پاکستان علما کونسل کے زیر اہتمام ملک بھر میں ''یومِ تشکر'' منایا گیا ، پاکستانی قوم نے دشمن کی سازشوں کو ناکام بنا دیا،حافظ طاہر محمود اشرفی
اشاعت کی تاریخ: 16th, May 2025 GMT
لاہور (اُردو پوائنٹ اخبارتازہ ترین - اے پی پی۔ 16 مئی2025ء) پاکستان علما کونسل کے زیر اہتمام جمعہ کے روز ملک بھر میں ''یومِ تشکر''منایا گیا جس کا مقصد حالیہ معرکہ حق میں کامیابی پر اللہ تعالی کا شکر ادا کرنا اور پاک فوج کو خراج تحسین پیش کرنا تھا۔ اس موقع پر ملک کے تمام چھوٹے بڑے شہروں، قصبوں اور دیہاتوں میں علما، خطبا، ذاکرین اور واعظین نے خطبات اور بیانات کے ذریعے عوام کو وطن کے دفاع اور اتحادِ امت کی اہمیت سے آگاہ کیا۔
علمائے کرام نے اپنے خطبات میں پاکستان کی حالیہ کامیابی کو اللہ کی نصرت اور قوم کی یکجہتی کا نتیجہ قرار دیتے ہوئے کہا کہ یہ معرکہ صرف عسکری کامیابی نہیں بلکہ نظریاتی، اخلاقی اور قومی ہم آہنگی کی جیت بھی ہے۔ اس موقع پر پاک فوج کی قربانیوں اور پیشہ ورانہ مہارت کو بھرپور خراجِ تحسین پیش کیا گیا۔(جاری ہے)
علما نے کہا کہ پاکستانی قوم خصوصا مذہبی طبقات ہر آزمائش میں افواج پاکستان کے ساتھ کھڑے رہے ہیں اور آئندہ بھی وطن عزیز کے دفاع اور سلامتی کے لیے ہر قسم کی قربانی دینے کو تیار ہیں۔
پاکستان علما کونسل کے چیئرمین حافظ محمد طاہر محمود اشرفی نے خطبہ جمعہ میں کہا کہ ہم اپنے ان غیر مسلم ہم وطنوں کا بھی شکریہ ادا کرتے ہیں جنہوں نے مشکل وقت میں اپنے مسلمان بھائیوں کے ساتھ کندھے سے کندھا ملا کر وطن عزیز کے دفاع کا حق ادا کیا ہے، یہ پاکستان کی وہ خوبصورت تصویر ہے جس میں ہر مذہب اور ہر طبقے کے لوگ قومی سلامتی کے لیے متحد ہیں۔انہوں نے مزید کہا کہ دشمن چاہتا تھا کہ پاکستان میں فرقہ واریت، مذہبی منافرت اور تقسیم کو ہوا دے لیکن الحمدللہ پاکستانی قوم نے اتحاد و اتفاق سے دشمن کی سازشوں کو ناکام بنا دیا ۔ علما و مشائخ نے لوگوں کو پیغام دیا کہ وہ سوشل میڈیا اور دیگر ذرائع ابلاغ پر موجود گمراہ کن پراپیگنڈے سے ہوشیار رہیں اور صرف معتبر ذرائع سے معلومات حاصل کریں۔اس موقع پر خطبا اور علما نے بھارت میں ترکیہ، بنگلہ دیش اور آذربائیجان جیسے برادر اسلامی ممالک کے خلاف جاری منفی مہم کی بھی شدید مذمت کی۔ انہوں نے کہا کہ پاکستان ان ممالک کو اپنے بھائیوں کی طرح سمجھتا ہے اور ہر مشکل وقت میں ان کے ساتھ کھڑا ہے۔ علما نے کہا کہ دنیا کو چاہیے کہ وہ ان ممالک کے خلاف ہونے والی سازشوں کا نوٹس لے اور بین الاقوامی سطح پر انصاف کی بات کرے۔پاکستان علما کونسل کی جانب سے اس بات پر زور دیا گیا کہ پاکستان ایک پرامن ملک ہے جو اپنے تمام ہمسایہ ممالک کے ساتھ پرامن تعلقات کا خواہاں ہے لیکن اگر کسی نے اس کی سالمیت کو چیلنج کیا تو پوری قوم پاک فوج کے ساتھ مل کر اس کا بھرپور جواب دے گی۔.ذریعہ: UrduPoint
کلیدی لفظ: تلاش کیجئے پاکستان علما کونسل کہ پاکستان کے ساتھ کہا کہ
پڑھیں:
5 گنا بڑے دشمن کو شکست دینے کےبعد آج ہم حقیقی یوم آزادی منا رہے ہیں بیرسٹر گوہر
یوم آزادی پر پیغام میں چئیرمین پی ٹی آئی نے کہا کہ یہ ملک ایک مقصد کے لیے بنا تھا کہ یہاں اللہ کا قانون نافذ ہوگا، آئین کی سربلندی ہوگی اور ہم نے آزادی لی کہ ایوان بالادست ہوگا، عوام کی آواز سنی جائے گی۔ اسلام ٹائمز۔ چیئرمین پاکستان تحریک انصاف بیرسٹر گوہر نے یوم آزادی پر اپنے پیغام میں کہا کہ ہم اپنے سے 5گنا بڑے دشمن کو شکست دینے کے بعد حقیقی یوم آزادی منا رہے ہیں۔ یوم آزادی پر پیغام میں بیرسٹر گوہر نے کہا کہ یہ ملک ایک مقصد کے لیے بنا تھا کہ یہاں اللہ کا قانون نافذ ہوگا، آئین کی سربلندی ہوگی اور ہم نے آزادی لی کہ ایوان بالادست ہوگا، عوام کی آواز سنی جائے گی۔ چیئرمین پی ٹی آئی نے کہا کہ یہ ملک اس لیے بنا تھا کہ یہاں عوام کی آواز کی قدر ہوگی، ہم عوام کی بہتری کے لیے کوشاں رہیں گے اور پاکستان کو بہتر سے بہترین بنایا جائے گا۔ بیرسٹر گوہر نے مزید کہا کہ ہم اپنے سے 5 گنا بڑے دشمن کو شکست دینے کے بعد ایک حقیقی یوم آزادی منا رہے ہیں۔
رجنی کانت کو فلمی دنیا میں 50 برس مکمل، مداح نے 5 ہزار سے زائد تصاویر سے مندر سجا دیا