’شادی کب کریں گے؟‘، بابر اعظم نے اس سوال کا کیا جواب دیا؟
اشاعت کی تاریخ: 16th, May 2025 GMT
قومی کرکٹر اور پی ایس ایل 10 میں پشاور زلمی کے کپتان بابر اعظم کی ایک ویڈیو سوشل میڈیا پر وائرل ہو رہی ہے جس میں انہیں اپنی شادی کے حوالے سے بات چیت کرتے دیکھا جا سکتا ہے۔
بابر اعظم نے حال ہی میں ایک پوڈ کاسٹ میں شرکت کی جس میں میزبان نے ان سے کرکٹ کے علاوہ دیگر موضوعات پر بھی بات کی۔ دوران شو انہیں ایک سیچویشن دی کہ اگر آپ ایک کمرے میں بند ہو جائیں اور چابی کھو جائے، ایسے میں صرف ایک ہی انسان ہے جس کے ساتھ آپ کو اپنی زندگی گزارنی ہے تو وہ کس کے ساتھ گزاریں گے۔
میزبان نے کہا کہ ان کے پاس دو آپشنز ہیں کہ یا تو وہ کوئی ٹیکنیکل انسان بلائیں جو دماغ کا بہت تیز ہے یا پھر ایسا شخص بلائیں گے جو وہ سمجھتے ہیں کہ زندگی میں بہت کچھ کر لیا ہے اب اسی کے ساتھ وقت گزار لیتے ہیں۔
بابر اعظم نے اس سوال کے جواب میں آپشن پوچھے جس پر میزبان نے کہا کہ آپشن اوپن ہیں وہ دنیا کا کوئی بھی انسان ہو سکتا ہے جس پر بابر اعظم نے کہا کہ ’پوری زندگی کے لیے پھر بیوی ہی ہوگی‘۔
میزبان نے قومی کرکٹر سے پوچھا کہ وہ شادی کب کر رہے ہیں جس پر انہوں نے کہا کہ شادی ہو جائے گی۔
Ek tu hove ek main hovan
Dowen sare jag nu pol Jaiye ni#BabarAzam????|#BabarAzam pic.
— Babar Azam 56 (@BabarAzam_152) May 15, 2025
ایک ایکس اکاؤنٹ سے تبصرہ کیا گیا کہ بابر اعظم شادی کب کر رہے ہیں یہ ملین ڈالر کا سوال ہے۔
???????????????????????????? ???????????????????????? ????????????????????????????????????????????
Shadi Kub???#BabarAzam???? I #PakistanCricket pic.twitter.com/t5GQT8nKSc
— Pakistan Cricket Team USA FC (@DoctorofCricket) May 15, 2025
ایک صارف نے بابر اعظم کی انسٹاگرام پر شیئر کی گئی پوسٹ لگائی جس میں انہوں نے کہا تھا کہ ’یہ جو شہر لاہور سے محبت ہے، یہ کسی اور سے محبت ہے‘۔ ساتھ ہی انہوں نے لکھا کہ بابر اعظم کو پیار ہو گیا ہے۔
Babar jani ko pyar ho gya h????????#BabarAzam???? pic.twitter.com/mv5ifKBUPC
— ???????? ???????? (@DrAB56) May 15, 2025
واضح رہے کہ بابر اعظم قومی ٹیم کے سب سے سینئر کنوارے کھلاڑی ہیں اور شائقین کرکٹ سمیت سابق کرکٹرز بھی ان کی شادی سے متعلق تبصرے کرتے رہتے ہیں۔
حال ہی میں شاداب خان کی بھی ایک ویڈیو وائرل ہوئی تھی جس میں انہیں کہتے سنا جا سکتا ہے کہ ’کہتے ہیں کہ عمرے پر جائیں تو خانہ کعبہ پر پہلی نظر پڑتے ہی دعا کرنی چاہیے، تو میں نے اس (بابر) کی شادی کی دعا کی‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بابر اعظم بابر اعظم شادی پشاور زلمی پی ایس ایل
ذریعہ
ذریعہ: WE News
کلیدی لفظ: پشاور زلمی پی ایس ایل نے کہا کہ ہیں کہ
پڑھیں:
سپریم کورٹ؛ اے این ایف اہلکار کے چرس پینے سے متعلق جواب پر جج کے دلچسپ ریمارکس پر قہقہے
اسلام آباد:سپریم کورٹ نے منشیات برآمدگی کیس میں پانچ لاکھ روپے کے مچلکوں کے عوض لاہور کی رہائشی نازیہ مختار خواجہ کی ضمانت منظور کر لی۔
دوران سماعت، ملزمہ کے وکیل نے اے این ایف ریڈ کی سی سی ٹی وی فوٹیج چلا دی جس پر عدالت نے ملزمہ کے گھر کی سی سی ٹی وی فوٹیج کا فرانزک کروانے کا حکم دے دیا۔
جسٹس ہاشم کاکڑ کی سربراہی میں تین رکنی بینچ نے سماعت کی۔
وکیل احسن بھون نے دلائل دیے کہ واضح دیکھا جاسکتا ہے کہ اے این ایف کا اہلکار منشیات لے کر گھر آتا ہے، خود منشیات گھر میں رکھ کر جھوٹا کیس بنایا گیا، سی سی ٹی وی فوٹیج میں نظر آنے والا اہلکار کمرہ عدالت میں موجود ہے۔
دوران سماعت، اے این ایف اہلکار نے فوٹیج میں موجودگی کی تردید کر دی۔
جسٹس اشتیاق ابراہیم نے ریمارکس دیے کہ اے این ایف کے اسلحہ بردار اہلکار تشدد کرتے نظر آرہے ہیں، جس پر وکیل اے این ایف نے کہا کہ یہ فوٹیج کسی اور گھر میں کیے گئے ریڈ کی ہے۔
جسٹس ہاشم کاکڑ نے ریمارکس دیے کہ اے این ایف کے 10 اہلکار تھے مگر دو لڑکیاں پھر بھی بھاگ گئیں، اتنے ہٹے کٹے اہلکار لڑکیوں کو نہیں پکڑ سکے مگر گاڑی پکڑ لی۔
وکیل ملزمہ احسن بھون نے کہا کہ گاڑی کی ریکوری کا ریکارڈ بھی تبدیل کیا گیا ہے۔
جسٹس اشتیاق ابراہیم نے ریماریس دیے کہ اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں، خدا کا خوف کریں کمرہ عدالت میں جھوٹ نہ بولیں۔
جسٹس ہاشم کاکڑ نے ریمارکس دیے کہ اے این ایف کیا کر رہا ہے ملزمان تحویل میں ہوتے ہوئے مار دیے جاتے ہیں، ایک کیس میں ملزم کی ہتھکڑیوں کے ساتھ تصویر تھی جو اگلے روز مار دیا گیا۔
دوران سماعت، جسٹس ہاشم کاکڑ نے اے این ایف اہلکار سے مکالمہ کرتے ہوئے کہا کہ جوانی ہمیشہ نہیں رہنی کچھ خیال کیا کریں۔
جسٹس ہاشم کاکڑ نے اے این ایف اہلکار سے استفسار کیا کہ آپ نے کبھی چرس پی ہے؟ اے این ایف اہلکار نے جواب دیا کہ نہیں سر میں نے کبھی چرس نہیں پی۔
جسٹس ہاشم کاکڑ نے ریمارکس دیے کہ چرس نہیں پی اس لیے آپ میں احساس بھی نہیں ہے۔ جسٹس ہاشم کاکڑ کے ریمارکس پر عدالت میں قہقہے لگ گئے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ