پہلگام واقعے کے بعد بھارت کی بڑھتی سفارتی تنہائی
اشاعت کی تاریخ: 17th, May 2025 GMT
پہلگام واقعے کے بعد سے بھارت سفارتی تنہائی کا شکار ہو گیا۔ دنیا میں کسی بھی ملک نے اس کے بیانیے کو مانا نہ ہی اس کا ساتھ دیا۔ اگر دیکھا جائے تو اس واقعے کی آڑ میں بھارت نے پاکستان کے خلاف عالمی سطح پر ایک مقدمہ بنانے کی کوشش کی جو نہ صرف یہ کہ بری طرح سے ناکام ہوئی بلکہ یہ کوشش بھارت ہی کے لیے نقصان دہ ثابت ہو گئی۔
پاکستانی دفتر خارجہ کے ترجمان شفقت علی خان آج میڈیا کو بریفنگ دیتے ہوئے بتایا کہ بھارتی وزارت خارجہ کے ترجمان نے اپنے بیان میں کہا ہے کہ پہلگام واقعے کی تحقیقات جاری ہیں۔ بغیر تحقیقات آپ نے ایک ملک پر حملہ کر کے اس کی خودمختاری اور سالمیت کو چیلنج کیا ہے۔ پاکستان نے اقوام متحدہ چارٹر کی شق 51 کے تحت اس حملے کے خلاف اپنا حق دفاع استعمال کیا ہے۔
یہ بھی دیکھیے نریندر مودی نے پاکستان پر ایک بار پھر حملہ کرنے کی تیاری کرلی؟
اس حملے میں نہ صرف بھارت کو فوجی شکست سے دوچار ہونا پڑا بلکہ سفارتی لحاظ سے بھی یہ واقعہ بھارت کے لیے ایک انتہائی کمزور لمحہ ثابت ہوا۔
اب تک کیا کچھ ہوا ہے؟امریکی صدر ٹرمپ کی سیز فائر کوششوں کی وجہ سے مسئلہ کشمیر ایک بار پھر سے اجاگر ہو گیا۔ صدر ٹرمپ نے دونوں ملکوں کے درمیان ثالثی کی پیشکش بھی کی ہے جس کو پاکستان نے خوش آئند قرار دیا ہے۔
15 مئی ہی کو صدر ٹرمپ نے کہا کہ اگر سیز فائر نہیں ہوتا تو امریکا کے ساتھ تجارت رک جائے گی۔
15 مئی کو صدر ٹرمپ نے کہا کہ آئی فون بھارت میں نہ بنائے جائیں۔ یاد رہے کہ گزشتہ سال بھارت میں 22 ارب ڈالر کے آئی فون بنائے گئے تھے۔
چین، ترکیے، آذربائیجان نے پاک بھارت جنگ کے دوران کھل کر پاکستانی موقف کی حمایت کی جس پر بھارتی سخت ناراض نظر آتے ہیں۔
سفارتی انگیجمنٹ کے ساتھ کیا بھارت دنیا کو قائل کر پائے گا؟بھارت نے گزشتہ روز فیصلہ کیا ہے کہ وہ دنیا بھر کے ممالک کو سفارتی سطح پر انگیج کر کے اپنا مؤقف بتائے گا۔ بھارتی سفیر ونے کاٹرا کا کہنا تھا کہ پہلگام حملہ آوروں کو انصاف کے کٹہرے میں لانے کے لیے پوری کوشش کی جائے گی۔ لیکن کیا بھارتی مؤقف میں اتنی جان ہے اور کیا دنیا بھارت کے موقف سے قائل ہو جائے گی؟
آئیے! دیکھتے ہیں کہ اس موقع پر دنیا کے کن کن ممالک نے کیا موقف اختیار کیے ہیں؟
دنیا کی 3 بڑی طاقتوں امریکا، روس اور چین نے بھارت کو مشورہ دیا ہے کہ پاکستان کے ساتھ براہ راست مذاکرات کر کے اپنے مسائل حل کرے۔
یہ اس بات کا واضح اشارہ ہے کہ دنیا اس وقت بھارتی مؤقف کے ساتھ نہیں ہے۔ اس کے علاوہ بھارت کی مخالفت کے باوجود آئی ایم ایف نے جاری جنگ کے دوران ہی پاکستان کے لیے قرضے کی قسط جاری کی جو اس بات کا اشارہ ہے کہ کس طرح بھارت نے اپنا سفارتی اثرورسوخ کھویا ہے۔
سوئٹزرلینڈ کی پیشکشسوئٹزرلینڈ نے پاکستان کو پہلگام واقعے پر تحقیقات کے لیے مدد کی پیشکش کی ہے جو اس بات کا واضح اشارہ ہے کہ دنیا بھارتی غیر ذمے دارانہ رویے سے ناخوش ہے۔
تحقیقات کے بغیر الزام تراشی نے بھارت کا مقدمہ خراب کیا: ایمبیسیڈر وحید احمدپاکستان کے سابق سفارتکار ایمبیسیڈر وحید احمد نے وی نیوز سے خصوصی گفتگو کرتے ہوئے کہا کہ اس طرح کے واقعات میں روایت یہ ہوتی ہے کہ کسی بھی مُلک کا دفتر خارجہ دوسرے مُلکوں کے سفیروں کو بریفنگ دیتا ہے۔ بھارت نے یہ کیا کہ واقعے کے 5 منٹ کے اندر ہی پاکستان کو مورد الزام ٹھیرانا شروع کر دیا جسے کوئی مُلک تسلیم نہیں کر سکتا۔
یہ بھی پڑھیے ’برہموس میزائل ڈپو تباہ ہوگیا‘، بھارتی ادارے نے پاکستانی مؤقف کی تصدیق کردی
کسی بھی واقعے کی باقاعدہ تحقیقات ہوتی ہیں اور پھر اُن تحقیقات کے بعد کوئی الزام عائد کیا جاتا ہے۔ دنیا کے ممالک کسی بھی معاملے پر رائے دینے کے لیے اپنے سفراء کی رائے پر اعتبار کرتے ہیں۔ بھارت میں جو سفراء کو بریفنگ دی گئی اُس میں کوئی خاص چیز سامنے نہیں آ سکی اور پاکستانی دفتر خارجہ نے بھارت کی جانب سے اسی روّیے پر یہاں متعیّن سفراء کو بریفنگ دی۔ بھارت میں اُن کا میڈیا جنگی جنون پیدا کر رہا ہے۔
پاکستان کی سفارتکاری بہت کامیاب رہی؛ علی سرور نقویسینٹر فار انٹرنیشنل اسٹریٹجک سٹڈیز کے ایگزیکٹو ڈائریکٹر سابق سفارتکار علی سرور نقوی نے وی نیوز کے ساتھ گفتگو کرتے ہوئے کہا کہ پاکستان کی سفارتکاری بہت کامیاب رہی۔ ہمارے مؤقف کی درستگی کو دنیا بھر میں تسلیم کیا گیا اور بھارت پاکستان پر الزام عائد کرنے میں ناکام رہا۔ بھارت کی جانب سے کی جانے والی کوششیں ناکام ہو گئیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: پہلگام واقعے پاکستان کے نے پاکستان بھارت میں کو بریفنگ بھارت نے بھارت کی کسی بھی کے ساتھ کہا کہ کے لیے
پڑھیں:
پاکستان میں دہشتگردی کے پیچھے بھارت کا ہاتھ، ہمسایہ ملک وسائل فراہم کر رہا ہے: وزیراعظم
اسلام آباد(ڈیلی پاکستان آن لائن)وزیراعظم شہباز شریف نے کہا ہے کہ پاکستان میں دہشتگردی کے پیچھے بھارت کا ہاتھ ہے اور ہمسایہ ملک دہشتگرد عناصر کو وسائل فراہم کر رہا ہے، ملک میں دہشتگردی کا خاتمہ ہو چکا تھا، تاہم ایک منظم سازش کے تحت اسے دوبارہ فروغ دیا گیا۔
نجی ٹی وی چینل دنیا نیوز کے مطابق وزیراعظم نے بلوچستان نیشنل ورکشاپ کے شرکا سے خطاب کرتے ہوئے کہا کہ بلوچستان میں بسنے والے بلوچوں اور پشتونوں نے پاکستان کے قیام میں کلیدی کردار ادا کیا، جبکہ صوبے کی قیادت نے ہمیشہ ذاتی مفادات سے بالاتر ہو کر وفاق کی مضبوطی کے لیے کردار ادا کیا۔
اسلام آباد کچہری میں سموسے کیساتھ چٹنی نہ ملنے ویٹر اور پولیس اہلکار کے درمیان تلخ جملوں کا تبادلہ
انہوں نے کہا کہ بلوچستان کے مختلف علاقوں کے درمیان طویل فاصلے ہونے کے باعث ترقیاتی وسائل کی ضرورت نسبتاً زیادہ ہے، قومی مالیاتی کمیشن (این ایف سی) ایوارڈ میں پنجاب نے بلوچستان کے لیے بڑھ چڑھ کر حصہ ڈالا، جبکہ دیگر تینوں صوبوں نے بھی بلوچستان کا بھرپور ساتھ دیا، جو کسی احسان کے بجائے بھائی چارے کی مثال ہے۔
وزیراعظم نے بتایا کہ پنجاب نے این ایف سی ایوارڈ کے تحت بلوچستان کو 150 ارب روپے فراہم کیے، جبکہ نواز شریف کے دور حکومت میں بھی صوبے کے لیے بڑے ترقیاتی منصوبے اور وسائل مختص کیے گئے، پی ڈی ایم اور موجودہ حکومت نے بلوچستان کی ترقی کے لیے ریکارڈ فنڈز جاری کیے ہیں۔
تیسرے آپریشن کیلئے آنے والی خواتین کا مانع حمل کا آپریشن کیا جائےگا: وزیر صحت سندھ
شہباز شریف نے کہا کہ بلوچستان کے 27 ہزار ٹیوب ویلز کو شمسی توانائی پر منتقل کیا جا چکا ہے، جبکہ کسانوں کے لیے 75 ارب روپے کے منصوبے میں وفاق نے 50 ارب روپے کا حصہ ڈالا، کراچی سے چمن تک دورویہ شاہراہ کی تعمیر جاری ہے، جس پر 300 ارب روپے لاگت آئے گی اور منصوبہ آئندہ دو برس میں مکمل ہونے کی توقع ہے۔
وزیراعظم نے مستونگ حملے میں سیشن جج عبدالحکیم اور ایک اہلکار کی شہادت پر افسوس کا اظہار کرتے ہوئے کہا کہ بلوچستان کے عوام کی قربانیاں ہرگز رائیگاں نہیں جائیں گی، افواج پاکستان اور قانون نافذ کرنے والے ادارے ملک کے دفاع اور امن کے قیام کے لیے بھرپور کردار ادا کر رہے ہیں۔
افغان سرزمین سے دہشت گردی پاکستان کیلئے بڑا سکیورٹی چیلنج ہے: اسحاق ڈار
انہوں نے کہا کہ دہشتگردی کے خلاف جنگ میں 90 ہزار پاکستانی جانوں کا نذرانہ پیش کر چکے ہیں، 2018 میں دہشتگردی کا مکمل خاتمہ ہو چکا تھا، تاہم ایک منظم سازش کے تحت دہشتگردی دوبارہ سر اٹھا رہی ہے اور ان کارروائیوں میں بھارت کا کردار واضح ہے۔
وزیراعظم نے افغانستان سے مطالبہ کیا کہ وہ اپنی سرزمین پاکستان کے خلاف استعمال ہونے سے روکے، جبکہ افغان حکومت دہشتگرد عناصر کو روکنے میں مکمل طور پر ناکام رہی ہے۔
شہباز شریف نے کہا کہ پاکستان نے حالیہ عرصے میں اہم کامیابیاں حاصل کیں اور معرکۂ حق میں دشمن کو شکست فاش دی، خطے میں امن کے قیام کے لیے پاکستان کی مؤثر سفارتکاری کو عالمی سطح پر سراہا جا رہا ہے۔
پشاور ؛ پسند کی شادی کرنے والی لڑکی لڑکے کا قتل، مقدمہ درج
وزیراعظم نے فیلڈ مارشل اور نائب وزیراعظم کی خدمات کو بھی خراج تحسین پیش کرتے ہوئے کہا کہ پاکستان کی کامیابیاں دشمن کو ہضم نہیں ہو رہیں، تاہم اب وقت آ گیا ہے کہ ملک کو معاشی ترقی کی دوڑ میں آگے لے جایا جائے اور قومی خوشحالی کے سفر کو مزید تیز کیا جائے۔
بھارت سے جنگ اور افغانستان میں کارروائی خارج ازامکان نہیں، وزیردفاع