22 اپریل کو بھارت کی آبی جارحیت پر بھی پی ٹی آئی والے بہ مشکل کچھ بولے نہ انھوں نے دیگر پارٹیوں کی طرح فوج سے ہم آہنگی دکھائی نہ حمایت میں نظر آئی۔ دس مئی کو پاک فوج کے سربراہوں کی مشترکہ حکمت عملی سے شان دار کامیابی حاصل ہوئی کیونکہ 6 مئی سے بھارت نے پاکستان میں جو دراندازی کی اس کے جواب میں تینوں افواج نے مشترکہ طور پر کہا تھا کہ ہم بدلہ ضرور لیں گے اور بھارتی جارحیت کا منہ توڑ جواب دیا جائے گا جو دس مئی کو دیا گیا۔
چار روزہ بھارتی جارحیت پر تینوں افواج کے سربراہ آپس میں مل کر بیٹھے رہے اور آپریشن بنیان مرصوص کے نتیجے میں پاک فوج نے ایک تاریخ ساز فتح حاصل کی مگر یہاں بھی پی ٹی آئی نے تقسیم پیدا کرنے کا نیا بیانیہ اختیار کیا ۔ یہ کامیاب عسکری آپریشن فوج کا متفقہ فیصلہ تھا جو کامیاب ثابت ہوا ۔
پاکستان کی مسلح افواج بری، بحری اور فضائیہ پر مشتمل ہے اور تینوں افواج کے اوپر چیئرمین جوائنٹ اسٹاف کمیٹی بھی ہیں جن کا تعلق بری افواج سے ہے اور ضرورت پر یہ چاروں فوجی سربراہ پاک فوج کے فیصلے کرتے ہیں۔ تینوں افواج کے فیصلے متفقہ اور قومی مفاد میں ہوتے ہیں اور باہمی مشاورت تینوں کا اصول رہا ہے۔
آئی ایس پی آر کے مطابق معرکہ حق کے دوران بھارتی حملوں میں گیارہ جوان شہید ہوئے جن میں آرمی کے 6 اور اسکواڈرن لیڈر عثمان سمیت فضائیہ کے پانچ اہلکار شہید اور شہریوں پر بھارتی جارحیت کا جواب دیتے ہوئے ہمارے 78 اہلکار بھی زخمی ہوئے۔حکومت پاکستان نے بھارتی جارحیت کے موثر جواب دینے کے لیے پاک فوج کو مکمل اختیار دے دیا تھا اور یہ موقعہ سیاسی رہنماؤں کی اے پی سی بلانے کا نہیں تھا۔
تینوں افواج کے سربراہوں نے آپریشن بنیان مرصوص کا فیصلہ کیا تھا جو کامیاب رہا اور پاک فوج نے ملک میں ہی نہیں بلکہ دنیا بھر میں اپنی عسکری صلاحیت کا لوہا منوا لیا اور دنیا بھر میں پاک فوج کی شان دار کارکردگی کو سراہا جا رہا ہے اور اندرون ملک بھی ہر چھوٹے بڑے شہر میں پاک فوج کی کامیابی پر جشن منایا گیا اور نجی اداروں نے بھی پاک فوج کو ان کی شان دار کارکردگی پر خراج تحسین پیش کیا۔
پاک فوج کی شان دار کامیابی کو متنازع بنانے میں پہلے بعض پی ٹی آئی رہنماؤں نے مختلف بیانات دیے، بعض نے زبان بند رکھی کہ کامیابی کو پاک فوج سے منسوب کرنے پر بانی جیل میں ناراض نہ ہو جائے۔ پی ٹی آئی کے مختلف رہنماؤں نے ٹی وی ٹاک شوز میں بھی محتاط رویہ اختیار رکھا کہ کہیں ان سے آرمی چیف یا پاک فوج کی حمایت میں کوئی لفظ نہ نکل جائے۔ بعض نے منہ سے پاک فوج کے بجائے پاک فضائیہ کو کامیابی کا کریڈٹ دینے کی کوشش کی۔
پاک فوج کی کامیابی پر جیل میں قید پی ٹی آئی کے وائس چیئرمین شاہ محمود قریشی نے بھی ہرزہ سرائی کی کہ سیاسی جنگ بندی کی جائے اور سنجیدہ قومی ڈائیلاگ کیے جائیں۔ پی ٹی آئی کے موجودہ چیئرمین بیرسٹر گوہر نے بھی اس موقع پر انتہائی غیر ذمے دارانہ بیان دیا کہ بھارت سے سیز فائر ہو سکتا ہے تو پی ٹی آئی کے ساتھ بھی سیز فائر ہونا چاہیے۔
بیرسٹر گوہر نے بھی یہ ظاہر کیا کہ پی ٹی آئی کے ساتھ بھی ایسی ہی دشمنی چل رہی ہے جیسی بھارت اور پاکستان کے درمیان عشروں سے چلی آ رہی ہے اور دونوں ملکوں میں جنگیں بھی ہو چکی ہیں جب کہ پی ٹی آئی ملک کی ایک سیاسی جماعت ہے پاکستان کی بھارت کی طرح دشمن نہیں ہے کہ اس کے ساتھ سیز فائر ہو۔ سیز فائر دونوں ملکوں کی فوج نے کیا ہے بلکہ امریکی صدر نے بھارت کی درخواست پر کرایا ہے۔
پی ٹی آئیکو سیاسی ڈائیلاگ حکومت سے کرنے ہیں اور حکومت کی پیشکش پر یہ ڈائیلاگ پی ٹی آئی نے قومی اسمبلی اسپیکر کی قیادت میں کیے بھی اور پھر خود ہی مذاکرات سے انکار کر دیا کیونکہ اس کا مقصد فوج سے مذاکرات ہیں مگر فوج سے آئینی طور مذاکرات ہو نہیں سکتے۔
پی ٹی آئی نے ہر طرف سے اپنے بانی کی رہائی کے لیے لانگ مارچ و دھرنوں میں ناکامی کے بعد نیا شرانگیز بیانیہ بنا کر دنیا کو یہ دکھانے کی کوشش کی ہے کہ پی ٹی آئی کو دشمن کی طرح ڈیل کیا جا رہا ہے اس لیے سیز فائر کرکے سیاسی ڈائیلاگ کیے جائیں۔ پی ٹی آئی سے کسی کو کوئی دشمنی نہیں بلکہ پی ٹی آئی والوں کی موجودہ حکومتی جماعتوں سے سیاسی دشمنی ہے مگر وہ حکومت کو مانتی نہیں اور نہ ہی حکومت اس کے بانی کو رہا کر سکتی ہے اور بانی عدالت سے سزا یافتہ مجرم ہے۔
.ذریعہ: Express News
کلیدی لفظ: تینوں افواج کے بھارتی جارحیت کہ پی ٹی آئی پی ٹی آئی کے پاک فوج کی سیز فائر نے بھی ہے اور فوج سے
پڑھیں:
معرکہ حق میں تاریخی فتح پر ملک بھر میں یوم تشکر، افواجِ پاکستان کو خراج تحسین
لاہور، اسلام آباد، کراچی ( ڈیلی پاکستان آن لائن )”معرکہ حق“ میں تاریخی فتح پر ملک بھر میں آج یوم تشکر مناتے ہوئے افواج پاکستان اور پاکستانی عوام کو زبردست الفاظ میں خراج تحسین پیش کیا جا رہا ہے۔
نجی ٹی وی دنیا نیوز کے مطابق یوم تشکر پر ملک بھر میں دن کا آغاز مساجد میں قرآن خوانی اور خصوصی دعاوں سے ہوا، وفاقی دارالحکومت میں 31 اور صوبائی دارالحکومتوں میں21،21 توپوں کی سلامی دی گئی۔پاک آرمی کے چاق وچوبند دستے نے نعرہ تکبیر اللہ اکبر کے فلک شگاف نعرے لگائے ، فوجی جوانوں نے پاکستان کی سلامتی اور بقا کیلئے خصوصی دعائیں کیں۔ملک بھر میں یوم تشکر کے حوالے سے تقریبات کا سلسلہ جاری ہے، وزیراعظم شہباز شریف نے وزیراعظم ہاوس میں پرچم کشائی کی۔
اس موقع پر وزیراعظم کا کہنا تھا کہ بھارت کی کھلی جارحیت اور اشتعال انگیزی کے خلاف پاکستان کی شاندار کامیابی اور فتح پر اللہ تعالیٰ کا شکر بجا لانے کے لئے ملک بھر میں یوم تشکر منایا جا رہا ہے۔
انہوں نے کہا کہ 6 اور 7 مئی کی درمیانی شب بھارت نے بزدلی کا مظاہرہ کرتے ہوئے پاکستان پر حملہ کر دیا جس کے نتیجے میں معصوم اور بے گناہ پاکستانی شہری شہید ہوئے اور ہمیں ان بے گناہ شہریوں کی خاطر جوابی کارروائی کرنے پر مجبور کر دیا۔
وزیراعظم کا کہنا تھا کہ پاکستان ایک پر امن ملک ہے لیکن ہم اپنے دفاع میں بھرپور جوابی کارروائی کا حق محفوظ رکھتے ہیں،پاکستان کی بہادر اور پیشہ ورانہ مسلح افواج نے دشمن کو اسی کی زبان میں موثر اور بھرپور جواب دے کر عسکری تاریخ کا سنہرا باب رقم کیا ہے۔
مزار قائد پر یوم تشکر کے حوالے سے پروقار تقریب کا انعقاد کیا گیا جس میں کور کمانڈر کراچی لیفٹیننٹ جنرل اویس دستگیر نے مزار قائد پر حاضری دی، بابائے قوم کے مزار پر پھولوں کی چادر چڑھائی اور فاتحہ خوانی کی۔کور کمانڈر کراچی لیفٹیننٹ جنرل اویس دستگیر نے مہمانوں کی کتاب میں اپنے تاثرات بھی قلم بند کئے۔
دوسری جانب لاہور میں مزار اقبال پر یوم تشکر کے حوالے سے پروقار تقریب کا انعقاد کیا گیا، گورنر پنجاب سردار سلیم حیدر نے مزار اقبال پر حاضری دی، پھول رکھے اور فاتحہ خوانی کی، مولانا عبدالخبیر آزاد نے دعا کرائی۔وزیراعلیٰ سندھ مراد علی شاہ نے سندھ سیکرٹریٹ میں پرچم کشائی کی ،گورنر خیبرپختونخوا فیصل کریم کنڈی نے یوم تشکر پر گورنر ہاوس پشاور میں پرچم لہرایا۔اس موقع پر ان کا کہنا تھا کہ بھارت ہماری خاموشی کو کمزوری سمجھ رہا تھا، بھارتی جارحیت میں ہمارے معصوم بچے اور نہتے شہری شہید ہوئے، شہدا کی وطن کیلئے قربانی کبھی رائیگاں نہیں جائیں گی۔فیصل کریم کنڈی نے کہا کہ پاکستان نے بھارت کو جواب دیا تو پوری دنیا کو بتایا، افواج پاکستان نے ثابت کیا کہ ہمیں اپنی سرحدوں کی حفاظت کرنی ا?تی ہے، پاکستان محفوظ ہاتھوں میں ہے، ہندوستان بہت چیخ رہا تھا مگر اس کو موثر جواب دیا گیا، ہم پہلے دن سے کہہ رہے تھے ایٹمی طاقتوں کی لڑائی دنیا برداشت نہیں کر سکتی۔
گوجر خان میں کیپٹن محمد سرور شہید کی یادگار پر دعائیہ تقریب ہوئی، پاک فوج کے چاق و چوبند دستے نے سلامی دی۔میجر شبیر شریف شہید کے مزار پر بھی پھول رکھنے کی پروقار تقریب منعقد ہوئی، جس میں مزار پر پھول رکھے گئے اور پاک فوج کے جوانوں نے سلامی پیش کی، جہلم میں میجر محمد اکرم اور صوابی میں کیپٹن کرنل شیر خان شہید کے مزار پر بھی تقریب کا انعقاد کیا گیا۔
اس کے علاوہ آپریشن بنیان مرصوص کی کامیابی پر آزاد کشمیر بھر میں تقریبات منعقد کی جا رہی ہیں، تعلیمی اداروں میں افواج پاکستان کو خراج تحسین پیش کرنے کیلئے تقریبات جاری ہیں، پاک فوج زندہ باد، ہم پاکستانی ہیں پاکستان ہمارا ہے کے نعروں کی گونج ہے، اساتذہ نے بھی بھارت کو بھرپور جواب دینے پر نظمیں پیش کیں۔
یوم تشکر کی مرکزی تقریب پاکستان مونومنٹ اسلام آباد میں منعقد ہوگی، وزیراعظم تقریب کے مہمان خصوصی ہوں گے جبکہ مسلح افواج کے سربراہان، چیئرمین جوائنٹ چیفس آف سٹاف کمیٹی بھی تقریب کا حصہ ہوں گے۔
آج جب پوری قوم اپنے دفاع، اتحاداور استقامت کا جشن منا رہی ہے: سی او لیسکو
مزید :
دریاؤں اور آبی ذخائر میں پانی کی صورتحال ہے؟