سینیٹ قائمہ کمیٹی نے کیپٹو پاورپلانٹس لیوی بل 2025 کی متفقہ طور پر منظوری دے دی
اشاعت کی تاریخ: 15th, May 2025 GMT
سینیٹ کی قائمہ کمیٹی خزانہ نے کیپٹو پاورپلانٹس لیوی بل 2025 کی متفقہ طور پر منظوری دے دی۔
سینیٹر انوشہ رحمان کی زیرصدارت سینیٹ کی قائمہ کمیٹی خزانہ کا اجلاس ہوا، کمیٹی نے کیپٹو پاور پلانٹس لیوی بل 2025کی متفقہ طور پر منظوری دے دی۔
سیکریٹری پیٹرولیم مومن آغا نے کمیٹی کو بتایا کہ حکومت کیپٹو پاور پلانٹس کو بجلی کے گرڈ پر منتقل کرنا چاہتی ہے، اگر سارے صارفین بجلی استعمال کریں تو کیپسٹی پیمنٹس کو کم کیا جاسکے گ۔
اسیکریٹری پیٹرولیم کا کہنا ہے کہ حکومت نے 5 فیصد لیوی عائد کرنے کی تجویز دی ہے، اجلاس میں کٹیو پاور پلانٹس لیوی بل 2025 پر بریفنگ دیتے ہوئے ایڈیشنل سیکرٹری خزانہ نے بتایا کہ گیس کے ذخائر میں مسلسل کمی ہورہی ہے، کیپٹیو کے 11 سو جب کہ انڈسٹری کے پچپن سو کنویکشن ہیں۔
اس پر سینٹر دلاور خان نے کہا کہ کیپٹیو پاور سے جو بجلی بنائی جائے گی، کیا وہ مرکزی گرڈ میں لے کر جائیں گے؟ کیپٹیو سے بنائی جانی والی بجلی کی قیمت کا تعین کیا جائے گا، کیپٹیو سے کیپسٹی چارجز مد میں کتنا فائدہ ہوگا؟ جس کے جواب میں سیکریٹری پیٹرولیم نے بتایا کہ کیپٹیو سے جو بجلی بنے گی وہ گرڈ نہیں جائے گی وہ بجلی فیکٹری میں استعمال ہوگی۔
کتنے فیصد استعمال ہونی ہے اس پر قیمت کا فیصلہ ہوگا انتیس سو فی ایم ایم بی ٹی یو قیمت ہوگی جبکہ ایڈیشنل سیکرٹری خزانہ نے کہا کہ کیپٹیو کے ستر فیصد یونٹس سندھ میں ہیں جس پر سینٹر محسن عزیز نے کہا کہ اس بل کو میں مسترد کرتا ہوں، یہ انڈسٹری کے خلاف بل ہے دو ہزار اکیس میں حکومت کا مقصد آڈٹ کرنا تھاجن نے حکومت کی بات مان کر سرمایہ کاری کی اور کیپٹو پلانٹس لگائے انکا کیا قصور ہے۔
اس پرسینیٹر دلاور خان نے کہا کہ لیوی جب دس فیصد بڑھائی جائے گی تو کیا اندازہ ہے حکومت کا کہ کتنا فائدہ ہوگا حکومت کبھی نہیں چاہے گی کہ انڈسٹری بند ہوں۔
اجلاس میں موجود وزارت قانون کے حکام نے کہا کہ بل کے کلاز چار میں ترمیم کی گزارش ہے تفصیلی جائزہ کے بعد چیئر پرسن کمیٹی نے کہا کہہم اس بل کو متفقہ طور پر پاس کرکے ایوان کو بھیج رہے ہیں۔
.
ذریعہ
ذریعہ: Express News
کلیدی لفظ: پلانٹس لیوی بل متفقہ طور پر کیپٹو پاور نے کہا کہ
پڑھیں:
کفایت شعاری اقدامات میں بڑا ریلیف ؛ مارکیٹوں کے اوقات کار میں توسیع
سٹی 42: کفایت شعاری اقدامات میں نائب وزیر اعظم نے مارکیٹوں کے اوقات کار بڑھا کر بڑا ریلیف دےدیا
ترجمان دفتر خارجہ کے مطابقنائب وزیرِ اعظم اسحاق ڈار نے آج وزارتِ خارجہ میں کفایت شعاری اقدامات کی نگرانی اور عملدرآمد سے متعلق کمیٹی کے اجلاس کی صدارت کی
کمیٹی نے جاری کفایت شعاری اقدامات کا جائزہ لیا ۔کمیٹی نے مارکیٹوں کے اوقاتِ کار، دن کے اوقات میں اضافے اور گرمیوں کے بلند درجۂ حرارت کو مدنظر رکھتے ہوئے کاروبار بند کرنے کے اوقات میں توسیع کا فیصلہ کیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
کمیٹی کے فیصلے کے مطابق دکانیں، بازار، شاپنگ مالز اور عمومی ریٹیل کاروبار رات 9:00 بجے تک کھلے رہیں گے۔کمیٹی کے فیصلے کے مطابق ریستوران، کیفے اور کھانے پینے کے مراکز رات 11:00 بجے تک کھلے رہیں گے۔
تاہم ٹیک اوے اور ڈیلیوری سروسز ان اوقات کار سے مستثنیٰ ہوں گی۔شادی ہالز اور تقریبات کے مقامات رات 10:00 بجے تک کھلے رہیں گے۔ضروری خدمات بشمول فارمیسی، ہسپتال، پٹرول پمپس، آئی ٹی اور ٹیلی کام سے متعلق خدمات کو بھی مستثنیٰ قرار دیا گیا ہے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
کمیٹی نے صوبائی حکومتوں کو ہدایت کی کہ وہ وفاقی حکام کے ساتھ رابطے میں رہتے ہوئے ان ہدایات پر مؤثر عملدرآمد کو یقینی بنائیں۔کمیٹی نے ایجنڈے میں شامل دیگر معاملات اور کیسز پر بھی غور کیا اور ان کی منظوری دی۔
اجلاس میں وفاقی وزراء برائے پیٹرولیم، موسمیاتی تبدیلی، اطلاعات، اور آئی ٹی و ٹیلی کام شریک ہوئے۔اجلاس میں وزیرِ اعظم کے معاونِ خصوصی برائے خزانہ؛ نائب وزیرِ اعظم کے معاونِ خصوصی بھی موجود تھے
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
سیکریٹریز تجارت، کابینہ، پیٹرولیم، اور آئی ٹی و ٹیلی کمیونیکیشنز؛ نیز صوبائی حکومتوں کے سینئر حکام نے بھی اجلاس میں شرکت کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ