زونگ نے پاکستان میں ہوسٹ کیے جانیوالے کلاؤڈ پلیٹ فارم کا آغاز کر دیا
اشاعت کی تاریخ: 25th, May 2025 GMT
زونگ نے پاکستان میں کلاؤڈ ایکو سسٹم کو فروغ دینے کے لیے مقامی طور پر ہوسٹ کیے جانے والے کلاؤڈ پلیٹ فارم کا آغاز کر دیا، جو جدید مصنوعی ذہانت کی صلاحیتوں سے لیس ہے۔
نجی اخبار کی رپورٹ کے مطابق یہ پلیٹ فارم انٹرپرائز سطح کی کارکردگی اور سیکیورٹی فراہم کرتا ہے، اور کم تاخیر کی خصوصیات کے ساتھ ایک مضبوط حل ہے، جو انٹرپرائز کلاؤڈ ضروریات کو مؤثر طریقے سے پورا کرتا ہے۔
کمپنی نے بتایا کہ ’Z SAIS‘ ایک مقامی کلاؤڈ پلیٹ فارم ہے، جس میں 7 سے زائد شعبوں میں 40 سے زیادہ سلوشنز موجود ہیں۔
View this post on InstagramA post shared by Zong 4G (@zong.
یہ پلیٹ فارم اسلام آباد اور لاہور میں موجود ڈیٹا سینٹرز پر مقامی طور پر ہوسٹ کیا گیا ہے، اور تمام سروسز ایک سادہ اور متحد انٹرفیس کے ذریعے دستیاب ہیں۔
ان سروسز میں کبرنیٹیز ، فائر وال، ویب ایپلی کیشن فائر وال، ڈیزاسٹر ریکوری، بیک اپ سروسز، اور ورچوئل ڈیسک ٹاپ انفرا اسٹرکچر شامل ہیں۔
یہ پلیٹ فارم کمپیوٹ، اسٹوریج، بزنس کنٹینیوٹی، نیٹ ورک اور سیکیورٹی جیسے شعبوں میں بھی بلٹ اِن صلاحیتیں فراہم کرتا ہے۔
زونگ کے ہیڈ آف بزنس فاروق رضا خان نے کہا کہ پاکستان آئندہ دہائی میں ایک ’کلاؤڈ انقلاب‘ کے لیے تیار ہے۔
انہوں نے کہا کہ مقامی اور عالمی کمپنیوں کی جانب سے کلاؤڈ ایکو سسٹمز میں سرمایہ کاری کی جا رہی ہے، اور زونگ کا مقصد اپنی ترقی پذیر ڈیجیٹل صلاحیتوں کے ذریعے اس تبدیلی کو ممکن بنانا ہے۔
یہ کلاؤڈ پلیٹ فارم کاروباری اداروں کو ڈیجیٹل جدت کی مکمل طاقت استعمال کرنے کے قابل بنائے گا، اور کلاؤڈ کو پاکستان کی مستقبل کی معیشت کی بنیاد کے طور پر پیش کرے گا۔
اس سے قبل، رواں سال زونگ نے ٹیلی کام انڈسٹری میں استعمال کے لیے پاکستان کا پہلا لارج لینگویج ماڈل (ایل ایل ایم) بھی لانچ کیا تھا، جو کسٹمر سپورٹ اور ذاتی نوعیت کی تجاویز دینے کی صلاحیت کا حامل ہے۔
Post Views: 4ذریعہ: Daily Mumtaz
پڑھیں:
ایشیائی ترقیاتی بینک اور گرین کلائمٹ فنڈ پاکستان کے لیے موسمیاتی موافقت کے منصوبے کی منظوری
دنیا آج موسمیاتی بحران کے ایک نازک موڑ پر ہے، جہاں بڑھتا ہوا درجہ حرارت، غیر معمولی بارشیں اور پگھلتے گلیشیئر محض خبروں کا موضوع نہیں بلکہ بقا کا سوال بن چکے ہیں۔ ایسے میں ایشیائی ترقیاتی بینک (ADB) اور گرین کلائمٹ فنڈ (GCF) نے پاکستان سمیت خطے کے ممالک کے لیے 250 ملین امریکی ڈالر کے ماحولیاتی موافقتی منصوبے کی منظوری دی ہے، جو پاکستان کے لیے امید کی نئی کرن بن سکتا ہے۔
یہ منصوبہ، جسےClimate-Resilient Glacial Water Resource Managementکہا گیا ہے، پاکستان میں گلیشیئر والے علاقوں جیسے گلگت بلتستان، خیبر پختونخوا، سوات اور چترال میں عمل میں آئے گا۔ اس کا مقصد گلیشیئر سے وابستہ پانی کے وسائل کا تحفظ، سیلاب کی پیشگی وارننگ، اور زرعی نظام کی مضبوطی ہے۔ اس کے ذریعے مقامی کمیونٹیز، خاص طور پر خواتین، کو موسمیاتی تحفظ اور کلائمٹ ایکشن پروگراموں میں شامل کیا جائے گا۔
پاکستان حالیہ برسوں میں موسمیاتی تبدیلی کے شدید اثرات دیکھ چکا ہے۔ 2022 اور 2025 کے سیلابوں سے 18 ملین سے زائد افراد متاثر ہوئے اور زرعی زمین کو شدید نقصان پہنچا، جس کا مالیاتی نقصان تقریباً 12 ارب ڈالر تخمینہ لگایا گیا۔ اس منصوبے کے تحت جدید نگرانی نظام، ابتدائی وارننگ سسٹمز، پائیدار آبپاشی اور ماحولیاتی تعلیم جیسے اقدامات کیے جائیں گے، تاکہ ملک Reactive پالیسی سے Proactive موافقت کی طرف گامزن ہو سکے۔
اہم تجاویز:
1. مقامی سطح پر کلائمٹ سیل کا قیام اور فنڈز کی شفاف مانیٹرنگ۔
2. عوامی آگاہی اور ماحولیاتی تعلیم میں خواتین اور نوجوانوں کی شمولیت۔
3. ڈیجیٹل رپورٹنگ کے ذریعے منصوبوں کی شفافیت اور اثرات کا جائزہ۔
4. مقامی ماہرین اور نوجوان محققین کو شامل کر کے سائنسی صلاحیت میں اضافہ۔
5. قدرتی وسائل کی بحالی اور متاثرہ علاقوں میں ماحولیاتی انصاف کو یقینی بنانا۔
یہ منصوبہ پاکستان کے لیے بحران سے استحکام کی طرف پہلا بڑا قدم ہے۔ اگر فنڈز مؤثر اور شفاف انداز میں استعمال کیے گئے، تو نہ صرف آئندہ سیلابوں کے نقصانات کم ہوں گے بلکہ ملک سبز، پائیدار اور ماحولیاتی لحاظ سے مضبوط ترقی کی راہ پر گامزن ہو سکتا ہے۔
رواں سال کا طاقتور ترین طوفان کیریبین جزائر پر اثر انداز ہونا شروع، اب تک 3 افراد ہلاک