بھارت نے تنازع کشمیر کو حل کرنے کے بجائے ہمیشہ رکاوٹیں کھڑی کی ہیں، شبیر شاہ
اشاعت کی تاریخ: 18th, May 2025 GMT
حریت رہنما نے افسوس کا اظہار کیا کہ بھارت نے ہمیشہ دوہرا کھیل کھیلا ہے تاکہ اقوام متحدہ کی سلامتی کونسل کی قرارداد کے مطابق تنازعے کا پرامن حل تلاش کرنے کی ہر کوشش کو روکا جائے۔ اسلام ٹائمز۔ غیر قانونی طور پر نظربند کل جماعتی حریت کانفرنس کے سینئر رہنما اور جموں و کشمیر ڈیمو کریٹک فریڈم پارٹی کے چیئرمین شبیر احمد شاہ نے عالمی برادری سے اپیل کی ہے کہ وہ بھارت اور پاکستان کے درمیان ممکنہ جوہری تصادم سے بچنے کے لیے مسئلہ کشمیر کے حل میں اپنا موثر کردار ادا کرے۔ ذرائع کے مطابق شبیر احمد شاہ نے نئی دہلی کی تہاڑ جیل سے اپنے ایک پیغام میں کہا کہ حالیہ پاک بھارت جنگ نے ایک مکمل ایٹمی جنگ کے امکان کے حوالے سے شدید خدشات کو جنم دیا ہے کیونکہ دونوں ممالک جوہری صلاحیتوں کے مالک ہیں۔ شبیر شاہ نے بحران کو جو ایک بڑی جنگ کا باعث بن سکتا تھا، ختم کرنے کے لئے عالمی رہنمائوں بالخصوص امریکی صدر ڈونلڈ ٹرمپ کے بے مثال کردار کی تعریف کی۔ انہوں نے تحمل کا مظاہرہ کرنے پر پاکستان کی سیاسی اور عسکری قیادت کو بھی سراہا جنہوں نے صورتحال کو مکمل جنگ میں تبدیل ہونے سے روکنے کے لئے اہم کردار ادا کیا۔
شبیر شاہ نے دیرینہ مسئلہ کشمیر کو حل کرنے کے لیے صدر ٹرمپ کی ثالثی کی پیشکش کا خیرمقدم کرتے ہوئے کہا کہ دوطرفہ مذاکرات کی ناکامی کے بعد تنازعے کا پائیدار حل نکالنے کے لیے تیسرے فریق کی ثالثی ناگزیر ہو گئی ہے۔ انہوں نے کہا کہ بھارت اور پاکستان کے درمیاں دو طرفہ بات چیت کے نتیجے میں زیادہ تر سفارتی تعطل پیدا ہوا ہے۔ انہوں نے کہا کہ کشمیر کی سیاسی قیادت نے بارہا تیسرے فریق کی ثالثی کی ضرورت پر زور دیا ہے کیونکہ دو طرفہ مذاکرات اس مسئلے کو حل کرنے کے لیے ناکافی ہیں۔ انہوں نے تنازعہ کشمیر کے خطرناک پہلوئوں کو اجاگر کرتے ہوئے کہا کہ سات دہائیوں سے زائد کا عرصہ گزر جانے کے باوجود یہ تنازعہ دونوں ممالک کے لئے لٹکتی ہوئی تلوار کی طرح ہے۔
حریت رہنما نے کہا کہ تنازعہ کشمیر جس نے اب ایک خطرناک رخ ختیار کر لیا ہے، پورے جنوبی ایشیا کے امن اور استحکام کے لئے خطرہ بنا ہوا ہے۔ انہوں نے افسوس کا اظہار کیا کہ بھارت نے ہمیشہ دوہرا کھیل کھیلا ہے تاکہ اقوام متحدہ کی سلامتی کونسل کی قرارداد کے مطابق تنازعے کا پرامن حل تلاش کرنے کی ہر کوشش کو روکا جائے۔ انہوں نے کہا کہ بھارت نے تنازعے کو حل کرنے کے بجائے ہمیشہ رکاوٹیں کھڑی کی ہیں۔ انہوں نے کہا کہ بھارت بین الاقوامی سطح پر تنازعہ کشمیر کو ایک دو طرفہ مسئلے کے طور پر پیش کر رہا ہے جبکہ دو طرفہ بات چیت کے دوران وہ بے شرمی سے اسے اپنا اندرونی مسئلہ قرار دیتا ہے۔ شبیر شاہ نے کہا کہ اس صورتحال میں ایک غیر جانبدار تیسرے فریق کی ثالثی ہی تنازعہ کشمیر کے پائیدار حل کا واحد قابل عمل راستہ ہے۔تاہم شبیر شاہ نے کہا کہ کشمیری عوام کے حقوق اور مفادات کی مناسب نمائندگی کو یقینی بنانے کے لئے مستقبل میں کسی بھی فیصلہ سازی کے عمل میں کشمیری قیادت کی شمولیت ناگزیر ہے۔
ذریعہ: Islam Times
کلیدی لفظ: انہوں نے کہا کہ کو حل کرنے کے شبیر شاہ نے کہ بھارت بھارت نے کی ثالثی دو طرفہ کے لیے کے لئے
پڑھیں:
پوری امت مسلمہ رہبر انقلاب کی پشت پر کھڑی ہے، دھمکی آمیز بیانات قابل مذمت ہیں، علامہ بشارت زاہدی
اپنے ایک بیان میں دفتر قائد ملت جعفریہ قم کے مدیر کا کہنا تھا کہ ہم واضح کرتے ہیں کہ ایسی دھمکیوں سے ایرانی قوم یا امت مسلمہ کے عزم و ارادے کو متزلزل نہیں کیا جا سکتا۔ اسلام ٹائمز۔ دفتر قائد ملت جعفریہ قم کے مدیر، علامہ بشارت حسین زاہدی نے امریکی صدر ڈونلڈ ٹرمپ کی جانب سے رہبر معظم انقلاب اسلامی آیت اللہ العظمیٰ سید علی خامنہ ای مدظلہ العالی کو دی جانے والی دھمکیوں کی شدید الفاظ میں مذمت کی ہے۔ علامہ بشارت حسین زاہدی نے اپنے ایک بیان میں کہا کہ "اسلامی جمہوریہ ایران کے عظیم رہبر کو اس قسم کی دھمکیاں دینا عالمی امن و استحکام کے لیے خطرہ ہیں۔ رہبر معظم انقلاب اسلامی صرف ایران کے نہیں بلکہ پوری امت مسلمہ کے رہبر اور پیشوا ہیں۔ ان کی قیادت میں نہ صرف ایرانی قوم نے بلکہ پوری امت مسلمہ نے استقامت اور پائیداری کا مظاہرہ کیا ہے۔ پوری امت مسلمہ، رہبر انقلاب کے پشت پر کھڑی ہے۔"
انہوں نے مزید کہا کہ "یہ دھمکیاں نہ صرف عالمی قوانین اور سفارتی آداب کی خلاف ورزی ہیں، بلکہ یہ انتہاء پسندی اور کشیدگی کو فروغ دینے کی ایک مذموم کوشش بھی ہے۔ ہم واضح کرتے ہیں کہ ایسی دھمکیوں سے ایرانی قوم یا امت مسلمہ کے عزم و ارادے کو متزلزل نہیں کیا جا سکتا۔" علامہ زاہدی نے عالمی برادری پر زور دیا کہ وہ اس قسم کے غیر ذمہ دارانہ بیانات کا نوٹس لے اور عالمی امن کے تحفظ کے لیے اپنا کردار ادا کرے۔ انہوں نے کہا کہ "ہم رہبر معظم کی سلامتی اور عظمت کے لیے دعا گو ہیں اور ہر قسم کی سازشوں کے خلاف ان کے ساتھ کھڑے ہیں۔"
سربراہ پاک بحریہ ایڈمرل نوید اشرف کا کراچی میں پاکستان ایئر فورس ایئر وار کالج انسٹیٹیوٹ کا دورہ