صدر ٹرمپ کی جنوبی افریقہ کے صدر سے ملاقات کے دوران تناو
اشاعت کی تاریخ: 22nd, May 2025 GMT
واشنگٹن(اردوپوائنٹ اخبارتازہ ترین-انٹرنیشنل پریس ایجنسی۔ 22 مئی ۔2025 )صدر ڈونلڈ ٹرمپ اور جنوبی افریقہ کے صدر سیرل رامافوسا کو کے درمیان وائٹ ہاﺅس میں دونوں ممالک کے درمیان تناو میں کمی لانے کی ایک کوشش کے طور پر ملاقات ہوئی تاہم صدر ٹرمپ کی جانب سے جنوبی افریقہ میں سفید فام کسانوں کے استحصال کے دعوی پر ملاقات میں تلخی آگئی صدر سیرل رامافوسا کا کہنا ہے کہ ان کا دورہ دونوں ممالک کے تعلقات میں بہتری کے لیے ہے .
(جاری ہے)
لائیو پریس کانفرنس کے دوران معاملہ اس وقت بگڑگیا جب امریکی صدر نے جنوبی افریقہ میں ”سفید نسل کشی“ سے متعلق دعوے کودہرایا جبکہ ان دعوﺅں کی پہلے ہی بڑے پیمانے پر تردید کی جاچکی ہے وائٹ ہاﺅس کی جانب سے پریس کانفرنس کے دوران نے ایک ویڈیو چلائی گئی جس میں سڑک کے کنارے پر ہزاروں صلیبیں دکھائیں جن کے قریب مظاہرہ کیا جا رہا تھا ویڈیو میں دعوی کیا کہ یہ دراصل ہلاک کیے گئے سفید فاموں کی آخری آرام گاہیں ہیں. صدرٹرمپ نے کہا کہ انہیں یہ معلوم نہیں کہ یہ جنوبی افریقہ میں کس جگہ فلمائی گئی ملاقات سے قبل جنوبی افریقہ کے صدر نے اس بات پر زور دیا تھا کہ امریکہ کے ساتھ تعلقات میں بہتری ان کی پہلی ترجیح ہے ٹرمپ کی نئی ٹیرف پالیسی کے مطابق جنوبی افریقہ کی جانب سے امریکہ کے لیے برآمدات پر جولائی کے بعد سے 30 فیصد ٹیرف لگائے جانے کا امکان ہے. امریکی نشریاتی ادارے کی رپورٹ میں بتایا گیا ہے کہ اوول آفس کی میٹنگ کا آغاز دوستانہ رہا لیکن پھر ٹرمپ نے اچانک کمرے میں روشنیاں مدھم کرنے کی درخواست کی تاکہ وہ ایک ویڈیو پریزینٹیشن دکھا سکیں جس کے بعد ماحول میں تناﺅ آگیاویڈیو میں جنوبی افریقہ کے سرکردہ اپوزیشن راہنما جولیئس مالیما کی آواز میں یہ الفاظ سنائی دیتے ہیں ”شوٹ دی بوئر، شوٹ دی فارمر“اس ویڈیو میں ایک ایسا میدان بھی دکھایا گیا جس میں صلیبیں لگی ہوئی تھیں جو امریکی صدر کے مطابق سفید فام کسانوں کی آخری آرامگاہیں تھیں تاہم یہ صلیبیں دراصل قبریں نہیں بلکہ ایک احتجاج کا حصہ تھیں جس میں ہلاک ہونے والے کسانوں کے ورثا اور دیگر تنظیموں کی جانب سے مظاہرہ کیا جا رہا تھا. بعد ازاں رامافوسا نے کہا کہ انہیں امید ہے کہ ٹرمپ جنوبی افریقہ کے لوگوں کی آوازوں کو سنیں گے انہوں نے اپنے وفد کے سفید فام افراد کا ذکر کیا جن میں گالفرز ایرنی ایلس اور ریٹیف گوسن اور جنوبی افریقہ کے امیر ترین شخص جوہان روپرٹ کا بھی شامل تھے رامافوسا نے کہا کہ اگر وہاں نسل کشی ہوتی تو یہ تینوں افراد آج یہاں نہ ہوتے . جس پرٹرمپ نے انہیںٹوکا اور کہا کہ آپ انہیں زمین خریدنے کی اجازت دیتے ہیں اور جب وہ زمین خریدتے ہیں تو وہ سفید فام کسانوں کو ہلاک کرتے ہیں اور جب وہ ایسا کرتے ہیں تو ان کے ساتھ کچھ نہیں ہوتا رامافوسا نے جواب دیا ایسا نہیں ہے رامافوسا کی جانب سے رواں سال ایک متنازع قانون کی توثیق کی گئی تھی جس کے تحت حکومت کسی بھی ذاتی ملکیت والی زمین ضبط کر سکے گی اور کچھ کیسز میں تو معاوضہ دیے بغیر تاہم جنوبی افریقی حکومت کا کہنا ہے کہ تاحال کوئی زمین اس قانون کے تحت ضبط نہیں کی. رامافوسا نے کہا کہ ہمارے ملک میں جرائم کی شرح زیادہ ہے جو لوگ جرائم پیشہ افراد کے ہاتھوں ہلاک ہوتے ہیں وہ صرف سفید فام نہیں ان کی اکثریت سیاہ فاموں کی ہوتی ہے ٹرمپ نے صلیبوں کا تذکرہ کرتے ہوئے کہا کہ یہ کسان سیاہ فام نہیں میں یہ نہیں کہہ رہا کہ یہ صحیح ہے یا غلط لیکن یہ کسان سیاہ فام نہیں جنوبی افریقہ کی جانب سے نسل کی بنیاد پر جرائم کے اعداد و شمار نہیں بتائے جاتے لیکن تازہ ترین اعداو شمار کے مطابق اکتوبر اور دسمبر 2024 کے درمیان ملک میں 10 ہزار افراد قتل ہوئے ان میں سے ایک درجن کے قریب فارمز پر کیے گئے حملوں کے دوران ہلاک ہوئے اور ہلاک ہونے والے 12 افراد میں سے ایک کسان تھا جبکہ باقی چار مزدور اور پانچ خانہ بدوش تھے جن کے بارے میں یہی کہا جاتا ہے کہ وہ سیاہ فام ہو سکتے ہیں. جب ٹرمپ نے اس مسئلے پر زور دیا تو رامافوسا مطمئن نظر آئے اور مذاق میں کہا کہ جناب صدرمیں معذرت خواہ ہوں، آپ کو جہاز تحفے میں نہیں دے سکتا خیال رہے کہ گذشتہ روز امریکی محکمہ دفاع نے تصدیق کی ہے کہ قطر کی جانب سے تحفے میں دیا گیا ایک لگژری بوئنگ 747 طیارہ صدر ٹرمپ کے نئے ائیر فورس ون کے طور پر استعمال کے لیے قبول کر لیا گیا ہے. رامافوسا نے ملاقات میں نیلسن مینڈیلا کا ذکر کرتے ہوئے کہا کہ جنوبی افریقہ نسلی مفاہمت کے حوالے سے پرعزم ہے جنوبی افریقہ کے صدر ٹرمپ کے ساتھ کسی تکرار میں پڑنے سے گریز کرتے رہے اجلاس کے بعد جنوبی افریقہ کے اپوزیشن راہنما ملیما نے” ایکس“ پر لکھا کہ یہ عمر رسیدہ افراد کی جانب سے واشنگٹن میں میرے بارے میں کیا گیا ایک اجلاس تھا سفید فام نسل کشی کے بارے میں زیادہ انٹیلیجنس فراہم نہیں کی گئی. صدر اوبامہ کے دور میں جنوبی افریقہ کے لیے سابق امریکی سفیر ہیلینا ہمفری نے کہا کہ یہ اجلاس صحیح معنوں میں شرمندہ کرنے والا تھا انہوں نے کہا کہ یہ واضح ہے کہ جنوبی افریقہ کے صدر کو شرمندہ کرنے کی نیت سے ان کے لیے ایک جال بچھایا گیا تھا.
ذریعہ
ذریعہ: UrduPoint
کلیدی لفظ: تلاش کیجئے جنوبی افریقہ کے صدر رامافوسا نے کی جانب سے نے کہا کہ سیاہ فام کے دوران سفید فام کے لیے
پڑھیں:
دیوار سے لگانے کی کوشش کی گئی تو وفاقی بجٹ پاس نہیں ہونے دیں گے ؛ سہیل آفریدی
سٹی 42:سہیل آفریدی نے احتجاج کی کال دیتےہوئے کہا اگر اس مرتبہ بھی دیوار سے لگانے کی کوشش کی گئی تو ملک بھر سے پارلیمنٹرین 10جون کو قومی اسمبلی کے سامنے دھرنا دیں گے اور وفاقی بجٹ بھی پاس نہیں ہونے دیں گے۔
وزیر اعلی کے پی فیکٹری ناکہ سے واپس روانہ ہو گئے ۔ وزیر اعلی سہیل آفریدی کی فیکٹری ناکہ سے روانگی سے قبل میڈیا ٹاک میں کہا اگر اس مرتبہ بھی دیوار سے لگانے کی کوشش کی گئی تو ملک بھر سے پارلیمنٹرین 10جون کو قومی اسمبلی کے سامنے دھرنا دیں گے اور وفاقی بجٹ بھی پاس نہیں ہونے دیں گے۔2026-27کا بجٹ پیش کرنے جا رہے ہیں،مطالبہ کے کہ کے پی حکومت بانی کی ہے۔کے پی عوام نے بانی کو ووٹ دیا وہ انکو چاہتی ہے ۔کے پی عوام چاہے گی کہ بجٹ بانی کی خواہشات کے مطابق بنے ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
بجٹ کے حوالے سے میری اور وزیر خزانہ سے ملاقات ہو تاکہ ان سے بجٹ کی اپروول لے سکیں۔ہم کل اسلام آباد ہائیکورٹ میں ایک پٹیشن دائر کرنے جا رہے ہیں،امید ہے اس دفعہ ہمیں ملاقات کی اجازت دی جائے گی،آج بھی بانی کی فیملی سے ملاقات نہیں ہونے دی گئی۔بانی نے کوئی جرم نہیں کیا،انکو اغوا کرکے ناحق قید رکھا گیا ہے۔
پنجاب کی جعلی حکومت،جیل انتظامیہ کی وجہ سے بانی کی آنکھ میں مسئلہ ہوا،عوام میں تشویش ہے کہ بانی کی ملاقات بند ہے،وہ اندر کیا کر رہے ہیں کہ تمام چیزیں روکی ہوئی ہیں۔یہ کیوں ملاقات نہیں کروا رہے،کے پی سے امتیازی سلوک کیوں کیا جا رہا ہے،میں نے ملاقات کا مطالبہ کرکےکوئی غلط ڈیمانڈ نہیں کی۔کے پی میں عوام نے بانی کو مینڈیٹ دیا یہ انکا حق ہے کہ بجٹ بانی کی مرضی کے مطابق ہو ۔ کے پی کا وزیر اعلی بانی تبدیل کر سکتے ہیں باقی کسی میں جرات نہیں،وہ ہلا بھی سکے ۔محسن نقوی سے ملاقات بیرسٹر گوہر کے کہنے پر ہوئی ۔افغانستان ہمارا برادر اسلامی ملک ہے،وہاں پر کیا انٹرسٹ ہو سکتا ہے اگر ہم ان سے لڑائی کریں ۔کسی کی خوشنودی کے لئے ان سے تعلقات خراب ہو رہے ہیں،
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
بجٹ میں بانی کی ہدایات کو شامل کیا گیا ہے،سوشل ویلفیئرتعلیم،صحت کو شامل کیا گیا ۔بانی نے کہا تھا کہ جنگ کسی مسئلے کا حل نہیں پاکستان کو ثالثی کا کردار ادا کرنا چاہیئے
2026میں پاکستان انکے مشورے پر عمل کرتا ہے تو دنیا میں اسکی واہ واہ ہوتی ہے ۔ہر بندہ بولتا ہے کہ کرپشن ہو رہی ہے میں نے وزیراعلی کے دروازے کھلے رکھے ہیں کرپشن کے ثبوت لائیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ