گجرات کے قصاب مودی کو دنیا نے رسواہوتے دیکھا ‘ گورنر پنجاب ’’نوائے وقت ‘‘ ہیڈ آفس کا دورہ
اشاعت کی تاریخ: 16th, May 2025 GMT
لاہور (ندیم بسرا) بھارت کو شکست فاش دینے میں فوج کا پچیس کروڑ عوام نے ساتھ دیا۔ قوم پاک فوج کے بہادر سپوتوں کو سلام پیش کرتی ہے۔ جھوٹ کا لبادہ اوڑھنے والے گجرات کے قصاب مودی کو دنیا نے رسوا ہوتے دیکھا۔ چین، ایران، ترکیہ اور آذربائیجان سمیت دوست ممالک کا شکریہ۔ کشمیر پاکستان کی شہ رگ ہے۔ اگر امریکہ کشمیر کا مسئلہ حل کر کے اسرائیل کو تسلیم کرنے کی بات کرے گا تو قوم اس کو نہیں مانے گی۔ پنجاب کو ایک بار پھر پیپلز پارٹی کا گڑھ بنائیں گے۔ بلاول بھٹو اور آصفہ بھٹو زرداری پنجاب کا محاذ سنبھالنے کو تیار ہیں۔ شہیدوں کی وارث جماعت پیپلز پارٹی کے کارکن بلاول بھٹو کو وزیراعظم پاکستان بنائیں گے۔ ان خیالات کا اظہار گورنر پنجاب سردار سلیم حیدر خان نے نوائے وقت گروپ کے ہیڈ آفس کے دورے پر کیا۔ سردار سلیم حیدر خان نے اس موقع پر کہا کہ پاکستان نے بھارت کو اس کے گھر پر شکست دی۔ اس پر قوم کو مبارکباد پیش کرتے ہیں۔ جس طرح آرمی چیف سید عاصم منیر سمیت پاک فضائیہ کے سربراہ ظہیر احمد سدھو، پاک نیوی کے سربراہ اور جوانوں نے اس جنگ کے محاذ کو سنبھالا اور دشمن کو عبرتناک شکست دی وہ تاریخ میں یاد رکھا جائے گا۔ اور سیاسی قیادت کے اعتماد کے ساتھ خصوصاً بلاول بھٹو زرداری نے عالمی سطح پر سفارتی محاذوں پر قوم کا حوصلہ بلند رکھا اور تمام عالمی ذرائع ابلاغ کو پاکستان کے مثبت تاثر کو اجاگر کیا، یہ واقعی قابل ستائش ہے۔ اس جنگ میں پچیس کروڑ عوام خود ہتھیار لیکر بھارت کو شکست دینے کا جذبہ رکھتے تھے۔ چین نے ہمیں ٹیکنالوجی دی ہم اس کے شکر گزار ہیں مگر ہم نے اس کو ٹیسٹ کرکے چین کے دل بھی جیتے ہیںاور ان کا سر بھی فخر سے بلند کیا اور اس جنگ میں جن دوست ممالک نے ساتھ دیا وہ بھی قابل ستائش ہیں۔ ایک سوال کے جواب میں انہوں نے کہا کہ امریکہ کشمیر پر ثالثی کرانے کو تیار ہے اور اگر کشمیر کا مسئلہ حل ہونے کی شرط کے بدلے امریکہ اسرائیل کو تسلیم کرنے کی بات منوانے کی کوشش کرے تو قوم اس فیصلے کے خلاف اٹھ کھڑی ہوگی۔ کشمیر ہماری شہ رگ ہے، اس سے فائدہ اٹھانے کی کوئی غیر ملکی طاقت کوشش نہ کرے۔ پنجاب میں پیپلز پارٹی کی رونقیں بحال ہونے کو تیار ہیں۔ بلاول بھٹو اور آصفہ زرداری عنقریب ڈیرے گورنر ہائوس ڈالیںگے۔ دونوں نوجوان نسل کی نمائندگی کرنے والی قیادت پیپلز پارٹی کے پاس ہے۔ وہ دن دور نہیں جب مرکزی قیادت اپنے کارکنوں اور نوجوان نسل کے درمیان ہوں گے، اس کے لئے مکمل لائحہ عمل تیار کیا گیا ہے۔ پیپلزپارٹی کی مرکزی قیادت بلاول بھٹو اور آصفہ زرداری اپنی والدہ شہید بے نظیر بھٹو کی طرح اپنی لیڈرشپ، ورکرز اور نوجوان نسل کو جلدی ملنا شروع کریں گی اور یہی نوجوان نسل اور ورکرز شہیدوں کی وارث جماعت پیپلزپارٹی کو بلاول بھٹو کی صورت میں وزیراعظم پاکستان بنائیں گی۔ اس موقع پر نوائے وقت گروپ کے چیف آپریٹنگ آفیسر لیفٹیننٹ کرنل ریٹائرڈ سید احمد ندیم قادری نے نوائے وقت کے اس جنگ میں مثبت کردار کو اجاگر کیا۔ انہوں نے نوائے وقت اور پیپلز پارٹی کی پرانی رفاقت کو بھی بیان کیا اور کہا کہ نوائے وقت نے پیپلز پارٹی کی تمام تحریکوں میں مثبت رپورٹنگ کی ہے۔ اس موقع پر ایڈیٹوریل انچارج سعید آسی، ڈائریکٹر مارکیٹنگ بلال محمود، میگزین ایڈیٹر خالد بہزاد ہاشمی، مدیر ماہنامہ پھول شعیب مرزا، نمائندہ خصوصی خاور سندھو سمیت دیگر بھی موجود تھے۔
.ذریعہ: Nawaiwaqt
کلیدی لفظ: پیپلز پارٹی بلاول بھٹو نوجوان نسل نوائے وقت پارٹی کی
پڑھیں:
بھارت جنگ ہارا، کشمیر کیخلاف سازش بھی ناکام ہوگی، بلاول بھٹو
بھارت جنگ ہارا، کشمیر کیخلاف سازش بھی ناکام ہوگی، بلاول بھٹو WhatsAppFacebookTwitter 0 18 November, 2025 سب نیوز
مظفر آباد (سب نیوز)چیئرمین پیپلزپارٹی بلاول بھٹو زرداری کا کہنا ہے کہ بھارت سے جنگ جیت کر پاکستان کا مقام دنیا کے سامنے ہے۔
آزادکشمیر قانون ساز اسمبلی سے خطاب میں بلاول بھٹو نے کہا کہ مودی منہ چھپاتا پھر رہا ہے، بھارت کس سے بات کریگا، اب وہ جہاں بھی جاتا ہے لوگ یاد دلاتے ہیں آپ کے 7جہاز گرے تھے،بھارت جنگ بھی ہارا، کشمیر کے خلاف سازش بھی ناکام ہوگی،بند کمروں سے نہیں ،عوام میں بیٹھ کرحکومت چلائیں گے، ایک نہیں دو بار آزاد کشمیر میں ہمارا مینڈیٹ چوری کیاگیا ، 6ماہ کی حکومت پیپلزپارٹی کیلئے امتحان ہے ، دوبارہ واپس آئیں گے، ماضی میں کیے گئے فیصلوں سے کشمیر میں خلا پیدا کیا گیا۔
مظفر آباد میں تقریب سے خطاب کرتے ہوئے بلاول بھٹو نے کہا کہ جب آپ کا نمائندہ آپ کی نمائندگی نہیں کرسکتا تو عوام کو خود جدو جہد کرنا پڑتی ہے، کشمیرکے عوام جب سراپا احتجاج تھے تو فیصل راٹھور اس کوبھی دیکھ رہے تھے۔ انہوں نے کہا کہ اب مظفرآباد میں آپ کا نمائندہ فیصل راٹھور ہے، فیصل راٹھور نے عوام سے جو وعدے کیے وہ میرے پاس آپ کی امانت ہیں، ہم بند کمروں میں بیٹھ کر آزاد کشمیر کی حکومت نہیں چلائیں گے۔
چیئرمین پی پی کا کہنا تھا کہ پیپلزپارٹی کے مینڈیٹ پر ڈاکا ڈال کر عمران خان کو اقتدار دیاگیا تھا، میں خود انتخابات میں آپ کے پاس آیا تھا، آزاد کشمیر اورگلگت بلتستان نے مایوس نہیں کیا، جتنا سیاسی شعور کشمیر میں ہے اتنا کہیں نہیں ہے۔ بلاول بھٹو نے مزید کہا کہ بھارت سے جنگ کے بعد پاکستان کا اسٹینڈرڈ سب کے سامنے ہے، مودی دنیا سے منہ چھپارہا ہے، امریکا اور دیگر ممالک انہیں یاد دلائیں گے کہ 7جہاز گرے تھے، دنیا کا کوئی بھی فورم ہو بھارت وہاں سے بھاگ رہا ہے۔ان کا کہنا تھا کہ بھارت پاکستان اور کشمیر کے بھائی چارے کونقصان پہنچاتاہے، مودی سرکار کو بتانا چاہتا ہوں کہ آپ جنگیں بھی ہاریاور اب سازش بھی ہاروگے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرسپریم کورٹ کے گریڈ 21کے ریٹائرڈ افسر نذر عباس آئینی عدالت میں ایڈیشنل رجسٹرار جوڈیشل تعینات،نوٹیفکیشن سب نیوز پر سپریم کورٹ کے گریڈ 21کے ریٹائرڈ افسر نذر عباس آئینی عدالت میں ایڈیشنل رجسٹرار جوڈیشل تعینات،نوٹیفکیشن سب نیوز پر ستائیسویں آئینی ترمیم کے بعد سپریم جوڈیشل کونسل، جوڈیشل کمیشن اور پریکٹس اینڈ پروسیجر کمیٹی کی تشکیل نو پاکستان حقیقی اقتصادی روابط کیلئے پرعزم، پائیدار ترقی امن سے جڑی ہے: اسحاق ڈار امریکی سفارتخانے کے 3 رکنی وفد کی اڈیالہ جیل آمد ارے بھائی ہمارے پاس تو ویسے بھی اب کھونے کو کچھ نہیں بچا، جج سپریم کورٹ خیبر پختونخوا میں سکیورٹی فورسز کا بڑا آپریشن، بھارتی حمایت یافتہ 15 دہشتگرد ہلاکCopyright © 2025, All Rights Reserved
رابطہ کریں ہماری ٹیم
کراچی میں جاری ترقیاتی منصوبے پائیدار ترقی کیلئے اہم ہوں گے، شرجیل میمن