جھنگ، سید ظل حسین کاظمی شیعہ علماء کونسل تحصیل احمد پور سیال کے صدر منتخب
اشاعت کی تاریخ: 17th, November 2025 GMT
تحصیل صدارت کے لئے علامہ غلام عباس مقدسی اور سید ظل حسین کاظمی کے درمیان مقابلہ ہوا، 60 ووٹر میں سے47 نے خفیہ بیلٹ پیپر کے ذریعے حق رائے دہی استعمال کیا، نتائج کے مطابق ظل حسین کاظمی تحصیل صدر شیعہ علما کونسل منتخب ہوگئے۔ اسلام ٹائمز۔ شیعہ علماء کونسل تحصیل احمد پور سیال کے الیکشن امام بارگاہ خیمہ سادات گڑھ مہاراجہ میں منعقدہوئے، جس کی صدارت صوبائی صدر شیعہ علما کونسل وسطی پنجاب سید ساجد علی نقوی نے کی، دو امیدواران علامہ غلام عباس مقدسی اور سید ظل حسین کاظمی کے درمیان مقابلہ ہوا۔ 60 ووٹر میں سے 47 نے خفیہ بیلٹ پیپر کے ذریعے حق رائے دہی استعمال کیا۔ نتائج کے مطابق ظل حسین کاظمی تحصیل احمد پور سیال صدر شیعہ علما کونسل منتخب ہوگئے۔ انہوں نے اپنے خطاب میں کہا کہ میں پوری تحصیل کے یونٹ صدور اور سیکرٹریز کا مشکور ہوں جنہوں نے مجھے کامیاب کروانے میں کردار ادا کیا۔ نومنتخب تحصیل صدر سے صوبائی صدر شیعہ علما کونسل وسطی پنجاب سید ساجد علی نقوی نے حلف لیا۔ انتخابات انتہائی پرامن طریقے سے ہوے جس کی نگرانی حاجی صفدر گوندل، سید توقیر افضل نقوی، ملک سفیر حسین ایڈووکیٹ نے کی۔
.ذریعہ: Islam Times
کلیدی لفظ: صدر شیعہ علما کونسل ظل حسین کاظمی
پڑھیں:
علامہ حسن رضا ہمدانی کی علامہ قاضی نادر حسین علوی سے ملاقات، علماء ونگ کے صوبائی صدر بننے پر مبارکباد
علامہ حسن رضا ہمدانی نے کہا کہ علامہ قاضی نادر حسین علوی کی قیادت میں جنوبی پنجاب کے علماء متحرک ہیں، قیادت کی جانب سے اور ورکر ز کی جانب سے ان پر اعتماد قابل تحسین ہے۔ اسلام ٹائمز۔ مجلس وحدت مسلمین کے مرکزی رہنما علامہ حسن رضا ہمدانی نے جامعہ شہید مطہری ملتان میں علامہ قاضی نادر حسین علوی سے ملاقات کی اور اُنہیں مجلس علمائے مکتب اہلیبیت جنوبی پنجاب کے صوبائی صدر بننے پر مبارکباد دی، اس موقع پر مولانا مجاہد عباس جعفری، سید جواد رضا جعفری، ثقلین نقوی، زوہیب حسن، مولانا غلام جعفر انصاری موجود تھے۔ علامہ حسن رضا ہمدانی نے کہا کہ علامہ قاضی نادر حسین علوی کی قیادت میں جنوبی پنجاب کے علماء متحرک ہیں، قیادت کی جانب سے اور ورکرز کی جانب سے ان پر اعتماد قابل تحسین ہے۔
نابینا افراد کے مطالبات پر سیکرٹری سوشل ویلفیئر کا موقف