امریکا اپنی مٹی پلید ہونے سے بچنے کی خاطر جنگ بندی کیلیے میدان میں آیا، وزیراعلیٰ سندھ
اشاعت کی تاریخ: 24th, May 2025 GMT
کراچی:وزیراعلیٰ سندھ سید مراد علی شاہ نے کہا ہے کہ پاک افواج نے جب فرانسیسی طیارے اور اسرائیلی ڈرونز گرائے تو امریکا شاید اپنی مٹی پلید ہونے سے بچنے کیلیے ثالثی کیلیے کودا۔
کراچی کے آرٹس کونسل میں منعقدہ تقریب سے خطاب کرتے ہوئے وزیراعلیٰ سندھ نے کہا کہ مجھے یہ بات سمجھ نہیں آئی کہ جب بھارت جارحیت کررہا تھا تو امریکا نے اسے پاکستان اور بھارت کا آپسی مسئلہ قرار دیا۔
انہوں نے کہا کہ دس مئی کو بھارت نے پھر حملہ کیا تو پاکستان نے رسپانس دینے کا فیصلہ کیا، پاک فوج نے اجازت طلب کی اور ہماری افواج پاکستان نے بھرپور جواب دیا اور جس جس جگہ سے انہوں نے حملہ کیا پاکستان نے صرف انہی آرمی کیمپس کو نشانہ بنایا۔
وزیراعلیٰ نے کہا کہ آپریشن بنیان مرصوص صرف تین گھنٹے جاری رہا اور پھر سوا آٹھ بجے امریکا سے کال آئی اور کہا کہ ہندوستان جنگ بندی کے لیے تیار ہے۔
انہوں نے کہا کہ یہ جنگ جب شروع ہوئی تو امریکا نے کہا کہ یہ ہمارا نہیں بلکہ دونوں ممالک کا آپس کا مسئلہ ہے، مجھے لگتا ہے فرانس کے جہاز گرے تو بھارت نے فرانس کو رسوا کروا دیا، پھر اسرائیل کے ڈرون بھیجے ہم نے وہ بھی گرا دیئے ۔
وزیراعلیٰ نے کہا کہ امریکا نے بھی جنگ کے دوران بھارت کو بہت کچھ دیا ہوا ہوگا، شاید اسی لیے امریکا کو بیچ میں جنگ بندی کرنے آنا پڑا کیونکہ انہیں لگتا تھا کہ کہیں ہماری بھی مٹی پلید نہ ہوجائے اور پھر جنگ بندی کروادی گئی۔
انہوں نے کہا کہ 1965 میں میں پیدا تو ہوگیا تھا لیکن مجھے یاد نہیں، ہاں 1971 کی جنگ بہت اچھے سے یاد ہے مجھے، اُس وقت خون کی ضرورت تھی اور ایک بچہ چلا گیا تھا، چونکہ خون کے لیے ایک وزن کی مقدار درکار ہوتی ہے اس کے لیے ایک بچے کا وزن کم تھا تو وہ 2,3 کلو کے پتھر جیب میں لے گیا۔
وزیراعلیٰ نے کہا کہ اس جنگ ہے بعد جذبہ ہم نے آج دیکھا، جب ہر میدان میں پاکستان نے اچھی کارکردگی کا مظاہرہ کیا۔
مراد علی شاہ نے کہا کہ ابھی دو دن پہلے خضدار میں حملہ ہوا، بھارت نے اس پر کچھ نہیں کہا، جب وہاں حملہ ہوا ہم نے فوری اس پر اپنا بیان جاری کیا، 6 اور 7 مئی کو بھارت نے مساجد پر حملہ کیا، اس کے بعد ان کی فضائیہ نے جہاز اڑائے، پورا پاکستان جاگ رہا تھا، جب ان کے جہاز اڑے تو ایسا لگا کہ حالات نہ جانے کہاں جائیں گے، لیکن ہمارے شاہینوں نے زبردست کارکردگی کا مظاہرہ کیا اور ہم نے ان کے رافیل گرا ڈالے جو ان کے بہت اچھے جہاز تھے۔
وزیراعلیٰ نے کہا کہ جس طرح جنگ کے دوران اور بعد میں ہمارے ڈی جی آئی ایس پی آر نے میڈیا کو ہینڈل کیا اس کا جواب نہیں، ہر شخص نے ہر میدان میں اپنا کام سر انجام دیا۔
انہوں نے کہا کہ جب ہم سب متحد ہوئے تو کچھ گھنٹے بھی دشمن ہمارا مقابلہ نہیں کرسکا، ہم سمجھ رہے تھے کہ یوتھ ہماری بھارت سے پیچھے ہے، لیکن ہماری یوتھ نے بھی انہیں سوشل میڈیا پر شکست دی۔
وزیراعلیٰ نے کہا کہ مجھے شہید ذوالفقار علی بھٹو کی تقریر یاد ہے، جب انہوں نے جنگ کے موقع پر بھارت کو مخاطب کرتے ہوئے کہا، کہ بھارت تم جنگ کا سوچنا بھی نہیں کیوں کہ ہمارا بچہ بچہ جنگ کے لیے تیار ہے۔
انہوں نے یقین دہانی کرائی کہ حکومت کسی بھی طرح سے اپنی قوم کو مایوسی کا شکار نہیں ہونے دے گی۔
Post Views: 1.ذریعہ: Daily Mumtaz
کلیدی لفظ: انہوں نے کہا کہ پاکستان نے نے کہا کہ ا بھارت نے جنگ کے کے لیے
پڑھیں:
خضدار بس کے دلخراش واقعہ میں ہمارے بچوں نے عظیم قربانی دی؛ عطا تارڑ
سٹی 42 : وزیر اطلاعات عطاء اللہ تارڑ نے کہا ہے کہ خضدار بس کے دلخراش واقعہ میں ہمارے بچوں نے عظیم قربانی دی، خضدار واقعہ میں متاثر ہونے والے بچوں کا عزم اور جذبہ بلند ہے ۔
وزیر اطلاعات عطاء اللہ تارڑ نے خضدار واقعہ میں زخمی ہونے والے بچوں کی عیادت اور اُن کے لواحقین سے ملاقات کی ۔
اس موقع پر انہوں نے میڈیا سے گفتگو کرتے ہوئے کہا کہ پاکستانی قوم کے جذبے کو کوئی شکست نہیں دے سکتا ۔ انہوں نے کہا کہ صوبیدار سلیم نے اپنی دو بیٹیوں کی تدفین کی، تیسرا بیٹا شدید زخمی ہے، صوبیدار سلیم اپنے بچوں کی شہادت اور زخمی ہونے کے باوجود ایمبولینس کے آگے پاکستان کے حق میں نعرے لگاتے رہے، ایک شخص کے چار بچے شدید زخمی ہوئے لیکن ان کے حوصلے بلند ہیں ۔
برطانیہ: بارشیں نہ ہونے سے خشک سالی کاخطرہ پیداہوگیا
عطاء اللہ تارڑ نے کہا کہ آج انٹرنیشنل اور نیشنل میڈیا کو خضدار میں اصل صورتحال سے آگاہ کرنے کے لئے لایا گیا ہے۔ انہوں نے کہا کہ بھارت معرکہ حق آپریشن بنیان مرصوص میں شکست کے بعد سافٹ ٹارگٹ پر اتر آ یا ہے، کلبھوشن یادیو کی بلوچستان سے گرفتاری ہمارے پاس بھارت کے دہشت گردی میں ملوث ہونے کا واضح ثبوت ہے، عسکریت پسندوں گلزار امام شمبے اور سرفراز بنگلزئی نے بھارتی سرپرستی کا خود اعتراف کیا ، بھارت اپنی پراکسیز کے ذریعے بلوچستان کو عدم استحکام کا شکار کرنا چاہتا ہے۔
شادباغ پولیس کی بڑی کارروائی، متحرک ڈکیت گینگ 8 گھنٹوں میں گرفتار
انہوں نے کہا کہ آپریشن معرکہ حق کے دوران بھی بلوچستان میں 33 حملے ہوئے ۔ اُن کے مطابق وزیراعظم شہباز شریف اور فیلڈ مارشل عاصم منیر کا عزم ہے کہ دہشت گردی کو جڑ سے اکھاڑ پھینکا جائے گا اور بلوچستان کو امن کا گہوارہ بنائیں گے ۔ عطاء اللہ تارڑ نے کہا کہ ڈی جی آئی ایس پی آر نے بھی بھارت کے دہشت گردی کی کارروائیوں میں ملوث ہونے کے شواہد پئش کئے ۔
عطاء اللہ تارڑ نے کہا کہ پاکستانی قوم متحد ہے، افواج پاکستان مکمل طور پر دہشت گردی سے نمٹںے کے لئے تیار ہے، فتنہ الہندوستان کو ہر جگہ بے نقاب کریں گے۔ انہوں نے کہا کہ یہ بات سمجھ سے بالاتر ہے کہ مودی کی حکومت کا بلوچستان کے واقعات سے کیا تعلق ہے؟، فتنہ الہندوستان کے دہشت گردوں کو انڈین میڈیا پر دیکھا گیا، جعفر ایکسپریس واقعہ کی ویڈیو ان دہشت گردوں نے انڈین میڈیا کو فراہم کی، بلوچستان میں دہشت گردی کی سرگرمیوں میں بھارت براہ راست ملوث ہے۔
شادباغ:پولیس کی کاروائی ،متحرک ڈکیت گینگ 8 گھنٹوں میں گرفتار
وزیر اطلاعات نے کہا کہ یہ واضح کر دینا چاہتے ہیں کہ ہمارے حوصلے اور عزم بلند ہیں، روایتی جنگ میں بھارت کو منہ کی کھانا پڑی، ان کے چھ جہاز گرائے، بھارت نے خود تسلیم کیا کہ ان کا بڑا نقصان ہوا ہے۔ انہوں نے کہاکہ ہماری مسلح افواج، وزیراعظم شہباز شریف، فیلڈ مارشل عاصم منیر، ایئر چیف ظہیر احمد بابر، نیول چیف نوید اشرف کا بھارتی جارحیت کا منہ توڑ جواب دینے میں مثالی کردار رہا ہے، ہماری بہادر افواج نے دہشت گردوں کو جہنم واصل کیا ۔
عارف والا، تھانہ صدر کی حدود میں وکیل قتل
انہوں نے کہا کہ تمام سیاسی جماعتیں اور ادارے مل کر بلوچستان میں امن بحال کریں گے، کسی بھی دہشت گرد کو ہر صورت سزا یقینی بنانے کے لئے کام کرنا ہوگا۔ انہوں نے کہا کہ گجرات کے قصائی شکست خوردہ وزیراعظم کو بہت بڑی شکست کا سامنا کرنا پڑا ہے، جب پاکستان میں فتح کا جشن منایا جا رہا تھا، اس وقت بھارت میں مودی حکومت سے سوال اٹھائے جا رہے تھے، بھارت نے رات کی تاریکی میں بزدلانہ حملہ کیا جس کا منہ توڑ جواب دیا گیا، بھارت اپنی خفت اور شرمندگی مٹانے کی کوشش کر رہا ہے، بھارت کے پاس اب صرف دھمکی آمیز رویہ باقی رہ گیا ہے۔
غزہ میں کئی ہفتوں بعد 90 امدادی ٹرک داخل، اقوام متحدہ کی تصدیق
انہوں نے مزید کہا کہ بھارتی دہشت گردی کی سرگرمیوں کو ہر صورت بے نقاب کریں گے، پاکستان کی کامیابی ہے کہ کشمیر ایک مرتبہ پھر عالمی سطح پر اجاگر ہوا ہے، بلوچستان کے حوالے سے حکومتی اپروچ ہر جگہ موجود ہے، ہم تسلسل کے ساتھ بلوچستان کے مسائل کو حل کرتے رہیں گے ۔
وفاقی وزیر اطلاعات نے اس موقع پر بچوں کے لواحقین سے بھی گفتگو کی اور ان کے عزم اور حوصلے کو سراہا ۔
پاکستان نے جن طالبان کیلئے الزامات برداشت کیے، آج وہی بھارت و اسرائیل کیساتھ کھڑے ہیں،خواجہ آصف