خیبرپختونخوا کا سولر پینل منصوبہ کمیشن مافیا کی نذر ہوگیا، عظمیٰ بخاری
اشاعت کی تاریخ: 18th, May 2025 GMT
لاہور:
وزیر اطلاعات پنجاب عظمیٰ بخاری نے کہا ہے کہ خیبرپختونخوا حکومت کا سولر پینل منصوبہ کرپشن اور کمیشن مافیا کی نذر ہوگیا ہے۔
عظمیٰ بخاری نے کہا کہ آٹھ ماہ قبل علی امین گنڈاپور نے اس منصوبے کا اعلان کیا تھا، تاہم منصوبے کے پی سی ون کی منظوری سے قبل ہی ٹینڈر جاری کر دیے گئے۔
عظمیٰ بخاری نے دعویٰ کیا کہ خیبرپختونخوا حکومت کا یہ منصوبہ مبینہ طور پر دو ارب روپے کی کمیشن کی نذر ہو چکا ہے۔ انہوں نے کہا کہ خیبرپختونخوا میں کوئی بھی عوامی مفاد کا منصوبہ مکمل نہیں ہوتا اور اگر کوئی منصوبہ بن بھی جائے تو وہ حصے وصول کرنے والوں کی لڑائی کی نذر ہو جاتا ہے۔
انہوں نے کہا کہ کے پی حکومت کی تمام کارکردگی صرف بیانات اور بھڑکوں تک محدود ہے، خیبرپختونخوا کے عوام کا پیسہ صرف احتجاجی تحریکوں پر خرچ کیا جا رہا ہے۔ ان کا مزید کہنا تھا کہ "تبدیلی" اور "سونامی" جیسے شگوفوں نے پختونوں کو ناقابل تلافی نقصان پہنچایا ہے۔
علی امین گنڈاپور پر تنقید کرتے ہوئے عظمیٰ بخاری نے کہا کہ ان کے کریڈٹ پر صرف وفاق اور پنجاب پر تین ناکام حملے ہیں۔ انہوں نے مطالبہ کیا کہ کے پی حکومت کو دیے گئے تمام فنڈز کا وفاق فوری آڈٹ کروائے اور جب تک پچھلے فنڈز کا حساب نہیں دیا جاتا، خیبرپختونخوا حکومت کو مزید ایک دھیلہ نہ دیا جائے۔
.ذریعہ: Express News
پڑھیں:
حماس نے اسرائیل کا غزہ کے شہریوں کی منتقلی کا منصوبہ مسترد کر دیا
فلسطینی تنظیم حماس نے اسرائیل کا غزہ میں شہریوں کی منتقلی کا منصوبہ علاقے میں لاکھوں افراد کے لیے نسل کشی اور جبری بے دخلی کی نئی لہر قرار دیتے ہوئے مسترد کردیا۔
یہ بھی پڑھیں: مغربی کنارے کو 2 حصوں میں تقسیم کا اسرائیلی منصوبہ، سعودی عرب کے بعد جرمنی کا بھی شدید اعتراض
غیر ملکی میڈیا کے مطابق حماس نے اتوار کے روز کہا کہ جنوبی غزہ میں خیمے اور دیگر پناہ گاہوں کا اسرائیلی منصوبہ کھلی دھوکہ دہی پر مبنی ہے۔
دریں اثنا ٹائمز آف اسرائیل کی رپورٹ کے مطابق فلسطینی تنظیم حماس نے اسرائیل کے اس منصوبے کو شدید تنقید کا نشانہ بنایا ہے جس کے تحت غزہ سٹی کے رہائشیوں کو جنوبی غزہ منتقل کرنے کی تجویز دی گئی ہے۔ حماس کا کہنا ہے کہ یہ اقدام علاقے میں موجود لاکھوں شہریوں کو متاثر کرے گا۔
بیان میں حماس نے کہا کہ جنوبی غزہ میں خیمے اور دیگر پناہ گاہوں کے لیے سامان کی تعیناتی کھلی دھوکہ دہی ہے جو انسانی ہمدردی کے بہانے ایک سفاک جرم کو چھپانے کی کوشش ہے جس پر اسرائیلی افواج عملدرآمد کرنے والی ہیں۔
مزید پڑھیے: اسرائیل نے ہولوکاسٹ کا سبق بھلا کر غزہ پر قبضے کا غیر قانونی منصوبہ بنایا، روسی سفارتکار
ٹائمز آف اسرائیل کی رپورٹ کے مطابق اسرائیل نے رواں ماہ کے آغاز میں اعلان کیا تھا کہ وہ غزہ سٹی پر مکمل کنٹرول حاصل کرنے کے لیے نیا فوجی آپریشن شروع کرنے کا ارادہ رکھتا ہے۔ اسرائیلی فوج کا کہنا ہے کہ وہ اتوار سے جنوبی غزہ میں خیمے اور دیگر بنیادی سہولیات فراہم کرنا شروع کرے گی تاکہ جنگی علاقوں سے شہریوں کو محفوظ مقامات پر منتقل کیا جا سکے۔
مزید پڑھیں: ایرانی مسلح افواج کا امریکا اور اسرائیل کو نیا انتباہ کیا ہے؟
تاہم حماس کا کہنا ہے کہ یہ تمام اقدامات انسانی ہمدردی کے جھوٹے بہانے کے تحت کیے جا رہے ہیں تاکہ اسرائیلی افواج کے مجوزہ وحشیانہ اقدامات کو چھپایا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل کا غزہ ری لوکیشن منصوبہ حماس غزہ کی تقسیم کا اسرائیلی منصوبہ
بھارتی ایئر چیف کے دعوے مسترد، وزیر دفاع کا دونوں ممالک کے طیاروں کی گنتی کا مطالبہ