شاہینوں نے 6 بھارتی طیارے گرا کر پیشہ وارانہ مہارت کی نئی تاریخ رقم کی، شیخ وقاص اکرم
اشاعت کی تاریخ: 16th, May 2025 GMT
پاکستان تحریک انصاف کے مرکزی سیکرٹری اطلاعات شیخ وقاص اکرم نے کہا ہے کہ آج کا یوم تشکر قومی غیرت، دفاع اور آئین کی بالادستی کا دن ہے۔ پاکستان نے دشمن کو تاریخی جواب دیا، قوم کو فخر ہے۔ انہوں نے پاک فضائیہ کو خراجِ تحسین پیش کرتے ہوئے کہا کہ پاک شاہینوں نے 6 بھارتی طیارے گرا کر پیشہ وارانہ مہارت کی نئی تاریخ رقم کی۔ دنیا نے پاکستان کی دفاعی صلاحیت کا اعتراف کیا۔
شیخ وقاص اکرم نے کہا کہ خان صاحب نے جیل میں رہ کر بھی مودی کو للکارا۔ جے-10C طیاروں کی شمولیت خان صاحب کی دوراندیشی کا ثبوت ہے۔ خان صاحب کے دور میں دفاع مضبوط اور طاقت کا توازن قائم ہوا۔
انہوں نے کہا کہ جنگی حالات میں سب سے زیادہ سوشل میڈیا سرگرمی پی ٹی آئی کے اکاؤنٹس سے ہوئی۔ جنہیں فسطائی حکومت ’انتشاری‘ کہتی تھی، وہ وطن سے ان حکمرانوں سے زیادہ محبت کرتے ہیں۔ ان حکمرانوں نے اپنے کاروباری مفادات کی خاطر مودی کے خلاف زبان نہیں کھولی۔
پی ٹی آئی کے مرکزی سیکرٹری اطلاعات نے کہا کہ ہزاروں سیاسی کارکن آج بھی قید ہیں۔ جمہوری آواز بلند کرنے والے کارکن جیلوں میں کیوں؟ اس قوم کی سلامتی کے لیے سیاسی حالات بھی ٹھیک کرنا ہوں گے۔ جب تک سیاسی انتقام بند نہ ہو ، قومی یکجہتی ممکن نہیں۔ بانی چیئرمین کے بیٹوں کو اُن سے بات کرنے کی اجازت نہیں دی جا رہی۔ آج بانی چیئرمین کے بچوں کو اپنے والد کی خاطر بولنا پڑا۔ سیاسی سیز فائر صرف اسی وقت ممکن ہے جب یہ ظلم بند کیا جائے۔
انہوں نے کہا کہ اعلیٰ عدلیہ سے سوال ہے، آپ کی ناک کے نیچے ماتحت عدالتوں میں یہ سب کچھ ہو رہا ہے۔ چیف جسٹس اس میں کیا کردار ادا کریں گے؟ اب ہماری نظریں اُن پر ہیں۔
’9 مئی میں کوئی ثبوت نہ ملا تو بانی چیئرمین کو پولی گراف ٹیسٹ کا سامنا ہوگا، ہم اس پولی گراف ٹیسٹ کو ہر فورم پر چیلنج کریں گے۔ بانی چیئرمین اس قسم کے ٹیسٹوں سے نہیں ٹوٹیں گے۔ اس طرح کے فیصلے عدلیہ کی نیک نامی کا سبب نہیں بنیں گے۔‘
انہوں نے کہا کہ وطن کے دفاع اور جمہوریت کی بحالی تک جدوجہد جاری رہے گی۔ ہمارا آئندہ کا لائحہ عمل طے ہو چکا ہے، جلد اعلان کیا جائے گا۔ بانی پی ٹی آئی کی رہائی کے لیے بہت جلد تحریک کی کال دیں گے۔ اپنے وقت اور حالات کے مطابق تحریک کا اعلان کریں گے۔
شیخ وقاص اکرم نے بتایا کہ بانی پی ٹی آئی ایک گرینڈ اپوزیشن اتحاد چاہتے تھے۔ گرینڈ الائنس کے لیے جے یو آئی ف کو ڈی آئی خان میں نشستیں دینے پر بھی راضی تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: شیخ وقاص اکرم بانی چیئرمین نے کہا کہ انہوں نے کے لیے
پڑھیں:
وفاق یا پنجاب حکومت سے سیلاب متاثرین کیلئے مدد نہیں ملی، ترجمان خیبر پختونخوا حکومت
فراز مغل، فائل فوٹو۔خیبر پختونخوا حکومت کے ترجمان فراز مغل نے کہا ہے کہ وفاقی حکومت صرف سیاسی بیانات تک محدود ہے۔
جیو نیوز کے پروگرام ’نیاپاکستان‘ میں گفتگو کے دوران ترجمان صوبائی حکومت نے کہا کہ وفاق یا پنجاب حکومت سے سیلاب متاثرین کےلیے مدد نہیں ملی ہے۔
نیشنل ڈیزاسٹر مینجمنٹ اتھارٹی (این ڈی ایم اے) نے وزیراعظم شہباز شریف کی ہدایت پر پہاڑی علاقوں میں سیاحت محدود کرنے کی ایڈوائزری جاری کر دی۔
انہوں نے کہا کہ بونیر کے سیلاب زدہ علاقوں میں 5 ہزار سے زائد افراد کو ریسکیو کیا گیا، پیر بابا میں کلاؤڈ برسٹ سے تباہی ہوئی ہے، 200 افراد اب تک لاپتہ ہیں۔
فراز مغل نے مزید کہا کہ وفاقی حکومت صرف سیاسی بیانات تک محدود ہے، قومی سانحہ ہے وزیراعظم شہباز شریف کو بونیر کے لیے سامان بھجوانا چاہیے تھا۔
اُن کا کہنا تھا کہ بونیر میں سیلاب زدہ علاقوں میں کے پی حکومت کام کررہی ہے، خیبر پختونخوا بھر میں درخت لگا رہے ہیں، تمام ڈسٹرکٹ ہیڈ کوارٹرز اور نہروں میں ارلی وارننگ سسٹم موجود ہے۔
آوازا کانفرنس: خشکی میں گھرے ممالک کا نیا ماحولیاتی اتحاد بنانے پر اتفاق