کرپشن کیخلاف زیرو ٹالرنس پر عمل پیرا ہیں، علی امین گنڈاپور
اشاعت کی تاریخ: 15th, May 2025 GMT
وزیر اعلیٰ خیبر پختونخوا علی امین گنڈاپور کی زیر صدارت صوبائی کابینہ کا بتیسواں اجلاس منعقد ہوا۔ اجلاس میں کابینہ اراکین، چیف سیکرٹری، ایڈیشنل چیف سیکرٹریز اور انتظامی سیکرٹریز نے شرکت کی۔
یہ بھی پڑھیں:
وزیر اعلیٰ علی امین گنڈاپور نے کابینہ اجلاس میں اظہار خیال کرتے ہوئے کہا کہ پاکستان کے خلاف بھارتی جارحیت کا مؤثر جواب دینے پر مسلح افواج کو خراج تحسین پیش کرتے ہیں۔
علی امین گنڈاپور کا کہنا تھا کہ بھارت کیخلاف اس شاندار فتح پر مسلح افواج اور پوری قوم مبارکباد کے مستحق ہے۔بھارتی جارحیت کے نتیجے میں ہونے والے شہداء کو سلام پیش کرتے ہیں۔
انہوں نے کہا کہ شہدا کے اہل خانہ کے ساتھ ہیں اور ان کے ساتھ دلی ہمدردی کا اظہارکرتے ہیں۔
وزیر اعلی کے پی کا کہنا تھا کہ ہم نے اس جارحیت میں خیبر پختونخوا کے شہید اور زخمی ہونے والوں کے لیے امدادی پیکج کا اعلان کیا ہے۔
انہوں نے کہا کہ شہدا کے ورثا کو 50، 50 لاکھ جبکہ زخمیوں کو 10، 10 لاکھ روپے دیے جائیں گے۔
علی امین گنڈاپور نے اظہار خیال کرتے ہوئے کہا کہ متعلقہ ممبران اسمبلی مقامی انتظامیہ کے حکام کے ساتھ ن شہدا اور زخمیوں کے گھروں میں جا کر انہیں امدادی پیکیج جلد ادا کریں۔
یہ بھی پڑھیں:عمران خان کے بیٹوں کا انٹرویو نہیں دیکھا، علی امین گنڈاپور
علی امین گنڈاپور نے کوہستان میں سامنے آنے والی مبینہ مالی بے ضابطگی کے خلاف نیب کی کارروائی کا خیر مقدم کرتے ہوئے کہا کہ خوش آئند بات ہے کہ نیب نے اس کیس میں کچھ ریکوریاں بھی کی ہیں۔
انہوں نے کہا کہ صوبائی حکومت اس سلسلے میں نیب کو بھر پور سپورٹ فراہم کرے گی، نیب کو تحقیقات کے لیے جو بھی ڈاکومنٹس درکار ہونگے، صوبائی حکومت ترجیحی بنیادوں پر فراہم کرے گی۔
ان کا کہنا تھا کہ اس کیس میں جو بھی لوگ اور ادارے ملوث ہیں ان کیخلاف سخت سے سخت کارروائی ہونی چاہیے، بانی چئیرمین کے وژن کے مطابق صوبائی حکومت کرپشن کیخلاف زیرو ٹالرنس کی پالیسی پر عمل پیرا ہے۔
علی امین گنڈاپور نے کہا کہ بدعنوانی کے اس کیس میں ملوث عناصر کیخلاف کسی اور ادارے سے زیادہ سخت کارروائی صوبائی حکومت خود کرے گی۔
انہوں نے کہا کہ متلعقہ کابینہ اراکین پریس کانفرنس کے ذریعے اس کیس کے حقائق عوام کے سامنے رکھیں۔
اجلاس میں اس کیس کی حکومتی سطح پر تحقیقات کے لیے کابینہ کمیٹی بنانے کا فیصلہ کیا گیا، کمیٹی کی سربراہی وزیر اعلی خود کریں گے جس میں متعلقہ کابینہ اراکین اور ممبران صوبائی اسمبلی شامل ہونگے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
علی امین گنڈاپور کرپشن کے پی نیب وزیراعلیٰ خیبرپختونخوا.ذریعہ: WE News
کلیدی لفظ: علی امین گنڈاپور کے پی وزیراعلی خیبرپختونخوا علی امین گنڈاپور نے انہوں نے کہا کہ صوبائی حکومت وزیر اعلی اس کیس کے لیے
پڑھیں:
کابینہ کمیٹی برائے امن و امان کا سیف سٹیز اتھارٹی کا دورہ، آسیان کپیسٹی بلڈنگ کانفرنس میں شرکت
سیشن سے خطاب میں چیرمین کابینہ کمیٹی و وزیر صحت پنجاب خواجہ سلمان رفیق نے بیرون ممالک سے آئے مہمانوں کو خوش آمدید کہا اور بتایا کہ وزیر اعظم شہباز شریف نے بطور وزیر اعلیٰ پنجاب اپنے دور میں اس ادارے کی بنیاد رکھی۔ حکومتِ پنجاب ٹیکنالوجی کے ذریعے صوبے کو مزید محفوظ بنا رہی ہے اور سیف سٹیز کا دائرہ کار صوبہ بھر تک پھیلایا جا رہا ہے۔ اسلام ٹائمز۔ کابینہ کمیٹی برائے امن و امان نے چیئرمین خواجہ سلمان رفیق کی قیادت میں پنجاب سیف سٹیز اتھارٹی کا دورہ کیا۔ اس موقع پر صوبائی وزیر انڈسٹریز چوہدری شافع حسین، صوبائی وزیر زراعت سید عاشق حسین کرمانی اور سیکرٹری داخلہ پنجاب ڈاکٹر احمد جاوید قاضی بھی موجود تھے۔ صوبائی وزراء اور سیکرٹری داخلہ پنجاب نے سیف سٹی میں جاری آسیان کپیسٹی بلڈنگ کانفرنس کے سیشن میں شرکت کی۔ کانفرنس میں شرکت کرنیوالے بین الاقوامی مہمانوں میں لاؤس سے مسٹر سوکساون ہانیفوم، میانمار سے مسٹر من سو او، انڈونیشیا سے مسٹر زین الدین ہائر الدین کُلّے اور مسٹر ہیری ولسن بُتار بُتار، ملائشیا سے مسٹر محمد اشرف بن عبداللہ، مشرق تیمور سے مسٹر الوارو مُونیز لوباتُو باریتو اور ویتنام سے مس تھانہ تھی تھو ہونگ شامل تھیں۔
سیشن سے خطاب میں چیرمین کابینہ کمیٹی و وزیر صحت پنجاب خواجہ سلمان رفیق نے بیرون ممالک سے آئے مہمانوں کو خوش آمدید کہا اور بتایا کہ وزیر اعظم شہباز شریف نے بطور وزیر اعلیٰ پنجاب اپنے دور میں اس ادارے کی بنیاد رکھی۔ حکومتِ پنجاب ٹیکنالوجی کے ذریعے صوبے کو مزید محفوظ بنا رہی ہے اور سیف سٹیز کا دائرہ کار صوبہ بھر تک پھیلایا جا رہا ہے۔ اس کانفرنس کے ذریعے آپس میں علم سیکھنے اور بانٹنے کا موقع ملے گا۔ پنجاب سیف سٹیز اتھارٹی گمشدہ بچوں کی تلاش، ٹریفک مینجمنٹ اور خواتین کو احساس تحفظ کی فراہمی کیلئے بھی کوشاں ہے۔ سیف سٹیز اتھارٹی کو وزیر اعلیٰ پنجاب مریم نواز کی مکمل سرپرستی حاصل ہے۔
امن جرگہ کے حوالے سے فائنل ڈرافٹ تیار، تمام فریقین کو اعتماد میں لے لیا گیا: شفیع جان