بابراعظم نے کوہلی اور بمراہ کو ٹی20 ورلڈ الیون سے نکال دیا
اشاعت کی تاریخ: 18th, May 2025 GMT
قومی ٹیم کے سابق کپتان بابراعظم نے اپنی ورلڈ الیون سے بھارت کے اسٹار کرکٹر ویرات کوہلی اور فاسٹ بولر جسپریت بمراہ کو نکال دیا۔
پشاور زلمی کے یوٹیوب چینل پر گفتگو کرتے ہوئے میزبان نے قومی ٹیم کے سابق کپتان بابراعظم کو ٹی20 فارمیٹ کیلئے ورلڈ الیون بنانے کو کہا، مڈل آرڈر بیٹر نے حیران کُن طور پر جسپریت بمراہ اور اسٹار بیٹر ویرات کوہلی کو اپنی پلئینگ الیون میں شامل نہیں کیا۔
بابراعظم نے نہایتی مہارت سے اسکواڈ منتخب کیا جس میں پاک بھارت کشیدگی کے باوجود ہندوستان کے 2 کھلاڑیوں کو جگہ دی گئی، اوپنر کے طور پر روہت شرما اور مڈل آرڈر میں جارحانہ کھیل کیلئے سوریا کمار یادیو کو شامل کیا۔
مزید پڑھیں: رضوان کے "وِن اور لَرن" سے متعلق بیان پر بابراعظم بھی بول اُٹھے
پشاور زلمی کے کپتان بابراعظم کی منتخب کردہ پلئینگ الیون:
روہت شرما (بھارت)، محمد رضوان (پاکستان)، فخر زمان (پاکستان)، سوریہ کمار یادیو (بھارت)، جوس بٹلر (انگلینڈ)، ڈیوڈ ملر (جنوبی افریقا)، مارکو جانسن (جنوبی افریقا)، راشد خان (افغانستان)، پیٹ کمنز (آسٹریلیا)، مچل اسٹارک (آسٹریلیا)، مارکو وڈ لینڈ (آسٹریلیا)۔
مزید پڑھیں: آرمی چیف جنرل عاصم منیر پی ایس ایل کا میچ دیکھنے راولپنڈی اسٹیڈیم پہنچ گئے
واضح رہے کہ پاک بھارت کشیدگی اور جنگ بندی کے بعد گزشتہ روز پاکستان سپر لیگ (پی ایس ایل) کے 10ویں ایڈیشن کے بقیہ میچز کا آغاز ہوچکا ہے، جس میں پاک فوج کو خراج تحسین پیش کیا گیا۔
مزید پڑھیں: پی سی بی نے پی ایس ایل 10 مسلح افواج کے نام کردیا
روالپنڈی میں کھیلے گئے میچ میں مسلح افواج کے سربراہ چیف آف آرمی اسٹاف جنرل سید عاصم منیر اور ڈی جی آئی ایس پی آر لیفٹیننٹ جنرل احمد شریف چوہدری میچ دیکھنے اسٹیڈیم پہنچے تھے۔
ذریعہ: Express News
پڑھیں:
پی سی بی نے سہ فریقی ٹی20 سیریز کے لیے کمنٹری پینل اور براڈکاسٹرز کے ناموں کا اعلان کردیا
پاکستان کرکٹ بورڈ نے پاکستان ٹی20 سہ فریقی سیریز 2025 کے لیے کمنٹری پینل اور عالمی براڈکاسٹرز کے ناموں کا اعلان کردیا ہے۔
سیریز کے دوران پاکستانی شائقینِ کرکٹ کو ملکی اور غیر ملکی مشہور کمنٹیٹرز کی آوازیں سننے کو ملیں گی۔ اعلان کے مطابق عامر سہیل، رمیز راجہ، عروج مشتاق، بازید خان، رسل آرنلڈ اور پومی امبانگوا کمنٹری کے فرائض انجام دیں گے۔
یہ بھی پڑھیے: آئی پی ایل نے عرفان پٹھان کو کمنٹری پینل سے باہر کیوں کردیا؟ اہم وجہ سامنے آگئی
پریزنٹیشن کے شعبے میں بھی شاندار لائن اپ شامل ہے، جہاں زینب عباس اور سکندر بخٹ میچوں کے دوران پریزینٹرز کی ذمہ داریاں نبھائیں گے۔ پی سی بی کا کہنا ہے کہ بہترین کوریج اور معیاری براڈکاسٹنگ کے لیے مختلف ممالک میں قابلِ اعتماد نشریاتی اداروں کو شامل کیا گیا ہے۔
پاکستان میں سیریز کی نشریات پی ٹی وی اسپورٹس اور پاکستان کرکٹ کے آفیشل یوٹیوب چینل پر دستیاب ہوں گی۔ بین الاقوامی سطح پر ویلو ٹی وی شمالی امریکا میں، سپر اسپورٹس سب صحارن افریقہ میں، ڈائیلاگ ٹی وی اور ٹی وی سپریم سری لنکا میں، ٹی اسپورٹس بنگلادیش میں، کرک بز مشرق وسطیٰ اور جنوبی ایشیا میں، جبکہ ایسٹرو جنوبی ایشیا میں براہ راست نشریات فراہم کرے گا۔ برطانیہ کے شائقین کرکٹ PCB Live کے ذریعے میچز دیکھ سکیں گے۔
پی سی بی کے مطابق اس جامع براڈکاسٹنگ نیٹ ورک کے تحت دنیا بھر کے تماشائی ٹرائی نیشن سیریز کے ہر لمحے سے لطف اندوز ہو سکیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپورٹس سہ فریقی ٹی20 کرکٹ کمنٹری
پنجاب بھر کی عدالتوں میں سیکیورٹی انتظامات مزید سخت