زرعی شعبے میں جدید ٹیکنالوجی کا فروغ ہماری ترجیح ہے: وزیراعظم شہباز شریف
اشاعت کی تاریخ: 15th, May 2025 GMT
---فائل فوٹو
وزیرِ اعظم شہبازشریف نے کہا ہے کہ زرعی خود کفالت کےلیے زراعت کے شعبہ کو جدید خطوط پر استوار کیا جا رہا ہے، زرعی شعبے میں جدید ٹیکنالوجی کا فروغ ہماری ترجیح ہے۔
وزیرِ اعظم شہبازشریف کی زیرِ صدارت زرعی شعبے میں اصلاحات سے متعلق اجلاس منعقد ہوا جس میں زرعی شعبے میں اصلاحات سے متعلق بنائے گئے ورکنگ گروپ نے تجاویز پیش کیں۔
اجلاس میں وزیرِ قومی غذائی تحفظ رانا تنویر حسین، وزیرِ اقتصادی امور احد خان چیمہ، وزیرِ خزانہ محمد اورنگزیب اور وفاقی وزیرِ موسمیاتی تبدیلی مصدق ملک شریک ہوئے۔
وزیرِ اعظم شہباز شریف نے اجلاس سے خطاب کے دوران کہا کہ اللّٰہ تعالیٰ نے پاکستان کو زرخیز زمین، قابل زرعی ماہرین، محنتی کسانوں سے نوازا ہے، معیشت کی فوری ترقی کےلیے زرعی شعبے کی وسیع استعداد کو بروئے کار لائیں گے۔
وزیراعلیٰ پنجاب گندم پیکیج کے حوالے سے ترجمان پنجاب حکومت نے کہا کہ وزیراعلی مریم نواز نے گندم کے کاشتکا روں کیلئے پیکیج کا اعلان کر دیا۔
ہدایت دیتے ہوئے انہوں نے کہا کہ کسانوں کو آسان شرائط پر زرعی قرضوں کی فراہمی یقینی بنائی جائے اور ملکی پیداوار بڑھانے کے لیے زرعی تحقیق پر توجہ مرکوز کی جائے۔
انہوں نے مزید کہا کہ پائیدار اور طویل مدتی زرعی صنعتی ترقی کی پالیسی بنانے کی ضرورت ہے، زراعت کے ساتھ جنگلات کا فروغ ماحولیاتی تبدیلیوں کامقابلہ کرنے کےلیے انتہائی اہم ہیں، زرعی شعبہ کی ترقی کےلیے متعلقہ فریقین کی مشاورت سے مربوط حکمت عملی بنائی جائے۔
وزیراعظم شہباز شریف نے ہدایت دیتے ہوئے کہا کہ زرعی شعبہ کی ترقی کے لیے صوبوں سے مشاورت بھی یقینی بنائی جائے۔
وزیر اعظم شہبازشریف کا کہنا تھا کہ زرعی بیجوں کے سرٹیفیکیشن کے نظام میں جاری اصلاحات میں تیزی لائی جائے، اعلیٰ معیار کے بیجوں کے فروغ سے متعلق مؤثر لائحہ عمل بنایا جائے۔
وزیراعظم شہباز شریف نے زرعی شعبے سے متعلق جامع ریگولیٹری فریم ورک ترتیب دینے اور زرعی شعبے سے متعلق نیشنل ایگری انوویشن پلان پیش کرنے کی ہدایت کی۔
.ذریعہ: Jang News
کلیدی لفظ: اعظم شہباز شریف شریف نے کہا کہ
پڑھیں:
یوم آزادی،وزیر اعظم محمد شہباز شریف نے پاکستان مونومنٹ میں پرچم کشائی کی اور یادگار شہدا پر پھول چڑھائے
اسلام آباد (اُردو پوائنٹ اخبارتازہ ترین - اے پی پی۔ 14 اگست2025ء) وزیر اعظم محمد شہباز شریف نے یوم آزادی کے موقع پر پاکستان مونومنٹ میں پرچم کشائی کی اور یادگار شہدا پر پھول چڑھائے۔جمعرات کو یوم آزادی کے موقع پر یادگار شہدا پر مرکزی تقریب کا انعقاد ہواجس کے مہمان خصوصی وزیر اعظم محمد شہباز شریف تھے۔ علاقائی لباسوں میں ملبوس ننھے بچوں نے وزیر اعظم کو پھول پیش کئے جبکہ وزیر اعظم نے بچوں سے پیار کیا۔اس موقع پر سائرن بجائے گئے اورقومی ترانے بجایا گیا۔(جاری ہے)
وزیر اعظم نے یادگار شہدا پر حاضری دی،پھول چڑھائے اورمادر وطن پر جان نچھاور کرنے والے شہدا کو خراج عقیدت پیش کرتے ہوئے ان کی بلندی درجات کے لئے فاتحہ خوانی کی۔اس موقع پر وزیر اعظم نے ملک کی سلامتی اور خوشحالی کے لئے دعاکی۔اس موقع پر بچوں کی بڑی تعداد بھی موجود تھی۔ چیئرمین سینٹ سید یوسف رضا گیلانی،سپیکر قومی اسمبلی سردار ایاز صادق،نائب وزیر اعظم و وزیر خارجہ سینیٹر محمد اسحاق ڈار،ڈپٹی سپیکر سید غلام مصطفیٰ شاہ ،وفاقی وزرا رانا تنویر حسین،عطاءاللہ تارڑ، ڈاکٹر طارق فضل چوہدری، سردار محمد یوسف ،پروفیسر احسن اقبال اور محمد حنیف عباسی کے علاؤہ بڑی تعداد میں ارکان قومی اسمبلی اور دیگر افراد نے شرکت کی۔
\932
راولپنڈی: پانی کی پائپ لائن چوری کرنے والے ملزمان رنگے ہاتھوں گرفتار