تیز رفتاری کا انجام، کراچی میں ٹریلر پل سے نیچے جھول گیا
اشاعت کی تاریخ: 19th, May 2025 GMT
کراچی:
شہر قائد میں نیٹی جیٹی کے قریب واقع آئی سی آئی پل پر تیز رفتاری کے باعث ایک ٹریلر بے قابو ہو کر ریلنگ توڑتا ہوا پل کے کنارے سے لٹک گیا۔ خوش قسمتی سے واقعے میں کوئی جانی نقصان نہیں ہوا۔
تفصیلات کے مطابق حادثہ ہفتہ کی صبح اس وقت پیش آیا جب ایک بھاری بھرکم ٹریلر تیز رفتاری کے باعث ڈرائیور کے قابو سے باہر ہو گیا اور پل کی حفاظتی ریلنگ توڑ کر آدھا حصہ نیچے کی جانب لٹک گیا۔
واقعے کی اطلاع ملتے ہی پولیس، ریسکیو اور چھیپا کی ٹیمیں فوری طور پر موقع پر پہنچ گئیں۔
مزید پڑھیں: کراچی: سرجانی ٹاؤن میں مکان کی چھت گرنے سے 12 سالہ بچی جاں بحق، 8 افراد زخمی
چھیپا ذرائع کے مطابق حادثے میں کسی قسم کی جانی یا مالی نقصان کی اطلاع نہیں ملی، جبکہ ٹریفک پولیس کے ترجمان نے تصدیق کی ہے کہ حادثہ تیز رفتاری کے باعث پیش آیا۔ ڈرائیور کو بحفاظت نکال لیا گیا ہے۔
پولیس حکام کے مطابق ٹریلر کا اگلا حصہ پل کے کنارے سے نیچے کی طرف لٹکا ہوا ہے، جسے محفوظ طریقے سے ہٹانے کے لیے بھاری مشینری طلب کر لی گئی ہے۔ واقعے کے باعث پل پر ٹریفک کی روانی متاثر ہوئی تاہم متبادل راستوں سے ٹریفک کو بحال رکھا گیا۔
.ذریعہ: Express News
کلیدی لفظ: تیز رفتاری کے باعث
پڑھیں:
سندھ حکومت نے عوام کے مسائل حل کرنے کے بجائے لوٹ مار کا نیا طریقہ نکال لیا، فاروق ستار
data-id="863a0a8" data-element_type="widget" data-widget_type="theme-post-content.default">
کراچی:متحدہ قومی موومنٹ (ایم کیو ایم) کی مرکزی کمیٹی کے رکن فاروق ستار نے کراچی میں ٹریفک پولیس کی جانب سے شہریوں سے مبینہ بھتہ خوری اور سندھ حکومت کی پالیسیوں کو شدید تنقید کا نشانہ بناتے ہوئے کہا ہے کہ عوام کے مسائل حل کرنے کے بجائے انہیں مزید پریشان کیا جا رہا ہے۔
میڈیا رپورٹس کے مطابق فاروق ستار نے کہا کہ سندھ حکومت نے کراچی کے شہریوں کو لوٹنے کا ایک نیا طریقہ اختیار کر لیا ہے اور “نمبر پلیٹس” کے نام پر کراچی ٹریفک پولیس روزانہ لاکھوں روپے کا بھتہ وصول کر رہی ہے،ٹریفک پولیس کی رشوت ستانی اب ایک منظم صنعت کی شکل اختیار کر چکی ہے، جو روزانہ کروڑوں روپے کما کر اوپر تک پہنچاتی ہے۔
انہوں نے کہا کہ ایم کیو ایم کراچی ٹریفک پولیس کو وردی کے نام پر کھلی بدمعاشی کرنے کی اجازت نہیں دے گی،شہر میں ٹریفک جام، ڈمپر مافیا کی غنڈہ گردی، اور شہریوں کی جان کو لاحق خطرات پر کوئی ایکشن نہیں لیا جا رہا جب کہ ٹریفک پولیس صرف چالان اور رشوت پر توجہ مرکوز کیے ہوئے ہے۔
ایم کیو ایم رہنما نے سندھ حکومت کی کارکردگی کو شدید تنقید کا نشانہ بناتے ہوئے کہا کہ “کراچی کی سڑکوں کو موہنجوداڑو جیسا بنا دیا گیا ہے، لیکن چالان امریکا جیسے وصول کیے جا رہے ہیں، سندھ حکومت شہریوں سے ان ٹوٹی پھوٹی سڑکوں پر سفر کرنے کا حق بھی چھیننا چاہتی ہے۔
فاروق ستار نے کہا کہ کراچی کے عوام کے صبر کا پیمانہ لبریز ہو چکا ہے، اور اگر اب بھی حکومت نے اپنی ناانصافی، کرپشن اور ناقص حکمرانی کا سلسلہ بند نہ کیا تو عوامی ردعمل وہ سیلاب بن جائے گا جو سب حکومتوں کو بہا لے جائے گا۔
انہوں نے مزید کہا کہ سندھ حکومت نے ایک نیا نوٹی فکیشن جاری کیا ہے جس کے تحت صوبے میں مخصوص “سندھی نمبر پلیٹ” لگانا لازمی قرار دیا گیا ہے اور اس پر عمل نہ کرنے والے شہریوں کو بھاری جرمانے کیے جا رہے ہیں،حکومت کا کام عوام کو سہولیات فراہم کرنا ہوتا ہے مگر سندھ حکومت الٹا عوام پر ظلم ڈھا رہی ہے۔
ان کا کہنا تھا کہ ٹریفک پولیس اور صوبائی حکومت کے ان اقدامات نے شہریوں کی زندگی اجیرن بنا دی ہے اور ایم کیو ایم ہر سطح پر عوام کے ساتھ کھڑی ہے۔
سانحہ سوات: بروقت مدد ملتی تو قیمتی جانیں بچ سکتی تھیں: مریم نواز