یہ عمل بھی ہاکنگ ریڈی ایشن جیسا ہی ہوگا اور اس میں اسپیس ٹائم کی خمداری (curvature) اہم کردار ادا کرے گی۔
پروفیسر والٹر وان سُویلیکم کا کہنا ہے کہ یہ تحقیق فلکیات، کوانٹم فزکس اور ریاضی کے درمیان شاندار اشتراک کا نتیجہ ہے۔ ان کا مزید کہنا تھا: ”جب ہم ایسے سوالات اٹھاتے ہیں اور غیرمعمولی صورتوں پر غور کرتے ہیں تو ہمیں نظریات کو بہتر طور پر سمجھنے کا موقع ملتا ہے اور شاید ایک دن ہم ہاکنگ ریڈی ایشن کے اسرار کو مکمل طور پر سمجھ لیں۔“
وادی نیلم :شاہکوٹ سیکٹر پر بھارتی فوج کا حملہ، خاتون شہید، متعدد مکانات تباہ
.ذریعہ: Daily Ausaf
کلیدی لفظ: یہ تحقیق
پڑھیں:
کراچی: اورنگی ٹاؤن سے اغوا ہونے والی 20 سالہ لڑکی ڈیڑھ سال بعد بازیاب
کراچی:اورنگی ٹاؤن کی رہائشی 20 سالہ یسریٰ کو مبینہ اغوا کے ڈیڑھ سال بعد بازیاب کرالیا گیا۔
صوبائی وزیر ترقی نسواں سندھ شاہینہ شیر علی اور ایم کیو ایم پاکستان کے رکن سندھ اسمبلی اعجاز الحق متاثرہ لڑکی کے گھر پہنچے اور یسریٰ اور اس کے اہلخانہ سے ملاقات کی۔
صوبائی وزیر شاہینہ شیر علی کے مطابق یسریٰ کو ڈیڑھ سال قبل ٹک ٹاک پر تعلق قائم ہونے کے بعد مبینہ طور پر اغوا کیا گیا تھا۔ اغواء کار حمزہ اور اس کی والدہ کی جانب سے مسلسل تشدد کے باعث یسریٰ شدید خوفزدہ رہی۔ متاثرہ لڑکی کے مطابق ملزم نے زبردستی جھوٹا نکاح نامہ بنوایا اور اسے مبینہ طور پر جنسی زیادتی کا نشانہ بھی بناتا رہا۔
شاہینہ شیر علی نے بتایا کہ یسریٰ نے موقع پاکر ڈیڑھ سال بعد اپنے رشتہ دار سے رابطہ کیا اور اپنے ساتھ ہونے والے ظلم کی اطلاع دی، جس پر مقامی ایم پی اے اعجاز الحق کی فوری کاوشوں سے لڑکی کو بازیاب کرایا گیا۔ پولیس نے ملزم حمزہ کو گرفتار کرکے مقدمہ درج کرلیا ہے، جبکہ مزید تفتیش جاری ہے۔
صوبائی وزیر نے یقین دہانی کرائی کہ متاثرہ خاندان کو مکمل قانونی مدد فراہم کی جائے گی۔ انہوں نے کہا کہ خواتین و بچیوں کے ساتھ مظالم کے خلاف سندھ حکومت کی زیرو ٹالرنس پالیسی ہے اور ایسے جرائم میں ملوث افراد کو سخت سزائیں دی جائیں گی۔
نیش کپ اسکواش ٹورنامنٹ، پاکستان نے فائنل جیت لیا