اقوام متحدہ بھی غزہ میں اسرائیلی جارحیت رکوانے میں ناکام ثابت ہوا، حاجی حنیف طیب
اشاعت کی تاریخ: 17th, May 2025 GMT
چیئرمین نظام مصطفی پارٹی نے کہا کہ امریکی صدر کے عرب ممالک کے دورہ میں توقع تھی کہ غزہ جنگ بندی کے حوالے سے کوئی پیش رفت کی جائے گی لیکن کوئی پرسان حال نہیں، ظالم کے سامنے خاموش رہنا ظلم کا ساتھ دینے کے مترادف ہے۔ اسلام ٹائمز۔ نظام مصطفی پارٹی کے چیئرمین سابق وفاقی وزیر پیٹرولیم ڈاکٹر حاجی محمدحنیف طیب نے کہا کہ غزہ پر اسرائیل، امریکی ہتھیاروں کے ذریعے تباہ کن کارروائیاں کررہا ہے، حالیہ جبالیہ کیمپ میں مریضوں سے بھرے کلینک پر بمباری کے نتیجے میں 143 افراد کو شہید کردیا گیا اور متعدد زخمی ہیں، اقوام متحدہ اور عالمی رہنما بھی غزہ میں اسرائیلی جارجیت رکوانے میں ناکام ہوگئے ہیں۔ ڈاکٹر حاجی محمد حنیف طیب نے کہا کہ 7 اکتوبر 2023ء سے جاری اسرائیلی حملوں میں اب تک 70 ہزار سے زائد فلسطینی شہید، ڈیڑھ لاکھ سے زائد لوگ زخمی ہوچکے ہیں دوسری جانب خوراک، ادویات اور طبی سامان کی شدید قلت سے انسانی زندگیوں کیلئے سنگین خطرہ ہے۔
ان کا کہنا تھا کہ غزہ کی طبی ذرائع کے مطابق تقریباً 57 بچے بھوک اور غذائی قلت کے باعث جان کی بازی ہار چکے ہیں اور 2 لاکھ، 90 ہزار بچے بھوک، فاقہ سے موت کے دہانے پر پہنچ چکے ہیں لیکن افسوس کا مقام یہ ہے کہ مسلم حکمران غفلت کی نیند سورہے ہیں وہ اپنا کردار ادا کرنے کے بجائے غیروں کو خوش کرنے کیلئے اپنے اقدار و روایات چھوڑ کر مغربی اقدار و روایات اپنا رہے ہیں۔ ڈاکٹر حاجی محمد حنیف طیب نے کہا کہ غزہ میں بمباری، بھوک، فاقہ، ادویات کی قلت سے اموات ہورہی ہیں، امریکی صدر کے عرب ممالک کے دورہ میں توقع تھی کہ غزہ جنگ بندی کے حوالے سے کوئی پیش رفت کی جائے گی لیکن کوئی پرسان حال نہیں، ظالم کے سامنے خاموش رہنا ظلم کا ساتھ دینے کے مترادف ہے، یقیناً اللہ تعالیٰ کی بارگاہ میں وہ سب جوابدہ ہونگے جو اس سلسلے میں ذمہ داری پوری نہیں کررہے ہیں۔
ذریعہ: Islam Times
پڑھیں:
بغیر لائسنس ڈرائیونگ موت کو دعوت دینے کے مترادف ہے، آئی جی پنجاب ڈاکٹر عثمان انور
انسپکٹر جنرل پنجاب ڈاکٹر عثمان انور نے ٹرانسپورٹرز کی جانب سے نئے ٹریفک آرڈیننس کے خلاف دی گئی ہڑتال کی کال پر سخت ردِعمل دیتے ہوئے کہا ہے کہ انسانی جانوں کے تحفظ پر کوئی سمجھوتہ نہیں کیا جائے گا۔
اپنے بیان میں انہوں نے واضح کہا کہ بغیر لائسنس ڈرائیونگ سیدھا موت کو دعوت دینے کے برابر ہے، اور ایسے غیر ذمہ دارانہ رویے حادثات میں اضافے کا سبب بنتے ہیں۔
آئی جی پنجاب نے کہا کہ مہذب معاشروں میں قانون پر عملداری کو سپورٹ کیا جاتا ہے، وہاں ہڑتالیں نہیں ہوتیں۔
انہوں نے ٹرانسپورٹرز کو مخاطب کرتے ہوئے کہا کہ بچوں کی زندگیوں کی حفاظت کے معاملے پر کوئی دباؤ یا بلیک میلنگ قبول نہیں کی جائے گی۔
ڈاکٹر عثمان انور کا کہنا تھا کہ ہڑتال کا مقصد یہ تاثر دینا ہے کہ حادثات جاری رہیں اور لوگ مرتے رہیں، جبکہ عوام کی جان و مال کا تحفظ پولیس کی اولین ذمہ داری ہے۔
انہوں نے مزید کہا کہ ٹریفک قوانین پر عمل کے لیے مہلت ضرور دی جا رہی ہے لیکن جو گاڑی قانون کے مطابق نہیں ہوگی وہ سڑک پر آنے کی اجازت نہیں پائے گی۔
آئی جی پنجاب نے دوٹوک مؤقف اپناتے ہوئے کہا:”قانون پر عمل کے سوا کوئی راستہ نہیں۔”
پاکستان کو شکست، آسٹریلیا نے اوور 40 ٹی ٹوئنٹی ورلڈ کپ جیت لیا