سعودی عرب میں عازمین حج کو مشکلات کا سامنا، شکایات دور کردی گئی ہیں، وزارت مذہبی امور
اشاعت کی تاریخ: 15th, May 2025 GMT
کراچی:
وفاقی وزات مذہبی امور نے انتظامات کے فقدان کے متعلق سوشل میڈیا پر ویڈیو وائرل ہونے کے بعد عزیزیہ سعودی عرب میں عازمین حج کی شکایات کا ازالہ کردیا۔
وزرات مذہبی امورنے عزیزیہ سعودی عرب میں عازمین حج کی شکایات کا ازالہ کرتے ہوئے ہنگامی بنیاد پراقدامات یقینی بنایا۔
ترجمان وفاقی مذہبی امورکے مطابق عازمین حج کی رہائشی عمارات میں سے کئی پرانی ہیں جبکہ کچھ حالیہ برسوں میں تعمیر ہوئی ہیں، اس وجہ سے بھی کئی لوگوں کو اعتراضات ہیں۔
انہوں نے کہا کہ بیشتر رہائش منیٰ کے مقام کے انتہائی قریب ہیں جو کہ پاکستانی عازمین حج کے لیے بڑی سہولت ہے۔
ان کا مزید کہنا تھا کہ رہائشی بلاکس یا بلڈنگز میں کمرے الاٹ کرنے کا تمام تر انتظام کمپیوٹرائزڈ ہے جبکہ عازمین حج کے لیے جن عمارتوں کو حاصل کیا جاتا ہے وہ عموماً سال کے 12ماہ استعمال میں نہیں رہتی، اس وجہ سے شاید چند لوگوں کی شکایات منظرعام پر آئی تھیں، جنہیں دورکر دیا گیا ہے۔
گزشتہ روز پاکستانی عازمین حج کی جانب سےعزیزیہ سعودی عرب میں واقع رہائشی عمارت میں مقیم چند خواتین سمیت متعدد عازمین نے ناقص انتظامات سے متعلق ایک سے زائد ویڈیوز وائرل کی تھیں۔
ویڈیوز میں عازمین حج نے رہائشی بلڈنگ میں صفائی ستھرائی کے فقدان، واش رومز، نماز کی جگہ اور میس میں انتظامات کے فقدان کی شکایت کی تھی۔
.ذریعہ: Express News
کلیدی لفظ: عازمین حج کی
پڑھیں:
مودی کی زبان نہ بولیں، اپنے چاچو کی حکومت ختم کرنی ہے کیا؟
لاہور ( اردوپوائنٹ اخبار تازہ ترین۔ 02اکتوبر 2025ء ) ندیم افضل چن کا مریم نواز کو کہنا ہے کہ کیااپنے چاچو کی حکومت ختم کروانی ہے؟۔ تفصیلات کے مطابق پیپلز پارٹی کے سینئر رہنما ندیم افضل چن نے وزیر اعلٰی مریم نواز کو دوبارہ شدید تنقید کا نشانہ بنایا ہے۔ ندیم افضل چن کا کہنا ہے کہ مریم نواز مودی کی زبان نہ بولیں، اپنے چاچو کی حکومت ختم کرنی ہے؟ پنجاب کارڈ نہ کھلیں، یہ زبان قبول نہیں۔ دوسری جانب مرکزی ترجمان پیپلزپارٹی شازیہ مری نے کہا ہے کہ الیکشن میں شکایات ہوتی ہیں لیکن پیپلزپارٹی پارلیمانی عمل کوچلنے دینا چاہتی ہے، آج بھی ہماری کوشش کہ پارلیمانی پراسیس کو چلنا چاہیے۔ پیپلزپارٹی کی مرکزی ترجمان شازیہ مری نے صحافیوُں سے اظہار یکجہتی کے لئے پریس گیلری کا دورہ کیا۔(جاری ہے)
شازیہ مری نے پی آر اے کے انتخابی عمل کا مشاہدہ کیا ۔
مرکزی ترجمان پی پی پی پی شازیہ مری کی پارلیمنٹ میں گفتگو کرتے ہوئے کہا کہ پارلیمانی رپورٹرز ایسوسی ایشن کے اتخابات ہونا خوش آئند ہے۔ پی آر اے الیکشن پراسیس اور تنظیم کو جمہوری انداز میں چلارہے ہیں۔ پارلیمانی رپورٹرز پارلیمنٹ کے اجلاس کی کوریج کرتے ہیں۔ پی آراے الیکشن میں گہما گہمی اور جمہوری رویہ قابل تقلید ہے۔ الیکشن پراسیس پرتمام سٹیل ہولڈرز کا اعتماد ہوناخوش آئند ہے۔ شہید ذوالفقارعلی بھٹو نے عوام کو ووٹ کی طاقت کا سرچشمہ بنایا۔ الیکشن میں شکایات بھی ہوتی ہیں ہم شکایات پربات کرتے ہیں لیکن پارلیمانی پراسیس کوچلنے دینا چاہتے ہیں، آج بھی ہماری کوشش ہے آج بھی پراسیس کو چلنا چاہیے۔ الیکشن کا عمل اتناشفاف ہوناچاہیے کہ تمام سٹیک ہولڈرز کو اعتماد ہونا چاہیے۔ عام انتخابات میں الیکشن میں حصہ لینے والی جماعتوں کو شکایات ہوتی ہیں۔ جتنے زیادہ الیکشنز ہونگے اتناہی پراسیس شفاف ہوتاجائے گا۔ آزادی رائے پرقدغن نہیں ہوناچاییے۔ سب کو اس بات کا خیال رکھنا چاہیے کہ آئینی حدود ضروری ہیں ۔ رویے ایسے یں صبر کم ہوتا جار ہاہے اس سے ماحول بگڑتا ہے۔ ایک سیاسی جماعت کی جانب سے سینئر صحافی اعجازاحمد کےساتھ جوسلوک ہوا وہ کسی بھی جماعت کی جانب سے ہوگا اس کی مذمت کرینگے۔ ہماری جماعت کی جانب سے اگر کبھی ایسا ہوتا تو ہم ڈسپلنری کارروائی کرتے ہیں۔ ہرسیاسی جماعت کو چاہیے کہ وہ اپنی رویے پر غور کرے اگرکوئی بات اچھی نہ لگے اس پربات نہ کریں ۔ سوشل میڈیا پر تصاویر لگا کر صحافیوں کو نشانہ نہیں بنانا چاہیے، سوشل میڈیا ٹرولنگ نہیں اچھے مقاصد کیلئے استعمال ہوناچاہیے ۔ الیکشن میں شکایات بھی ہوتی ہیں ہم شکایات پربات کرتے ہیں لیکن پارلیمانی پراسیس کوچلنے دینا چاہتے ہیں۔
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری