وزیراعلیٰ پنجاب کا جدید سائنسی مرکز قائم کرنے کا فیصلہ
اشاعت کی تاریخ: 19th, May 2025 GMT
وزیراعلیٰ پنجاب مریم نواز نے جدید کلائمیٹ آبزرویٹری بنانے کی منظوری دے دی ہے، جدید سائنسی مرکز قائم کرنے کا بھی فیصلہ کیا گیا ہے۔منصوبے کیلئے بجٹ، آلات اور زمین کی فراہمی اور فزیبلٹی پلان تیار کر لیا گیا ہے، سینئر وزیرپنجاب مریم اورنگزیب کی زیرصدارت اجلاس میں یو ای ٹی لاہور نے کلائمیٹ آبزرویٹری کے قیام سے متعلق رپورٹ پیش کر دی۔شرکاء کو بریفنگ دیتے ہوئے کہا گیا کہ انٹرن شپ پروگرام کے ذریعے ہر شعبے کیلئے ماحولیاتی ماہرین تیار کیے جائیں گے، آبزرویٹری میں جدید خود کار کمیونی کیشن سسٹم نصب کیا جائے گا، اس سے سائنسی تحقیق کے فروغ اور بین الاقوامی سطح پر ماحولیاتی معلومات کے تبادلے میں مدد ملے گی۔اجلاس کے شرکاء کو بریفنگ میں بتایا گیا کہ عالمی معیار کا پروفیشنل اسٹاف منتخب کیا جائے گا، جدید کلائمیٹ آبزرویٹری کے قیام کیلئے زمین کا قبضہ مل گیا ہے، جدید کلائمیٹ آبزرویٹری کی عمارت ای آئی سی ٹی میں تعمیر کی جائے گی۔سینئر صوبائی وزیر مریم اورنگزیب نے کہا کہ ادارے کو جدید ترین مینجمنٹ ماڈل کے تحت چلایا جائے گا، انہوں نے کہا کہ وزیراعلیٰ پنجاب مریم نواز نے ماحولیاتی تبدیلی کے خطرات سے نمٹنے کا پلان دیا ہے، آبزرویٹری کا قیام ماحولیاتی تحفظ سے متعلق بڑا قدم ہے۔
.ذریعہ: Nawaiwaqt
پڑھیں:
جناح انسٹیٹیوٹ آف کارڈیالوجی کا نام تبدیل کرنے کی خبریں، مریم اورنگزیب کا ردعمل آگیا
پنجاب کی سینیئر وزیر مریم اورنگزیب نے واضح طور پر اعلان کیا ہے کہ لاہور میں واقع جناح انسٹیٹیوٹ آف کارڈیالوجی کا نام تبدیل کرنے کی کوئی تجویز حکومت کے زیر غور نہیں، اور اس حوالے سے سوشل میڈیا پر گردش کرنے والی خبروں کو انہوں نے یکسر مسترد کردیا ہے۔
سماجی رابطے کی ویب سائٹ ’ایکس‘ پر جاری اپنے بیان میں مریم اورنگزیب نے کہاکہ جناح انسٹیٹیوٹ آف کارڈیالوجی لاہور کا نام تبدیل کرنے کا کوئی منصوبہ یا تجویز زیر غور نہیں، اور اس کا نام وہی رہے گا جو پہلے سے موجود ہے۔
یہ بھی پڑھیں: جناح انسٹیٹیوٹ آف کارڈیالوجی کا نام تبدیل، مریم نواز کے نام سے منسوب کردیا گیا
انہوں نے مزید وضاحت کی کہ مالی سال 26-2025 کے لیے پنجاب حکومت کے سالانہ ترقیاتی پروگرام میں اس منصوبے کے لیے فنڈنگ بھی ’جناح انسٹیٹیوٹ آف کارڈیالوجی‘ کے نام سے ہی مختص کی گئی ہے۔
سینیئر وزیر کا کہنا تھا کہ امراضِ قلب اور دیگر بیماریوں کے عالمی معیار کے جدید علاج کے لیے نواز شریف میڈیکل ڈسٹرکٹ میں 14 نئے اسپتال قائم کیے جائیں گے، جن کی ماسٹر پلاننگ اب تکمیل کے قریب ہے۔
مریم اورنگزیب نے جناح انسٹیٹیوٹ آف کارڈیالوجی کے نام کی تبدیلی سے متعلق زیر گردش خبروں کو بے بنیاد قرار دیتے ہوئے میڈیا اور عوام سے اپیل کی کہ کسی بھی خبر کو نشر یا شیئر کرنے سے قبل حقائق کی تصدیق ضرور کی جائے۔
یہ بھی پڑھیں: شریف خاندان کے نام سے پنجاب میں کتنے منصوبے شروع کیے گئے ہیں؟
واضح رہے کہ میڈیا پر یہ خبریں سامنے آئی تھیں کہ پنجاب حکومت نے جناح انسٹیٹیوٹ آف کارڈیالوجی کا نام تبدیل کرکے وزیراعلیٰ پنجاب مریم نواز کے نام پر رکھ دیا ہے، جس پر عوام کی جانب سے اس فیصلے پر شدید تنقید کی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews جناح انسٹیٹیوٹ آف کارڈیالوجی سینیئر وزیر پنجاب مریم اورنگزیب مریم نواز نام کی تبدیلی وزیراعلٰی پنجاب وضاحت وی نیوز
بھارتی کرپٹو پالیسی ناکام، پاکستانی حکمت عملی عالمی سطح پر کامیاب قرار