دنیا بھر میں قید پاکستانیوں کی تفصیلات سامنے آگئیں
اشاعت کی تاریخ: 15th, May 2025 GMT
— فائل فوٹو
دنیا بھر میں قید پاکستانیوں کی تفصیلات وزارت خارجہ نے قومی اسمبلی میں پیش کردیں۔
اس حوالے سے وزیر خارجہ اسحاق ڈار کا تحریری جواب قومی اسمبلی میں پیش کیا گیا ہے۔
جواب کے مطابق مختلف ممالک کی جیلوں میں 23 ہزار 456 پاکستانی قید ہیں۔
سعودی عرب میں 12 ہزار 156 جبکہ متحدہ عرب امارات کی جیلوں میں 5 ہزار 292 پاکستانی قید ہیں۔
وزیر خارجہ اسحاق ڈار کے تحریری جواب میں کہا گیا ہے کہ پاکستانی مشنز قید پاکستانیوں کو قونصلر امداد کی فراہمی کےلیے کوشاں ہیں۔
.ذریعہ: Jang News
پڑھیں:
عالمی پاسپورٹ رینکنگ جاری: پاکستانی پاسپورٹ 13 درجے بہتری کے بعد 100 ویں نمبر پر آ گیا
data-id="863a0a8" data-element_type="widget" data-widget_type="theme-post-content.default">
اسلام آباد: پاکستانی شہریوں کے لیے بین الاقوامی سفر کی راہ کچھ آسان ہو گئی ہے، عالمی شہرت یافتہ ادارے ہینلے اینڈ پارٹنرز کی جانب سے جاری کردہ سال 2025 کی پاسپورٹ رینکنگ میں پاکستانی پاسپورٹ کو 13 درجے ترقی کے ساتھ 100ویں پوزیشن پر جگہ مل گئی ہے۔
یاد رہے کہ 2021 میں پاکستان کا پاسپورٹ دنیا کے بدترین پاسپورٹس میں شامل تھا اور 113ویں نمبر پر موجود تھا، تاہم حالیہ درجہ بندی میں نمایاں بہتری پاکستان کے لیے ایک مثبت اشارہ سمجھی جا رہی ہے۔
رینکنگ کے مطابق دنیا کا سب سے طاقتور پاسپورٹ اس سال بھی سنگاپور کا قرار پایا، جس کے حامل شہری 193 ممالک میں بغیر ویزا یا ویزا آن آرائیول کے داخلے کی سہولت سے فائدہ اٹھا سکتے ہیں۔ فہرست میں جاپان اور جنوبی کوریا مشترکہ طور پر دوسرے نمبر پر موجود ہیں، جبکہ ڈنمارک، فن لینڈ، فرانس، جرمنی، آئرلینڈ، اٹلی اور اسپین تیسرے نمبر پر ہیں۔
امریکی پاسپورٹ اس سال چھٹے نمبر پر آیا ہے، جو دنیا کے 186 ممالک میں ویزا فری یا ویزا آن آرائیول کی سہولت فراہم کرتا ہے۔ بھارت کا پاسپورٹ عالمی فہرست میں 82 ویں نمبر پر ہے۔
پاکستانی پاسپورٹ کے حامل افراد کو اس وقت 30 سے زائد ممالک میں بغیر ویزا یا ویزا آن آرائیول کی سہولت حاصل ہے۔ ان ممالک میں بارباڈوس، برونڈی، کمبوڈیا، کیپ ورڈے آئی لینڈز، کوموروس، کک آئی لینڈز، جبوتی، گنی بساو، ہیٹی، کینیا، مڈغاسکر، مالدیپ، مائیکرونیشیا، مونٹسریٹ، موزمبیق، نیپال، نیو، پلاؤ، قطر، روانڈا، ساموا، سینیگال، سیشلز، سیرا لیون، صومالیہ، سری لنکا، سینٹ ونسنٹ اینڈ گریناڈائنز، تیمور لیستے، ٹرینیڈاڈ اینڈ ٹوباگو اور تووالو شامل ہیں۔
عالمی رینکنگ میں بہتری حکومت کی جانب سے ویزا پالیسیوں، خارجہ تعلقات اور سفارتی کوششوں کا نتیجہ قرار دی جا رہی ہے، جس سے مستقبل میں پاکستانیوں کے لیے مزید بین الاقوامی دروازے کھلنے کی امید کی جا رہی ہے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی