ہر ضروری طریقے سے ایران کا مسئلہ حل کریں گے، ڈونلڈ ٹرامپ
اشاعت کی تاریخ: 16th, May 2025 GMT
ابوظبی میں اپنی ایک تقریر میں امریکی صدر کا کہنا تھا کہ میں غزہ کی صورتحال کا جائزہ لے رہا ہوں، اس حوالے سے آئندہ دو تین ہفتوں میں دنیا اہم پیشرفت کا مشاہدہ کرے گی۔ اسلام ٹائمز۔ امریکی صدر "ڈونلڈ ٹرامپ" نے کہا کہ میرا دورہ خلیج فارس غیر معمولی اور بے مثال تھا۔ انہوں نے ان خیالات کا اظہار ابوظبی کے الوطن پیلس میں اپنی تقریر کے دوران کیا۔ اس موقع پر ڈونلڈ ٹرامپ نے کہا کہ ہم نے امریکہ کے لئے 10 ٹریلین ڈالر کی سرمایہ کاری حاصل کی ہے اور مزید 13 ٹریلین ڈالر کے منتظر ہیں۔ ہمارے قطر، سعودی عرب اور متحدہ عرب امارات سے اچھے تعلقات ہیں۔ Sputnik News کے مطابق، انہوں نے دعویٰ کیا کہ دنیا پُرامن ہو گئی ہے۔ میں غزہ کی صورت حال کا جائزہ لے رہا ہوں، اس حوالے سے آئندہ دو تین ہفتوں میں دنیا اہم پیش رفت کا مشاہدہ کرے گی۔ ہماری نظریں غزہ پر ہیں۔ ہم وہاں پر موجود بھوکے افراد کا خیال رکھنا چاہتے ہیں۔ ڈونلڈ ٹرامپ نے ایران-امریکہ بالواسطہ مذاکرات کے حوالے سے کہا کہ ہم ہر ممکن اور ضروری طریقے سے ایران کا مسئلہ حل کریں گے۔ اس کے ساتھ انہوں نے روس اور یوکرائن تنازعہ کے فوری حل کا بھی عندیہ دیا۔ انہوں نے کہا کہ روس اور یوکرائن کے درمیان جنگ میں شرمناک حد تک جانی نقصان ہو چکا ہے۔ ڈونلڈ ٹرامپ نے روسی صدر کے حوالے سے کہا کہ انہیں توقع ہے کہ یوکرائن کے ساتھ مستقیم مذاکرات کے لئے "ولادیمیر پیوٹن" ترکیہ جائیں گے۔
.
ذریعہ
ذریعہ: Islam Times
کلیدی لفظ: ڈونلڈ ٹرامپ حوالے سے انہوں نے کہا کہ
پڑھیں:
نواز شریف گلگت بلتستان روانہ، انتخابی مہم میں حصہ لیں گے
راو دلشاد: محمد نواز شریف گلگت بلتستان کے دورے کے لیے روانہ ہو گئے، جہاں وہ پارٹی رہنماؤں اور ٹکٹ ہولڈرز سے ملاقاتیں کریں گے۔
ذرائع کے مطابق نواز شریف خصوصی طیارے کے ذریعے لاہور کے اولڈ ایئرپورٹ سے گلگت بلتستان روانہ ہوئے۔ اس موقع پر خواجہ محمد آصف اور رانا ثناء اللہ خان بھی ان کے ہمراہ تھے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
دورے کے دوران نواز شریف پاکستان مسلم لیگ (ن) کے ٹکٹ ہولڈرز اور مقامی رہنماؤں سے ملاقاتیں کریں گے اور انتخابی حکمت عملی پر مشاورت کریں گے۔
پارٹی ذرائع کے مطابق مسلم لیگ (ن) کے سربراہ گلگت بلتستان میں انتخابی مہم کے سلسلے میں مختلف عوامی جلسوں سے بھی خطاب کریں گے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ