بات چیت نہیں ہو رہی، وزیراعظم کی مذاکرات کی پیشکش کا خیرمقدم کیا ہے، بیرسٹر گوہر
اشاعت کی تاریخ: 15th, May 2025 GMT
پاکستان تحریک انصاف (پی ٹی آئی) کے مرکزی رہنما بیرسٹر گوہر نے پارلیمنٹ ہاؤس کے باہر میڈیا سے گفتگو کرتے ہوئے کہا ہے کہ حکومت سے کسی قسم کی کوئی ڈیل نہیں ہو رہی، اور نہ ہی کوئی مذاکرات زیر غور ہیں۔ انہوں نے دوٹوک مؤقف اپناتے ہوئے کہا کہ چیئرمین عمران خان بے گناہ ہیں، وہ ناحق اور بے بنیاد مقدمات میں قید ہیں، اور وہ کسی بھی قسم کی سودے بازی یا ڈیل نہیں کریں گے۔
بیرسٹر گوہر نے وزیر اعظم شہباز شریف کی جانب سے پارلیمنٹ کے فلور پر دی جانے والی مذاکرات کی پیشکش کا خیرمقدم کیا اور کہا کہ میں نے اس پیشکش کو سراہا ہے، تاہم اس حوالے سے پارٹی کے بانی عمران خان اور قیادت سے مشاورت کے بعد جواب دیا جائے گا۔
مزید پڑھیں: شہبازشریف کی پیشکش کا مثبت جواب:عمران خان اسٹیبلشمنٹ کی حمایت کیساتھ حکومت سے بات چیت پر آمادہ
انہوں نے مزید کہا کہ پی ٹی آئی اصولوں، آئین اور قانون کی بالادستی کی جدوجہد کر رہی ہے، نہ کہ اقتدار کے حصول کے لیے کوئی راہ نکالنے کی کوشش۔ انہوں نے ان خبروں کو بھی مسترد کیا کہ پارٹی کسی مذاکرات کی راہ پر گامزن ہے۔
بیرسٹر گوہر نے عمران خان کے صاحبزادوں کی جانب سے حالیہ انٹرویوز کا حوالہ دیتے ہوئے کہا کہ لندن میں ہونے کے باوجود انہوں نے پاکستان کی صورتحال پر گہری اور سنجیدہ باتیں کی ہیں، جو اس بات کا ثبوت ہیں کہ وہ معاملات سے بخوبی باخبر ہیں۔ انہوں نے کہا کہ چیئرمین عمران خان کا مؤقف آج بھی وہی ہے جو پہلے دن تھا، اور پارٹی کسی غیر آئینی اقدام یا دباؤ کے تحت راستہ تبدیل نہیں کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بیرسٹر گوہر پارلیمنٹ ہاؤس ڈیل عمران خان مذاکرات.
ذریعہ
ذریعہ: WE News
کلیدی لفظ: بیرسٹر گوہر پارلیمنٹ ہاؤس ڈیل مذاکرات بیرسٹر گوہر انہوں نے کہا کہ
پڑھیں:
عمران خان اور بشریٰ بی بی کی ملاقات کرا دی گئی
اڈیالا جیل راولپنڈی میں بانی پی ٹی آئی اور ان کی زوجہ محترمہ کی ملاقات کانفرنس روم میں کرائی گئی، ملاقات 50 منٹ تک جاری رہی۔ دوسری جانب بانی پی ٹی آئی سے ملاقات کیلئے آئے وکلاء اور فیملی ارکان میں سے کسی بھی شخص کو ملاقات کی اجازت نہ مل سکی۔ اسلام ٹائمز۔ اڈیالا جیل راولپنڈی میں عمران خان اور بشریٰ بی بی کی ملاقات کروا دی گئی۔ جیل ذرائع کے مطابق ملاقات کانفرنس روم میں کرائی گئی، ملاقات 50 منٹ تک جاری رہی۔ دوسری جانب بانی پی ٹی آئی سے ملاقات کیلئے آئے وکلاء اور فیملی ارکان میں سے کسی بھی شخص کو ملاقات کی اجازت نہ مل سکی۔ وزیر اعلیٰ کے پی سہیل آفریدی، شفیع جان، مینا خان آفریدی فیکڑی ناکے پر موجود رہے، بانی کی تینوں بہنیں کارکنان کی کثیر تعداد کے ہمراہ فیکٹری ناکے پر موجود رہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ