تین بار لینڈنگ کی کوشش ناکام اور فیول صرف 11 منٹ کا، فلائی جناح کے طیارے کی پاکستان میں”معجزانہ لینڈنگ” کی کہانی سامنے آگئی
اشاعت کی تاریخ: 19th, May 2025 GMT
کوئٹہ (ویب ڈیسک) صوبہ بلوچستان کے دارالحکومت کوئٹہ میں تیز ہواؤں اور گرد و غبار کے طوفان کے باعث ہوائی اڈے پر ہنگامی صورتحال پیدا ہو گئی،فلائی جناح کی کراچی سے آنے والی پرواز نے تین بار ناکام لینڈنگ کی کوششوں کے بعد چوتھی بار کامیابی سے لینڈنگ کی جسے حکام نے ’معجزانہ لینڈنگ‘ قرار دیا ہے۔
عرب خبررساں ادارے کے مطابق فلائی جناح کی پرواز کی پرواز صبح 11 بج کر 20 منٹ پر کراچی سے روانہ ہوئی اور اسے دوپہر 12 بجکر 40 منٹ پر کوئٹہ پہنچنا تھا تاہم پرواز 2 بج کر چھ منٹ پر کوئٹہ پہنچی۔فلائی جناح نے تاخیر کی وجہ نہیں بتائی تاہم کوئٹہ ایئرپورٹ اور سول ایوی ایشن کے ذرائع نے بتایا کہ ’مٹی کے طوفان اور تیز ہواؤں کے باعث طیارہ تقریباً ایک گھنٹہ فضا میں چکر لگاتا رہا۔ اس دوران پائلٹ نے تین مرتبہ لینڈنگ کی ناکام کوشش کی مگر ہر بار ہوا کی شدت کے باعث طیارے کو دوبارہ فضا میں بلند کرنا پڑا۔‘
پرواز کے ایک مسافر نے بتایا کہ لینڈنگ کی کوششوں کے دوران جہاز مسلسل جھٹکے کھا رہا تھا جس کی وجہ سے سب مسافروں میں بے چینی پھیل گئی۔ بالآخر چوتھی کوشش میں پرواز نے لینڈ کیا جس پر جہاز میں سوار مسافروں نے اطمینان کا اظہار کیا اور شکر ادا کیا۔
سول ایوی ایشن ذرائع کے مطابق پرواز میں سوار تین مسافروں کی موشن سیکنیس کی وجہ سے حالت خراب ہوگئی تاہم لینڈنگ کے بعد ان کی حالت سنبھل گئی اور طبی امداد کی ضرورت نہیں پڑی۔
کمشنر کوئٹہ حمزہ شفقات نے لینڈنگ کو ’معجزانہ‘ قرار دیتے ہوئے بتایا کہ شدید گرد آلود ہواؤں میں طیارہ چار بار لینڈنگ کی کوشش کرتا رہا اور ایندھن بھی کم ہو چکا تھا تاہم خوش قسمتی سے حادثے سے بچاؤ ممکن ہوا۔حمزہ شفقات نے کہا کہ ’انہیں بتایا گیا تھا کہ طیارے میں صرف 11 منٹ پرواز کا فیول باقی رہ گیا تھا۔ فلائی جناح کے جواب کا انتظار ہے۔‘
انہوں نے واضح کیا کہ سوشل میڈیا پر گردش کرنے والی مسافروں کے بے ہوش ہونے کی خبریں بے بنیاد ہیں، الحمدللہ تمام مسافر محفوظ ہیں۔
ڈاکٹر سہیل خان نامی صارف نے سوشل میڈیا پر اپنی طویل پوسٹ میں لکھا کہ ’جہاز کے اندر افراتفری کا عالم تھا، بچے رو رہے تھے، ضعیف مسافر قے کر رہے تھے، لوگ خوف سے سانس روک کر بیٹھے تھے۔ جیسے ہی طیارہ زمین پر آیا، پورے کیبن میں ایک اجتماعی اطمینان اور سکون کی لہر دوڑ گئی۔‘
’بعد میں ہمیں ایک ہولناک حقیقت کا علم ہوا کہ لینڈنگ کے وقت طیارے کے پاس صرف 11 منٹ کا ایندھن باقی تھا۔‘
انہوں نے کہا کہ ’یہ صرف ایک خطرناک لمحہ نہیں تھا، یہ ایک مکمل سانحہ ہونے کے دہانے پر تھا۔ سینکڑوں خاندان اپنے پیاروں کو کھو سکتے تھے۔ پاکستان سول ایوی ایشن اتھارٹی کو اس واقعے کی مکمل اور غیر جانبدارانہ تحقیقات کرنی چاہییں۔‘
مزیدپڑھیں:قطری امیر کی اہلیہ کی ڈونلڈ ٹرمپ سے ملنے کی ویڈیو عرب میڈیا پر وائرل
ذریعہ: Daily Ausaf
کلیدی لفظ: لینڈنگ کی کوشش فلائی جناح
پڑھیں:
کوئٹہ محرم الحرام، انتظامیہ بلاتعطل گیس اور بجلی کی فراہمی میں ناکام
ڈی سی کوئٹہ کو کیسکو اور سوئی سدرن گیس کمپنی کی یقین دہانی کے باوجود محرم الحرام کے دوران بجلی اور گیس کی لوڈشیڈنگ جاری ہے۔ اسلام ٹائمز۔ بلوچستان کے صوبائی دارالحکومت کوئٹہ میں اس سال انتظامیہ محرم الحرام کے دوران عوام الناس کو بلا تعطل بجلی اور گیس کی فراہمی میں ناکام ہو گئی۔ ایک مہینے قبل ڈپٹی کشمنر کا چارج سنبھالنے والے ڈی سی کوئٹہ مہراللہ بادینی کی جانب سے متعدد بار اجلاس کا انعقاد کیا گیا، جس میں کیسکو اور سوئی سدرن گیس کمپنی نے نمائندوں نے شرکت کی اور یقین دہانی کرائی کہ محرم الحرام کے سلسلے میں بجلی اور گیس کی لوڈشیڈنگ نہیں ہوگی۔ تاہم لوڈشیڈنگ کا سلسلہ جاری ہے۔ اس حوالے سے بلوچستان شیعہ کانفرنس کے صدر عاشق حسین ہزارہ نے بھی اپنے خدشات کا اظہار کرتے ہوئے کہا کہ مجالس عزاء کے دوران بھی لوڈشیڈنگ کی جا رہی ہے، جس سے سکیورٹی خدشات پیدا ہو رہے ہیں۔ جبکہ رات دس بجے گیس چلی جاتی ہے، جس کے باعث عزادروں کو نذر و نیاز کی تیاری میں بھی دشواریوں کا سامنا ہے۔ انہوں نے انتظامیہ سے اپیل کی کہ کیسکو کو بجلی اور ایس ایس جی سی کو گیس کی فراہمی کا پابند کیا جائے۔
سپریم کورٹ میں آئندہ ہفتے کی سماعت کےلیے پانچ بینچز تشکیل