یوم تشکر، لاہور میں مزار اقبالؒ پر خصوصی تقریب کا اہتمام
اشاعت کی تاریخ: 16th, May 2025 GMT
گورنر پنجاب سردار سلیم حیدر خان اور کور کمانڈر لاہور لیفٹیننٹ جنرل فیاض حسین شاہ نے بطور مہمان خصوصی شرکت کی۔ دونوں شخصیات کی جانب سے مزارِاقبالؒ پر حاضری اور فاتحہ خوانی کی گئی۔ گورنر پنجاب اور کور کمانڈر نے مزار اقبالؒ پر پھولوں کی چادر بھی چڑھائی۔ اسلام ٹائمز۔ آپریشن بُنیان مّرصُوص کی کامیابی پر ملک بھر میں یوم تشکر منایا جا رہا ہے۔ یوم تشکر کی مرکزی تقریب لاہور میں مزار اقبالؒ پر منعقد ہوئی۔ گورنر پنجاب سردار سلیم حیدر خان اور کور کمانڈر لاہور لیفٹیننٹ جنرل فیاض حسین شاہ نے بطور مہمان خصوصی شرکت کی۔ دونوں شخصیات کی جانب سے مزارِاقبالؒ پر حاضری اور فاتحہ خوانی کی گئی۔ گورنر پنجاب اور کور کمانڈر نے مزار اقبالؒ پر پھولوں کی چادر بھی چڑھائی۔ یوم تشکر کی مناسبت سے مزار اقبال پر گارڈ آف آنر پیش کیا۔ جبکہ خطیب بادشاہی مسجد مولانا عبدالخبیر آزاد نے ملک کی سلامتی، پاک فوج کی مزید کامیابیوں اور ملک میں امن و امان کے قیام کیلئے خصوصی دعا کروائی۔
مزار اقبالؒ پر حاضری کے موقع پر گورنر پنجاب سردار سلیم حیدر خان کا کہنا تھا کہ اپنی افواج کو خراج تحسین پیش کرتے ہیں، جنہوں نے بھارت کو شکست دی اور ان کا غرور خاک میں ملا دیا۔ انہوں نے مزید کہا کہ پاکستان پُرامن ملک ہے، ہم کبھی بھی جنگ نہیں چاہتے تھے، بھارتی جارحیت کا منہ توڑ جواب دینے پر پوری دنیا میں گرین پاسپورٹ کی قدر میں اضافہ ہوا ہے۔ یوم تشکر پر کور کمانڈر لاہور لیفٹیننٹ جنرل فیاض حسین شاہ نے مزار اقبال پر حاضری کے موقع پر مہمانوں کی کتاب میں اپنے تاثرات قلمبند کیے۔
ذریعہ
ذریعہ: Islam Times
کلیدی لفظ: اور کور کمانڈر گورنر پنجاب مزار اقبال یوم تشکر
پڑھیں:
گورنر خیبرپختونخوا سے ترک سفیر کی ملاقات ، باہمی تعاون ،دوطرفہ امور پر تبادلہ خیال
اسلام آباد (اُردو پوائنٹ اخبارتازہ ترین - اے پی پی۔ 02 جون2026ء) گورنر خیبرپختونخوا فیصل کریم کنڈی سے ترک سفیر ڈاکٹر عرفان نذیر اوغلو نے ملاقات کی،جس میں پاک ترک تعلقات، باہمی تعاون اور دوطرفہ امور پر تبادلہ خیال کیا گیا۔منگل کو گورنر آفس اسلام آباد سے جاری بیان کے مطابق ملاقات میں پاکستان اور ترکیہ کے برادرانہ تعلقات مزید مضبوط بنانے کے عزم کا اظہار کیا گیا۔دونوں رہنماؤں کے درمیان تجارت، سرمایہ کاری، تعلیم اور ثقافت کے شعبوں میں تعاون بڑھانے پر گفتگو ہوئی اورخیبرپختونخوا اور ترکیہ کے درمیان اقتصادی روابط کے فروغ پر تبادلہ خیال کیا گیا۔اس موقع پرگورنر خیبرپختونخوانے کہا کہ پاک۔بھارت جنگ میں ترکیہ نے پاکستان کا بھرپور ساتھ دیا،نئی نسل کو پاک ترک دوستی میں متحرک کرنا انتہائی ضروری ہے۔(جاری ہے)
انہوں نے کہا کہ خیبرپختونخوا کے تاجروں اور طلبہ کے ترکیہ دوروں کا سلسلہ شروع کیا جائے،دونوں ممالک کے ثقافتی اور ادبی وفود کے دورے بھی انتہائی ضروری ہیں، ایسے اقدامات سے ترکیہ اور پاکستان دوستی مزید مضبوط ہو گی۔گورنر خیبرپختونخوا نے کہا کہ زراعت کے شعبہ میں بھی دونوں ممالک بالخصوص خیبرپختونخوا میں ترقی اور سرمایہ کاری کے وسیع امکانات ہیں۔ گورنر خیبرپختونخوا نے پشاور کو ترکیہ کے کسی بڑے شہر کے ساتھ سسٹر سٹی قرار دینے کی تجویز پیش کی۔ترک سفیر نے بتایا کہ پشاور کو ترکیہ کے ایک شہر کے ساتھ سسٹر سٹی قرار دیا جائے گا، پاکستان کے نوجوانوں کو آئی ٹی اور جدید ٹیکنالوجی کے شعبوں میں تربیت کے مواقع فراہم کرنے کے لئے تعاون کریں گے۔ ترک سفیر نے وزیراعظم یوتھ پروگرام کو نوجوانوں کی ترقی کے لئے ایک مثبت اور موثر اقدام قرار دیا۔ترک سفیر نے کہا کہ پاکستان اور ترکیہ کے درمیان تعلیم، ٹیکنالوجی اور نوجوانوں کی استعداد کار بڑھانے کے شعبوں میں تعاون مزید فروغ پائے گا۔ملاقات میں پاکستان پیپلز پارٹی کے خیبر پختونخوا اسمبلی میں پارلیمانی لیڈر احمد کنڈی بھی موجود تھے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ