فاطمہ بھٹو کے ہاں دوسرے بیٹے کی پیدائش، نام بھی بتادیا
اشاعت کی تاریخ: 16th, May 2025 GMT
— فائل فوٹو
پاکستان کے سابق وزیراعظم اور پاکستان پیپلز پارٹی (پی پی پی) کے بانی ذوالفقار علی بھٹو کی پوتی فاطمہ بھٹو کے ہاں دوسرے بیٹے کی پیدائش ہوئی ہے۔
انہوں نے سوشل میڈیا پلیٹ فارم انسٹاگرام اور ایکس پر پوسٹ شیئر کرتے ہوئے اپنے دوسرے بیٹے کی پیدائش کا اعلان کیا۔
انہوں نے بتایا کہ ننھے مہمان کا نام ’کیسپین مصطفیٰ بائرہ‘ رکھا گیا ہے۔ اس کے ساتھ ہی انہوں نےاپنے والد کو یاد کرتے ہوئے اس خوشی کے موقع پر اپنے جذبات کا اظہار کیا۔
انہوں نے لکھا کہ گراھم اور میں اپنے بیٹے کیسپین مصطفیٰ کی آمد پر خدا کے بہت شکر گزار ہیں، اس موقع پر والد مرحوم میر مرتضیٰ بھٹو کی کمی محسوس ہو رہی ہے۔
سابق وزیر اعظم و پیپلز پارٹی کے بانی ذوالفقار علی بھٹو کی پوتی، میر مرتضیٰ بھٹو کی بیٹی اور معروف مصنفہ فاطمہ بھٹو کے یہاں بیٹے کی پیدائش ہوگئی۔
فاطمہ بھٹو کے مطابق والدین بننے کا احساس منفرد اور حیرت کا باعث ہے۔ میں اپنے ڈاکٹروں اور ان کی ٹیم کی مقروض ہوں جنہوں نے ہمارا خیال رکھا۔
جونیئر ذوالفقار علی بھٹو کا بھانجے کی پیدائش پر ردعمل:
اس سے قبل ذوالفقار علی بھٹو جونیئر نے بھی بہن فاطمہ بھٹو کے دوسرے بیٹے کی اطلاع بذریعہ سوشل میڈیا دیتے ہوئے ننھے بھانجے کو اس دنیا میں خوش آمدید کیا۔
انہوں نے سماجی رابطے کی ویب سائٹ ایکس پر پوسٹ شیئر کرتے ہوئے اس پُرمسرت موقع پر اپنے جذبات کا اظہار بھی کیا۔
ذوالفقار علی بھٹو جونیئر نے لکھا کہ مجھے اپنے بھانجے کیسپین مصطفیٰ بائرہ کی آمد کا اعلان کرتے ہوئے خوشی ہو رہی ہے۔
انہوں نے مزید لکھا، "کیسپین اپنے ساتھ اپنے بھائی کی طرح اپنے دادا میر مرتضیٰ بھٹو کی میراث لے کر آگے بڑھے گا، جن کی ہمیں بہت یاد آتی ہے۔ پیارے کیسپین کو اس کے مامو ذوالفقار کی جانب سے خوش آمدید۔"
.
ذریعہ
ذریعہ: Jang News
کلیدی لفظ: ذوالفقار علی بھٹو بیٹے کی پیدائش فاطمہ بھٹو کے دوسرے بیٹے کی کرتے ہوئے انہوں نے بھٹو کی
پڑھیں:
دوسرا ون ڈے: آسٹریلیا کی پاکستان کے خلاف بیٹنگ جاری
پاکستان نے آسٹریلیا کے خلاف 3 ایک روزہ میچوں پر مشتمل سیریز کے دوسرے میچ میں بھی ٹاس جیت کر پہلے فیلڈنگ کا فیصلہ کرلیا، جس کے بعد مہمان ٹیم کی بیٹنگ جاری ہے۔
لاہور کے قذافی اسٹیڈیم میں پاکستان اور آسٹریلیا کے درمیان جاری 3 ایک روزہ میچوں کی سیریز کے دوسرے میچ میں قومی ٹیم نے ایک بار پھر ٹاس اپنے نام کرلیا۔
پاکستان نے ٹاس جیت کر پہلے فیلڈنگ کا فیصلہ کیا۔ دوسرے ون ڈے کے لیے ٹیم میں کوئی تبدیلی نہیں کی گئی۔ pic.twitter.com/YEk2H1aXuB
— Zeeshu Bhatti (@zeeshu_bhatti) June 2, 2026
پاکستانی کپتان شاہین شاہ آفریدی نے ٹاس جیتنے کے بعد پہلے فیلڈنگ کا فیصلہ کرتے ہوئے آسٹریلوی ٹیم کو بیٹنگ کی دعوت دی۔
ٹاس کے موقع پر گفتگو کرتے ہوئے شاہین آفریدی نے کہاکہ پہلے ون ڈے میں کامیابی حاصل کرنے والی قومی ٹیم میں کوئی تبدیلی نہیں کی گئی اور اسی کمبی نیشن کو برقرار رکھا گیا ہے۔
واضح رہے کہ سیریز کے ابتدائی ایک روزہ میچ میں پاکستان نے آسٹریلیا کو 5 وکٹوں سے شکست دے کر 3 میچوں کی سیریز میں 0-1 کی برتری حاصل کر رکھی ہے۔
دوسرے میچ میں قومی ٹیم کی کوشش ہوگی کہ کامیابی حاصل کرکے سیریز اپنے نام کرے، جبکہ آسٹریلیا سیریز میں واپسی کے لیے میدان میں اترا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آسٹریلیا ایک روزہ سیریز پاکستان ون ڈے میچ وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ