سیز فائر نہ ہوتا تو پاکستان دہلی اور ممبئی پر چڑھائی کرچکا ہوتا: کامران ٹیسوری
اشاعت کی تاریخ: 16th, May 2025 GMT
کامران خان ٹیسوری — فائل فوٹو
گورنر سندھ کامران خان ٹیسوری سیز فائر نہ ہوتا تو پاکستان حقیقت میں دہلی اور ممبئی پر چڑھائی کرچکا ہوتا۔
یوم تشکر کے موقع پر مزار قائد پر تقریب کا انعقاد کیا گیا ہے، اس موقع پر گورنر سندھ کامران خان ٹیسوری نے ایم کیو ایم کے ارکان اسمبلی کے ساتھ مزار قائد پر حاضری دی، پھول رکھے اور مہمانوں کی کتاب میں تاثرات بھی قلم بند کیے۔
گورنر سندھ کامران ٹیسوری نے بھارت کے خلاف فتح جشن مناتے ہوئے بھارتی طیارے رافیل کے ماڈل کو آگ لگا دی۔ ان مناطر کی ویڈیو سوشل میڈیا پر وائرل ہو رہی ہے۔
کامران خان ٹیسوری نے کہا کہ آج ہم اظہار تشکر کےلیے مزار قائد پر جمع ہوئے، ہمیشہ مزار پر آکر دعا کرتے ہیں کہ ملک کے مسائل حل ہوں۔
ان کا کہنا ہے کہ دشمن نے اندھیرے میں ہم پر جنگ مسلط کی۔ تاہم اللّٰہ نے ہمیں سرخرو کیا۔ شروع انہوں نے کیا، ختم ہم نے کیا۔ پوری قوم آج فتح کا جشن منا رہی ہے۔
گورنر سندھ کے مطابق جنگی حالات میں ہماری حکومت نے امن اور صبر کا دامن نہیں چھوڑا، پہلے دن سے دنیا کو بتا دیا تھا کہ ہم امن پسند لوگ ہیں، جنگ بندی کے بعد بھی حیدرآباد دکن میں کراچی کے نام سے بیکری کو جلایا گیا۔ کراچی میں بھی بھارتی شہروں کے نام پر دُکانیں ہیں لیکن ہم نے کچھ نہیں کیا ہم امن پسند ہیں۔
انہوں نے کہا کہ مودی نے ہماری مساجد کو شہید کیا، ہم نے مندروں پر حملہ نہیں کیا، ہم نے دفاعی جواب دیا ہے، تمام فاتح جوانوں کو سلام پیش کرتا ہوں، دوست ممالک کا شکریہ ادا کرنا چاہتا ہوں، پانی کا معاملہ ہو یا کشمیر کا، بیٹھ کر برابری پر بات ہوگی، پاکستان کا ہر شخص کشمیری بھائیوں کے ساتھ کھڑا ہے۔
آج شام 5 بجے گورنر ہاؤس کراچی میں افواج پاکستان کے لیے یوم تشکر منایا جائے گا۔
گورنر سندھ کا کہنا ہے کہ آج پوری پاکستانی قوم کو افواج پاکستان پر فخر ہے۔ پی ٹی آئی نے دو سال افواج پاکستان کو رسوا کروایا۔ کچھ لوگ بیرونی سازش میں شامل اور کچھ شکار ہوئے۔ حکومت اور افواج پاکستان سے کہوں گا 9 مئی کے کیس میں پی ٹی آئی کے بےگناہ کارکنوں کوعام معافی دیں۔
ان کا کہنا ہے کہ پی ٹی آئی سمیت تمام سیاسی جماعتوں نے بھارت کو ایک ہی جواب دیا کہ اسلامی جمہوریہ پاکستان میں ہم سب ایک قوم ہیں۔ افواج پاکستان نے وہ جواب دیا کہ دشمنوں کے دانت کھٹے کردیے۔
انہوں نے یہ بھی کہا کہ بھارت نے پاکستان پر الزام لگا کر تحقیقات کے بجائے حملہ آور ہونے کی کوشش کی، ہم ہندوستانی قوم کے خلاف نہیں، انتہا پسند ہندو مودی کے خلاف ہیں۔
.ذریعہ: Jang News
کلیدی لفظ: کامران خان ٹیسوری افواج پاکستان گورنر سندھ کا
پڑھیں:
اب پوری دنیا کی نظریں پاک فضائیہ پر ہیں: کامران ٹیسوری
فوٹو بشکریہ انسٹاگرامگورنر سندھ کامران ٹیسوری کا کہنا ہے کہ اب پوری دنیا کی نظریں پاک فضائیہ پر ہیں۔
گورنر ہاؤس سندھ میں آپریشن بنیان مرصوص کی کامیابی پر یادگارِ شہداء کے سنگ بنیاد کی تقریب کا انعقاد کیا گیا۔
کامران ٹیسوری نے تقریب سے خطاب کرتے ہوئے کہا کہ آج کا دن گورنر ہاؤس کی تاریخ کا اہم دن ہے، وہ قومیں کبھی ترقی نہیں کرتیں جو اپنے محسنوں کو یاد نہیں کرتیں۔
اُنہوں نے مزید کہا کہ بھارت خطے میں اپنی بالا دستی قائم کرنا چاہتا تھا، بھارت کے تکبر کو ہماری فوج نے توڑ دیا، افواج نے بتا دیا ہے کہ ملک کا دفاع مضبوط ہاتھوں میں ہے۔
گورنر سندھ نے کہا کہ بھارت بھی اب پاک فضائیہ کی طرف دیکھ رہا ہے، دنیا ہماری طرف دیکھ رہی ہے۔
اُنہوں نے کہا کہ افواج پاکستان سے مئی میں کوئی پنگا نہ لے، آئے تھے سندور لے کر ہم نے تندور جما دیا، میں تو کہتا ہوں کہ بھنڈی کھانے والو، پنڈی والوں سے پنگا نہ لینا۔
کامران ٹیسوری نے کہا کہ کے پی اور بلوچستان کے دہشتگرد دیکھ لیں ان کے آقا کے ساتھ کیا ہوا، آپ اسلحہ پھینک دیں، مٹھی بھر دہشتگردوں کو پاکستان سے کھیلنے کی اجازت نہیں ملے گی۔
اُنہوں نے کہا کہ ہم بھارت کے جھنڈے، عوام اور ان کی افواج کے خلاف نہیں، ہم صرف انتہا پسند مودی کے خلاف ہیں۔
گورنر سندھ نے کہا کہ بھارت نے رات کے اندھیرے میں بزدلانہ حملہ کیا اور اب سنا ہے مودی کو چائے میں اچار ڈال کر پینا پڑ رہا ہے اور بھارتی میڈیا جھوٹ میں اتنا آگے بڑھ گیا کہ لاہور میں پورٹ دریافت کرلیا۔
اُنہوں نے کہا کہ میں کہتا ہوں ہم پہلے ہی دل جلے ہیں ہمارا پانی بند کرنے کی بات نہ کرو، کئی سال سے کراچی میں تو ویسے ہی پانی کے مسائل ہیں۔
گورنر سندھ کامران ٹیسوری نے بھارت کے خلاف فتح جشن مناتے ہوئے بھارتی طیارے رافیل کے ماڈل کو آگ لگا دی۔ ان مناطر کی ویڈیو سوشل میڈیا پر وائرل ہو رہی ہے۔
کامران ٹیسوری نے کہا کہ ہم جنگ نہیں چاہتے، امن پسند لوگ ہیں، ہم دنیا کو بتا چکے ہیں کہ پاکستان جنگ کا خواہشمند نہیں، پاکستان خطے میں تجارت اور امن کو فروغ دینا چاہتا ہے، ہماری امن کی کوشش کو ہماری کمزوری نہ سمجھا جائے، ہم دنیا کو بتا چکے ہیں کہ کشمیر کے معاملے پر پیچھے نہیں ہٹیں گے، اب ہم کشمیر کا بدلہ بھی لیں گے اور پانی کے یکطرفہ فیصلے کو بھی تسلیم نہیں کریں گے۔
اُنہوں نے مزید کہا کہ ہم فلسطینی بہن بھائی اور بچوں کا ساتھ بھی نہیں چھوڑیں گے۔
گورنر سندھ نے کہا کہ ہم نے اپنی معیشت کا دفاع بھی اسی طرح کرنا ہے، معیشت کے لیے سر جوڑ کر بیٹھ گئے ہیں، آئی ایم ایف سےجان چھڑانی ہے۔
اُنہوں نے تمام دوست ممالک بالخصوص چین، آذربائیجان اور ترکیہ کا پاکستان کی حمایت کرنے پر شکریہ ادا کیا۔
کامران ٹیسوری کا کہنا تھا کہ میں یہ بھی کہوں گا کہ جو بھی صاحب استطاعت ہے ترکیہ ضرور جائے۔
’پاکستان کے پاس میزائل کا ذخیرہ بہت زیادہ ہے‘، خوفزدہ بھارتی میڈیا نے رونا پیٹنا شروع کردیا