ایئرسیال کا پاکستان سے دبئی کیلئے ہفتہ وار 9 پروازوں کا اعلان
اشاعت کی تاریخ: 20th, May 2025 GMT
لاہور ( اُردو پوائنٹ اخبارتازہ ترین۔ 20 مئی 2025ء ) ملک کی نجی فضائی کمپنی ایئرسیال نے پاکستان سے دبئی کیلئے ہفتہ وار 9 پروازوں کا اعلان کردیا۔ تفصیلات کے مطابق ایئر سیال نے 2 جون 2025 سے پاکستان کے مختلف شہروں سے دبئی کے لیے ہفتہ وار 9 پروازوں کا باقاعدہ آغاز کرنے کا اعلان کیا ہے، یہ اعلان ایئر سیال کی جانب سے مسافروں کو بہتر سہولیات فراہم کرنے کی کوششوں کا تسلسل ہے جس کا مقصد پاکستان اور دبئی کے درمیان فضائی روابط کو مزید مضبوط بنانا ہے، اس نئی سروس کے ذریعے اب مسافر زیادہ سہولت، آسانی اور تسلسل کے ساتھ دبئی کا سفر کر سکیں گے۔
بتایا گیا ہے کہ ایئرسیال کی دبئی کے لیے پروازوں کا آغاز لاہور اور اسلام آباد سے ہوگا، ان دونوں شہروں سے مجموعی طور پر دبئی کے لیے ہفتہ وار 9 پروازیں آپریٹ کی جائیں گی، جن میں سے 2 پروازیں لاہور سے جب کہ 7 پروازیں اسلام آباد سے دبئی روانہ ہوں گی اور دبئی کے لیے براہِ راست سفر کی سہولت فراہم کریں گی، ایئرسیال نے دبئی فلائٹ آپریشن کے لیے تمام تر تیاریاں مکمل کرلی ہیں اور اس سلسلے میں ٹکٹوں کی بکنگ کا سلسلہ بھی جلد شروع کردیا جائے گا۔(جاری ہے)
حال ہی میں پاکستان کی تیسری نجی ائیر لائن میں نئے طیارے کا اضافہ کیا گیا ہے، بورڈ آف ڈائریکٹرز کے اجلاس سے خطاب کرتے ہوئے چئیرمین ائیرسیال فضل جیلانی نے کہا کہ مجھے یہ بتاتے ہوئے خوشی محسوس ہو رہی ہے کہ اللہ تعالیٰ کے فضل و کرم سے ہم اپنے 6 ویں ایئربس A320 AP-BPF کو ائیر سیال بیڑے میں شامل کررہے ہیں اور ساتھ نئی بلندیوں کی طرف بڑھ رہے ہیں، ہمارے تازہ ترین طیارے نے جناح بین الاقوامی ہوائی اڈے پر خوبصورتی سے اپنے قدم رکھ لیے ہیں جو اپنی جگہ لینے کے لئے تیار ہے، پاکستان کی تیسری نجی ائیرلائن کامیاب ڈومیسٹک آپریشن کے بعد بین الاقوامی پروازوں کا آغاز ایئر سیال کی بڑی کامیابی ہے، خلیجی ممالک کیلئے پروازیں چلانے کے ساتھ یورپی ممالک میں وسیع پیمانے پر بھی آپریشن شروع کرے گی۔.ذریعہ: UrduPoint
کلیدی لفظ: تلاش کیجئے دبئی کے لیے پروازوں کا ہفتہ وار 9
پڑھیں:
روس کا پاکستانی طلباء کیلئے اسکالرشپ پروگرام کا اعلان
— فائل فوٹوروسی حکومت نے پاکستانی طلباء کے لیے اسکالرشپ پروگرام کے آغاز کا اعلان کر دیا۔
اس اسکالر شپ پروگرام کے آغاز کے اعلان کے بعد اب پاکستانی طلباء روس کی معروف یونیورسٹیوں میں بیچلرز، ماسٹرز اور پی ایچ ڈی کی ڈگریوں کے حصول کے لیے درخواست دے سکتے ہیں۔
اسلام آباد میں موجود روسی سفارت خانے کے ترجمان ایگور کولیسنیکوف نے ’دی نیوز‘ کو بتایا کہ رشیئن سینٹر فار سائنس اینڈ کلچر پاکستان میں موجود واحد ادارہ ہے جو اسکالرشپ پروگرام کے تحت پاکستانی طلباء کو نامزد کرنے کا مجاز ہے۔
اُنہوں نے مزید بتایا کہ اسکالرشپ ڈگری کی پوری مدت پر محیط ہے اور اس میں ماہانہ وظیفہ بھی شامل ہے یعنی طلباء کو داخلہ اور ٹیوشن فیس نہیں دینی پڑے لیکن سفر اور روز مرہ کے اخراجات خود برداشت کرنا ہوں گے۔
اس اسکالر شپ پروگرام کے لیے درخواستیں جمع کروانے کی آخری تاریخ 15 جنوری 2026ء ہے۔ درخواستیں روسی فیڈریشن کے سرکاری تعلیمی پورٹل کے ذریعے آن لائن قبول کی جا رہی ہیں جہاں ممکنہ امیدواروں کو اپنے پسندیدہ شعبے اور ڈگری کا انتخاب کرکے متعلقہ تعلیمی دستاویزات جمع کروانے ہیں۔
جن طلباء کو شارٹ لسٹ کیا جائے گا ان کو بعد میں میڈیکل اور فٹنس سرٹیفکیٹ اور ان سرٹیفیکیٹس کا مصدقہ روسی ترجمہ بھی فراہم کرنا ہوگا۔
انتخاب کا عمل تعلیمی قابلیت اور اور معاون محکموں کی جانچ پر مبنی ہوگا۔
پاکستان اور افغانستان کے مذاکرات ناکام ہوگئے، طالبان حکومت افغان عوام کو غیر ضروری جنگ میں دھکیلنا چاہتی ہے، عطاء تارڑ