تین بار لینڈنگ کی کوشش ناکام اور فیول صرف 11 منٹ کا، فلائی جناح کے طیارے کی پاکستان میں”معجزانہ لینڈنگ” کی کہانی سامنے آگئی
اشاعت کی تاریخ: 19th, May 2025 GMT
کوئٹہ (ویب ڈیسک) صوبہ بلوچستان کے دارالحکومت کوئٹہ میں تیز ہواؤں اور گرد و غبار کے طوفان کے باعث ہوائی اڈے پر ہنگامی صورتحال پیدا ہو گئی،فلائی جناح کی کراچی سے آنے والی پرواز نے تین بار ناکام لینڈنگ کی کوششوں کے بعد چوتھی بار کامیابی سے لینڈنگ کی جسے حکام نے ’معجزانہ لینڈنگ‘ قرار دیا ہے۔
عرب خبررساں ادارے کے مطابق فلائی جناح کی پرواز کی پرواز صبح 11 بج کر 20 منٹ پر کراچی سے روانہ ہوئی اور اسے دوپہر 12 بجکر 40 منٹ پر کوئٹہ پہنچنا تھا تاہم پرواز 2 بج کر چھ منٹ پر کوئٹہ پہنچی۔فلائی جناح نے تاخیر کی وجہ نہیں بتائی تاہم کوئٹہ ایئرپورٹ اور سول ایوی ایشن کے ذرائع نے بتایا کہ ’مٹی کے طوفان اور تیز ہواؤں کے باعث طیارہ تقریباً ایک گھنٹہ فضا میں چکر لگاتا رہا۔ اس دوران پائلٹ نے تین مرتبہ لینڈنگ کی ناکام کوشش کی مگر ہر بار ہوا کی شدت کے باعث طیارے کو دوبارہ فضا میں بلند کرنا پڑا۔‘
پرواز کے ایک مسافر نے بتایا کہ لینڈنگ کی کوششوں کے دوران جہاز مسلسل جھٹکے کھا رہا تھا جس کی وجہ سے سب مسافروں میں بے چینی پھیل گئی۔ بالآخر چوتھی کوشش میں پرواز نے لینڈ کیا جس پر جہاز میں سوار مسافروں نے اطمینان کا اظہار کیا اور شکر ادا کیا۔
سول ایوی ایشن ذرائع کے مطابق پرواز میں سوار تین مسافروں کی موشن سیکنیس کی وجہ سے حالت خراب ہوگئی تاہم لینڈنگ کے بعد ان کی حالت سنبھل گئی اور طبی امداد کی ضرورت نہیں پڑی۔
کمشنر کوئٹہ حمزہ شفقات نے لینڈنگ کو ’معجزانہ‘ قرار دیتے ہوئے بتایا کہ شدید گرد آلود ہواؤں میں طیارہ چار بار لینڈنگ کی کوشش کرتا رہا اور ایندھن بھی کم ہو چکا تھا تاہم خوش قسمتی سے حادثے سے بچاؤ ممکن ہوا۔حمزہ شفقات نے کہا کہ ’انہیں بتایا گیا تھا کہ طیارے میں صرف 11 منٹ پرواز کا فیول باقی رہ گیا تھا۔ فلائی جناح کے جواب کا انتظار ہے۔‘
انہوں نے واضح کیا کہ سوشل میڈیا پر گردش کرنے والی مسافروں کے بے ہوش ہونے کی خبریں بے بنیاد ہیں، الحمدللہ تمام مسافر محفوظ ہیں۔
ڈاکٹر سہیل خان نامی صارف نے سوشل میڈیا پر اپنی طویل پوسٹ میں لکھا کہ ’جہاز کے اندر افراتفری کا عالم تھا، بچے رو رہے تھے، ضعیف مسافر قے کر رہے تھے، لوگ خوف سے سانس روک کر بیٹھے تھے۔ جیسے ہی طیارہ زمین پر آیا، پورے کیبن میں ایک اجتماعی اطمینان اور سکون کی لہر دوڑ گئی۔‘
’بعد میں ہمیں ایک ہولناک حقیقت کا علم ہوا کہ لینڈنگ کے وقت طیارے کے پاس صرف 11 منٹ کا ایندھن باقی تھا۔‘
انہوں نے کہا کہ ’یہ صرف ایک خطرناک لمحہ نہیں تھا، یہ ایک مکمل سانحہ ہونے کے دہانے پر تھا۔ سینکڑوں خاندان اپنے پیاروں کو کھو سکتے تھے۔ پاکستان سول ایوی ایشن اتھارٹی کو اس واقعے کی مکمل اور غیر جانبدارانہ تحقیقات کرنی چاہییں۔‘
مزیدپڑھیں:قطری امیر کی اہلیہ کی ڈونلڈ ٹرمپ سے ملنے کی ویڈیو عرب میڈیا پر وائرل
ذریعہ: Daily Ausaf
کلیدی لفظ: لینڈنگ کی کوشش فلائی جناح
پڑھیں:
شاہ محمود قریشی سے سابق رہنمائوں کی ملاقات کی اندرونی کہانی سامنے آگئی
شاہ محمود قریشی سے سابق رہنمائوں کی ملاقات کی اندرونی کہانی سامنے آگئی WhatsAppFacebookTwitter 0 1 November, 2025 سب نیوز
لاہور (آئی پی ایس )پاکستان تحریک انصاف کے سینئر وائس چیئرمین شاہ محمود قریشی سے جمعہ کو لاہور میں پارٹی کے سابق رہنمائوں کی ملاقات کی اندرونی کہانی سامنے آگئی۔ذرائع نے کہا کہ پاکستان تحریک انصاف کی پرانی قیادت ریلیز عمران خان تحریک چلانے کے لیے تیار ہیں، تحریک میں فواد چوہدری، عمران اسماعیل ،علی زیدی ، محمود مولوی، سبطین خان اور دیگر رہنما موجود ہوںگے۔
ذرائع نے کہا کہ سابق قیادت نے بانی پی ٹی آئی کی رہائی کے لیے اہم فیصلے کیے، پی ٹی آئی کی سابقہ قیادت نے اسٹبلشمنٹ سے رابطوں اور مسلم لیگ ن کی اعلی قیادت سے بھی ملاقات کا فیصلہ کیا۔ذرائع کے مطابق ملک میں سیاسی درجہ حرارت نیچے لانے کا فیصلہ کیا گیا، عمران خان سے ملاقات بھی کی جائے گی، پی ٹی آئی کی سابقہ قیادت شاہ محمود قریشی کی رہائی کے لیے بھی سرگرم ہے۔ذرائع نے کہا کہ پی ٹی آئی کی سابقہ قیادت نے شاہ محمود قریشی کو بات چیت کے ذریعے معاملات کو حل کرنے اور سیاسی درجہ حرارت نیچے لانے کے لیے قائل کرنے کی کوشش کی، شاہ محمود قریشی کو تمام تر معاملات کو حل اور درست کرنے کے کردار ادا کرنے پر گفتگو ہوئی۔سابقہ قیادت کا مقف ہے کہ پی ٹی آئی کی موجودہ قیادت عمران خان کو باہر نہیں نکال سکتی۔
سابقہ قیادت نے سابق سینیٹر اعجاز چوہدری، سابق صوبائی وزیر میاں محمود الرشید اور سابق گورنر پنجاب عمر سرفراز چیمہ سے بھی ملاقات کی، ملاقات کے دوران موجودہ سیاسی صورتحال پر بھی تبادلہ خیال کیا گیا۔تحریک انصاف کے سابق رہنماں نے حکومتی وزرا سے ملنے کا فیصلہ کیا ہے جب کہ فواد چوہدی کی سربراہی میں تین رکنی وفد مولانا فضل الرحمن سے بھی ملاقات کرے گا۔ملاقات میں ملکی سیاسی درجہ حرارت کو کم کرنے پر بات چیت ہوگی، فواد چوہدری نے کہا کہ پی ٹی آئی سے شاہ محمود قریشی، اعجاز چوہدری اور دیگر رہنماوں سے ملاقاتیں ہوئیں ہیں، پی ٹی آئی کی قیادت نے سیاسی قیدیوں کو باہر لانے کی کوشش کی تائید کی ہے۔فواد چوہدری نے کہا کہ ہماری کوشش ہو گی کہ حکومت ایک قدم آگے بڑھے، تحریک انصاف کے رہنماوں سے درخواست کی ہے کہ وہ ایک قدم پیچھے ہٹے، سیاسی درجہ حرارت کم ہو گا تو ہی ملک آگے بڑھ سکے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپاکستان کے بلال بن ثاقب دنیا کے بااثر ترین کرپٹو رہنما ئوں میں شامل پاکستان کے بلال بن ثاقب دنیا کے بااثر ترین کرپٹو رہنما ئوں میں شامل اینٹی ٹیرف اشتہار پر صدر ٹرمپ سے معافی مانگ لی، کینیڈین وزیرِاعظم فورسز کی موثر کاروائیاں،عسکریت پسندوں کو اکتوبر میں تباہ کن نقصانات کا سامنا امریکا نے چین کی معدنی بالادستی کے توازن کیلئے پاکستان سے مدد طلب کرلی خطے میں کسی نے بدمعاشی ثابت کی تو پاکستان بھرپور جواب دے گا: ملک احمد خان بھارتی خفیہ ایجنسی نے پاکستانی مچھیرے کو پیسوں کا لالچ دیکر اپنے لیے کام کرنے پر آمادہ کیا، عطا تارڑCopyright © 2025, All Rights Reserved
رابطہ کریں ہماری ٹیم
چین-آسیان فری ٹریڈ ایریا 3.0 اپ گریڈ پروٹوکول پر باضابطہ دستخط ہو گئے