بھارتی دستوں نے سرحد پار کرنے والے پاکستانی کو گولی مار دی
اشاعت کی تاریخ: 24th, May 2025 GMT
اسلام آباد (اُردو پوائنٹ ۔ DW اردو۔ 24 مئی 2025ء) بھارتی ریاست گجرات کے شہر احمد آباد سے ہفتہ 24 مئی کو ملنے والی رپورٹوں کے مطابق بھارت کی بارڈر سکیورٹی فورس (بی ایس ایف) نے بتایا کہ ایک پاکستانی شہری دونوں حریف ہمسایہ ممالک کے مابین بین الاقوامی سرحد پار کر کے بھارت میں داخل ہو گیا تھا۔
'ہم نے بھارتی بیانیے کا کامیابی سے مقابلہ کیا‘، پاکستانی وزیر خارجہ
اس پر سکیورٹی اہلکاروں نے اسے رکنے کے لیے کہا مگر جب اس نے مبینہ طور پر ایسا نہ کیا، تو بی ایس ایف کے دستوں نے اس پر فائرنگ کر دی، جس کے نتیجے میں وہ ہلاک ہو گیا۔
یہ واقعہ ریاست راجستھان میں سرحد پر پیش آیاانڈین بارڈر سکیورٹی فورس کے مطابق یہ واقعہ جمعہ 23 مئی کی شام ریاست راجستھان کے ضلع بناس کنٹھا میں پیش آیا۔
(جاری ہے)
بی ایس ایف کے جاری کردہ بیان کے مطابق، ''یہ شخص پاکستان سے بھارتی علاقے میں در اندازی کا مرتکب ہوا تھا۔ جب اسے فوراﹰ رک جانے کے لیے کہا گیا، تو بھی وہ مسلسل آگے بڑھتا رہا۔
اس پر اس شخص پر فائرنگ شروع کر دی گئی۔‘‘پاکستان کو وہ پانی نہیں ملے گا جس پر بھارت کا حق ہے، بھارتی وزیراعظم مودی
آپریشن سندور جاری مگر فی الوقت غیر فعال، بھارتی وزیر خارجہ
بیان کے مطابق، ''یہ شخص موقع پر ہی ہلاک ہو گیا۔‘‘ بعد ازاں بی ایس ایف نے اس شخص کی جو تصویر جاری کی، اس میں دیکھا جا سکتا تھا کہ زمین پر ایک ایسے شخص کی لاش پڑی تھی، جس کے بال کافی حد تک سفید تھے۔
پاکستان کی طرف سے اس واقعے پر آخری خبریں ملنے تک کوئی ردعمل ظاہر نہیں کیا گیا تھا۔
پاکستان اور بھارت کے مابین جنگ بندیپاکستان اور بھارت کے درمیان بین الاقوامی سرحد پر یہ واقعہ ایک ایسے وقت پر پیش آیا، جب دونوں حریف ہمسایہ ممالک کے مابین حالیہ چار روزہ مسلح تصادم کے بعد ہونے والی جنگ بندی کو ابھی قریب دو ہفتے ہی ہوئے ہیں۔
کیا جنرل عاصم منیر کو فیلڈ مارشل بنانا عجلت کا فیصلہ ہے؟
اس مختصر پاک بھارت جنگ میں دونوں ممالک میں 70 سے زائد افراد مارے گئے تھے اور اطراف نے ایک دوسرے کے خلاف فضائی حملوں اور جنگی ڈرونز کے ساتھ ساتھ میزائلوں اور زمینی توپ خانے کا استعمال بھی کیا تھا۔
پاک بھارت مذاکرات کے لیے سعودی عرب ممکنہ غیر جانبدار میزبان، شہباز شریف
پاکستان اور بھارت کے مابین اس عسکری تصادم کی وجہ بھارت کے زیر انتظام کشمیر میں پہلگام کے علاقے میں 22 اپریل کو کیا جانے والا وہ خونریز حملہ بنا تھا، جس میں مسلح عسکریت پسندوں کے حملے میں 26 بھارتی سیاح مارے گئے تھے۔
دونوں ممالک کے درمیان یہ گزشتہ چند عشروں کے دوران ہونے والا سب سے ہلاکت خیز فوجی تصادم تھا۔
نئی دہلی حکومت نے پہلگام حملے کا الزام پاکستان پر لگاتے ہوئے کہا تھا کہ وہ ان عسکریت پسندوں کی حمایت کرتا ہے، جنہوں نے یہ حملہ کیا تھا۔ اس کے برعکس پاکستان کی طرف سے ایسے تمام بھارتی الزامات کی تردید کی جاتی ہے۔
ادارت: شکور رحیم
.ذریعہ: UrduPoint
کلیدی لفظ: تلاش کیجئے بی ایس ایف کے مطابق کے مابین بھارت کے
پڑھیں:
پاکستان سے متعلق بھارتی میڈیا کا ایک اور جھوٹا پروپیگنڈا سامنے آگیا
—فائل فوٹوپاکستان سے متعلق بھارتی میڈیا کا ایک اور جھوٹا پروپیگنڈا سامنے آگیا۔
بھارتی چینل نے دعویٰ کیا کہ پاکستانی پاسپورٹ سے ’اسرائیل کے لیے ناقابل استعمال‘ کی شق ختم کر دی گئی۔
اس حوالے سے وزارت خارجہ کا کہنا ہے کہ پاکستانی پاسپورٹ میں ’اسرائیل کے لیے ناقابل استعمال‘ کی شق بدستور برقرار ہے، پاکستانی پاسپورٹ میں ایسی کوئی تبدیلی نہیں کی گئی۔
دوسری جانب ڈی جی پاسپورٹس کا کہنا ہے کہ پاسپورٹ پر اب بھی درج ہے کہ یہ اسرائیل کے علاوہ تمام ممالک کے لیےقابل استعمال ہے۔
وزارت اطلاعات کی جانب سے کہا گیا کہ پاکستان کا اسرائیل سے متعلق مؤقف بالکل واضح اور دو ٹوک ہے، پاکستان نے نہ کبھی اسرائیل کو تسلیم کیا نہ ہی کسی قسم کا فوجی تعاون زیرِ غور ہے۔
محبت، بلیک میلنگ اور قتل، خوفناک واردات کی تفصیل سامنے آگئی