مشرقی یوکرین میں ڈرون حملے میں متعدد شہری ہلاک
اشاعت کی تاریخ: 17th, May 2025 GMT
اسلام آباد (اُردو پوائنٹ ۔ UN اردو۔ 17 مئی 2025ء) یوکرین کے مشرقی علاقے میں ہونے والے ڈرون حملے میں متعدد شہریوں کے ہلاک ہونے کی اطلاع ہے جبکہ ملک میں اقوام متحدہ کے مشن نے کہا ہے کہ یہ حالیہ ہفتوں کا مہلک ترین حملہ ہو سکتا ہے۔
یہ واقعہ آج سومے کے علاقے بیلوپیلا میں پیش آیا جہاں ایک مسافر بس روس کے ڈرون کا نشانہ بنی۔ اس حملے میں کم از کم نو افراد ہلاک اور سات زخمی ہوئے ہیں۔
Tweet URLملک میں انسانی حقوق کی نگرانی کرنے والے مشن (ایچ آر ایم ایم یو) کے مطابق، ابتدائی اطلاعات سے اندازہ ہوتا ہے کہ بس میں سوار شہری محاذ جنگ کے قریبی علاقے سے نقل مکانی کر کے آ رہے تھے جن میں خواتین کی اکثریت تھی۔
(جاری ہے)
مشن کے حکام اس حملے اور متاثرین کے بارے میں مزید معلومات جمع کر رہے ہیں۔کڑی یاد دہانیاقوام متحدہ کے مشن کی سربراہ ڈینیل بیل نے کہا ہے کہ یہ حملہ اس بات کی کڑی یاد دہانی ہے کہ یوکرین بھر میں عام شہری متواتر ہلاک و زخمی ہو رہے ہیں۔
اس سے قبل 24 اپریل کو ملکی دارالحکومت کیئو میں ہونے والے میزائل حملے میں کم از کم 11 شہری ہلاک اور 81 زخمی ہو گئے تھے۔
مشن کا کہنا ہے کہ اگرچہ رواں مہینے یوکرین میں ہلاک ہونے والے شہریوں کی تعداد اپریل کی نسبت کم ہے تاہم روزانہ کسی نہ کسی جگہ، بالخصوص محاذ جنگ کے قریبی علاقوں سے ہلاکتوں کی اطلاعات موصول ہو رہی ہیں۔
امن بات چیت کا خیرمقدماقوام متحدہ نے روس اور یوکرین کے مابین ترکیہ میں ہونے والی بات چیت کا خیرمقدم کرتے ہوئے امید ظاہر کی ہے کہ اس عمل کا نتیجہ مکمل، فوری اور غیرمشروط جنگ بندی کی صورت میں نکلے گا۔
گزشتہ تین سال میں یہ پہلا موقع ہے جب دونوں ممالک قیام امن کے لیے آپس میں براہ راست گفت و شنید کر رہے ہیں۔ ترکیہ کے شہر استنبول میں ہونے والے ان مذاکرات میں جنگ بندی کے علاوہ بڑے پیمانے پر قیدیوں کے تبادلے پر بھی بات ہو گی۔
جمعہ کو اقوام متحدہ کی ترجمان سٹیفنی ٹریمبلے نے کہا تھا کہ ادارہ اس بات چیت میں سہولت دینے کے لیے ترکیہ اور امریکہ کے کردار کا اعتراف کرتا ہے۔
انہوں نے اس امید کا اظہار کیا ہے کہ یہ بات چیت اقوام متحدہ کے چارٹر، بین الاقوامی قانون اور اقوام متحدہ کی متعلقہ قراردادوں کی مطابقت سے یوکرین میں منصفانہ جامع اور پائیدار امن کے لیے راہ ہموار کرے گی۔
روس نے فروری 2022 میں یوکرین کے خلاف بڑے پیمانے پر جنگ شروع کی تھی۔ جنگ کے ابتدائی مہینوں کے بعد فریقین میں بات چیت کا یہ پہلا موقع ہے۔
.ذریعہ: UrduPoint
کلیدی لفظ: تلاش کیجئے اقوام متحدہ ہونے والے حملے میں میں ہونے بات چیت
پڑھیں:
چین پورے مشرقی خطے کے لیے روشنی کی ایک کرن ہے ،صدرآصف علی زرداری
صدرآصف علی زرداری نے کہا ہے کہ چین نہ صرف ایک ترقی کرتا ہوا ملک ہے بلکہ پورے مشرقی خطے کے لیے روشنی کی ایک کرن ہے اور مستقبل میں خطے کے تمام ممالک چین کے ساتھ مل کر ترقی کے سفر میں شریک ہوں گے۔
چین کے سرکاری ٹی وی سی جی ٹی این کو انٹرویو میں صدر زرداری نے کہاکہ چین کے عوام کی بے پناہ محبت مجھے بار بار یہاں کھینچ لاتی ہے۔ جس شہر میں بھی گیا، وہاں کے لوگوں کا خلوص اور اپنائیت دل کو چھو گئی۔
انہوں نے بتایا کہ وہ اب تک 16 سے 17 مرتبہ چین کا دورہ کر چکے ہیں، اور ہر بار وہی گرمجوشی اور محبت دیکھنے کو ملی۔
ترقی کا سفر اور پاک چین دوستی
صدر مملکت نے چین کی حیرت انگیز ترقی کی تعریف کرتے ہوئے کہا کہ آج کا چین 14 سال پہلے والے چین سے بالکل مختلف ہے۔ جدیدیت، خوشحالی اور عوامی اطمینان اس ملک کی کامیابی کا ثبوت ہیں۔
انہوں نے کہا کہ پاکستان اور چین کی دوستی وقت کی آزمائشوں پر پوری اتری ہے۔ یہ تعلق صرف حکومتوں تک محدود نہیں بلکہ دونوں قوموں کے دل آپس میں جُڑے ہوئے ہیں۔”
انہوں نے گوادر بندرگاہ کو پاک چین تعاون کی ایک اہم علامت قرار دیا اور کہا کہ سی پیک نہ صرف پاکستان بلکہ پورے خطے کے لیے ترقی کا راستہ ہے۔
دنیا کو جنگ نہیں، معاشی امن کی ضرورت ہے
صدر زرداری نے زور دیا کہ آج کی دنیا کو جنگوں کے بجائے معاشی استحکام اور پائیدار ترقی کی جانب بڑھنا ہوگا۔ انہوں نے کہا کہ چین کی معیشت مستحکم ہے، لوگ خوشحال ہیں، اسی لیے مجھے یقین ہے کہ چین کا مستقبل نہایت روشن ہے۔ پورا مشرق چین کے ساتھ مل کر ایک ترقی یافتہ خطے کی بنیاد رکھے گا۔
انہوں نے عالمی برادری پر زور دیا کہ تمام ممالک کو ایک دوسرے کی خودمختاری کا احترام کرنا ہوگا، کیونکہ ہر ملک کو ترقی کا برابر حق حاصل ہے۔
زرعی خودکفالت اور مستقبل کا تحفظ
صدر زرداری نے ملک کی زرعی ترقی پر بھی بات کی۔ ان کا کہنا تھا کہ ہمیں زرعی میدان میں خود کفیل ہونا ہوگا۔ اس کے لیے پانی کے مؤثر استعمال اور جدید آبپاشی نظام کو اپنانا ناگزیر ہے۔”
انہوں نے اس بات پر زور دیا کہ نوجوان نسل کو وسائل کے دانشمندانہ استعمال اور خود انحصاری کی اہمیت سے آگاہ کیا جائے۔
آہنی بھائی ہیں
صدر مملکت نے کہاکہ پاکستان اور چین صرف دوست نہیں، آہنی بھائی ہیں۔ ہمارا مستقبل ایک دوسرے سے جڑا ہوا ہے۔ ہمیں اپنے تعلق کو نئی نسلوں تک منتقل کرنا ہے تاکہ وہ بھی خود انحصاری اور دوستی کی ان اقدار کو آگے لے جائیں۔
پاکستان کا اقوام متحدہ میں بھارت کو منہ توڑ جواب، بھارتی مندوب بوکھلاہٹ میں ہال چھوڑ کر چلاگیا